`இவர் பிடுங்குவது எல்லாமே தேவையில்லாத ஆணிதான்!' - பெங்களூர் மரங்களைக் காக்கும் வினோத்

1976-ம் ஆண்டு 42-வது சட்டதிருத்தத்தின்படி இந்திய குடிமகனின் கடமைகளில் ஒன்று சுற்றுச்சூழலை பாதுகாப்பது. `இந்திய குடிமக்கள் அனைவரும் காடுகள், ஏரிகள், கடல்கள், ஆறுகள், வனவிலங்குகள் போன்ற இயற்கை சூழலைப் பாதுகாக்க வேண்டும்' என்பது தலையாய கடமையாக அதில் குறிப்பிடப்பட்டுள்ளது. இதில், எத்தனை பேர் இயற்கை வளத்தைப் பாதுகாத்து வருகிறார்கள் என்பது முதல் கேள்வி. சிலர் மட்டுமே இயற்கை வளத்துக்கு முக்கியத்துவம் கொடுத்து வருகின்றனர்.ஆணி பிடுங்கும் பணியில் மரம் ஒரு உயிருக்குச் சமம். மனிதனை ஒரு சிறிய ஊக்கைக் கொண்டு குத்தினால் வலிக்கும். அதேபோலதான் மரமும். ஒரு மரம் ஒரு மனிதருக்குச் சமம். கேட்பதற்கு யாரும் இல்லை என்று நினைத்துக்கொண்டு, விளம்பரத் தட்டிகளுக்காக மரங்களில் அறையும் ஆணிகளை உயிர் நேயத்தோடு அகற்றி சேவை செய்கிறார், பெங்களூரைச் சேர்ந்த வினோத் கர்தவ்யா. இவர் பிடுங்குவது எல்லாமே தேவையில்லாத ஆணிகள்தான்! ``நான் பெங்களூரில் உள்ள டி.ஆர்.டி.ஓ எனப்படும் பாதுகாப்பு ஆய்வு மற்றும் வளர்ச்சிக் கழகத்தின் உதவி விஞ்ஞானியாகப் பணியாற்றி வருகிறேன். கடந்த நவம்பர் மாதம், நான் போன் பேசிக்கொண்டே வீட்டிலிருந்து வெளியே வந்தேன். அங்கிருந்த மரத்தில் சாய்ந்தபோது, என்னுடைய தலையில் பலமாக ஒரு ஆணி குத்தியது. அப்போது, மரத்தில் இருக்கும் ஆணிகளை ஆராய்ச்சி செய்து அதைப் பிடுங்க முடிவு செய்தேன். இதனால், மற்றவர்களுக்கும் ஆபத்து வரக் கூடாது. மேலும், மரங்களையும் பாதுகாப்போம் வேண்டும் என முடிவு செய்தேன். இதுகுறித்து, விசாரித்தபோது ஆணிகள் அடிப்பது குற்றம் என மூன்று சட்டங்களே உள்ளன, ஆனால், இவற்றை யாரும் கடைப்பிடிப்பதில்லை என்று தெரியவந்தது. விளம்பரத் தட்டிகள் அகற்றும் பணி முதலில் நான் தனியாகச் சென்று என்னுடைய பகுதியில் உள்ள மரத்தில் அடிக்கப்பட்ட ஆணிகளைப் பிடுங்கி வந்தேன். பின்னர், என் நண்பர்களுடன் இணைந்து பெங்களூரில் உள்ள மரங்களில் அடிக்கப்பட்டுள்ள ஆணிகள், ஸ்டேபிள் பின்களைப் பிடுங்கி எடுக்கும் பணியில் ஈடுபட்டு வந்தேன். என்னுடைய நண்பர்கள் என் பணிகளைக் குறித்து, சமூக வலைதளங்களில் பதிவு செய்தனர். அதையடுத்து பலருக்கும் இது குறித்து தெரிய வந்தது. தொடர்ந்து, ஒவ்வொரு சனி, ஞாயிற்றுக்கிழமைகளிலும் இந்த வேலையில் ஈடுபட்டு வந்தேன். மரத்தில் ஆணி அடித்திருப்பதைப் பார்த்தபோது என் தலையில் அடித்ததைப் போல இருந்தது. இதனால்தான் அதை எடுக்க ஆரம்பித்தேன். பின்னர், அதை வாரம்தோறும் பழக்கமாக்கிக் கொண்டேன். நான் வசித்து வரும் சம்பங்கிராம் நகர் பகுதியில் உள்ள மரங்களை ஆணியிலிருந்து விடுவிக்கும் நடவடிக்கையில் இறங்கினேன். அதன் பின்னர், என் நண்பர்களும் இணைந்தனர். சனி, ஞாயிற்றுக்கிழமைதோறும் சில மணி நேரங்களை இதற்காகச் செலவிடுகிறோம். இந்தச் சேவையைக் கண்டு பிரபலங்களும் எங்களைப் பாராட்டி சமூக வலைதளங்களில் பகிர்ந்தனர். குழுவினர் ஒரே மரத்தில் மட்டும் 250 ஆணிகளையும், 2000 ஸ்டேபிள் பின்களையும் கண்டறிந்து அகற்றியிருக்கிறோம். கே.ஜி.ரோடு பகுதியில் உள்ள மரம் அது. மிகப் பெரிய சவாலாக இருந்தது அதுதான். தற்போது, நிறைய பேர் தாங்களாக முன்வந்து எங்கள் குழுவில் சேர்ந்து கொள்கின்றனர். பலர் எங்களுக்கு போன் செய்து அவர்களுடய பகுதியில் வந்து ஆணிகளைப் பிடுங்கச் சொல்லிக் கேட்கிறார்கள்'' என்கிறார் சமூக ஆர்வலர் வினோத். ``நன்கு வளர்ந்த ஒரு மரம் வருடத்துக்கு 260 பவுண்ட் ஆக்சிஜனை வளி மண்டலத்துக்குத் தருகிறது. இந்த அளவு ஆக்சிஜன் ஒரு குடும்பத்தில் உள்ள நான்கு பேருக்குப் போதுமானது. அவ்வாறு பயன்தரக்கூடிய மரங்களைக் காயப்படுத்துவது ஏற்றுக்கொள்ள முடியாத ஒன்று. மரங்களில் ஆணி அடிப்பதால் அவற்றுக்கு தொற்று ஏற்பட்டு வளர்ச்சி பாதிக்கப்பட்டு, பின்னர் அவை பட்டுவிடும். எனவே, சாலைகள் ஓரம் உள்ள மரங்களில் யாரும் ஆணி அடிக்கக் கூடாது எனப் பொது மக்களிடம் விழிப்புணர்வு ஏற்படுத்தி வருகிறோம்" எனத் தெரிவித்தார்.- ஆனந்தி ஜெயராமன்
http://dlvr.it/RqGWLZ

Read More

"நான் எம்.ஜி.ஆர், ஜெயலலிதா போல ஆளுமைமிக்க தலைவர் அல்ல. ஆனால்..."- முதல்வர் பழனிசாமி பேச்சு

"வாரிசு அரசியலை முறியடிக்க வேண்டும்" என்று முதல்வர் எடப்பாடி பழனிசாமி இன்று நடந்த அதிமுக பொதுக்குழுக் கூட்டத்தில் கூறினார். முதல்வர், துணை முதல்வர் தலைமையிலான அதிமுக பொதுக்குழுக்கூட்டம் இன்று சென்னை வானகரத்தில் நடைபெற்றது. அந்தக் கூட்டத்தில் பங்கேற்று பேசிய முதல்வர் எடப்பாடி பழனிசாமி, “ஏப்ரல் அல்லது மே மாதத்தில் சட்டமன்ற தேர்தல் தேதியை தேர்தல் ஆணையம் அறிவிக்கும். வரும் சட்டமன்ற தேர்தல் மூலமாக வாரிசு அரசியலை முறியடிக்க வேண்டும். தமிழகத்தை ஆளக் கூடியத் தகுதி அதிமுகவுக்கு உள்ளது என்ற நற்சான்றிதழை மக்கள் கொடுத்துள்ளனர். மெரினாவில் ஜெயலலிதா நினைவிடத்தை இன்னும் ஒரு மாதத்தில் திறக்க உள்ளோம். அண்ணா, எம்.ஜி.ஆர், ஜெயலலிதா போன்ற ஆளுமை மிக்க தலைவர் நான் அல்ல. ஆனால், கட்சி கொடுத்த பணியை சிறப்பாக செய்து கொண்டிருப்பதாக நம்புகிறேன். 4 ஆண்டுகளில் சிறப்பான ஆட்சியை கொடுத்ததாக நான் நம்புகிறேன்” என்றார்.  இந்தக் கூட்டத்தில் பேசிய அதிமுக துணை ஒருங்கிணைப்பாளர் கே.பி.முனுசாமி "சட்டமன்றத் தேர்தலில் அதிமுக - திமுகவிற்கு இடையேதான் போட்டி. தேசிய கட்சிகள் ஒரு பொருட்டே இல்லை. அவர்கள் அதிமுக அல்லது திமுக முதுகில் ஏறிதான் பயணம் செய்ய வேண்டும். அதிமுகவில் சிலீப்பர் செல்களுக்கு வாய்ப்பே இல்லை. சிலர் வெளியே வருவதால் ஒன்றும் ஆகப்போவதில்லை. அவர் வெளியே வந்தாலும் அவருக்கு ஆயிரம் பிரச்னைகள் உள்ளது" என்றார். இந்தக் கூட்டத்தில் நிறைவேற்றப்பட்ட தீர்மானங்கள் குறித்து அறிய > 'கூட்டணியை ஓபிஎஸ், இபிஎஸ் இறுதி செய்வர்' - அதிமுகவின் 16 தீர்மானங்கள்
http://dlvr.it/RqDWc4

Read More

''அதிமுக - திமுகவிற்கு இடையேதான் போட்டி: தேசிய கட்சிகள் பொருட்டே இல்லை'' - கே.பி.முனுசாமி

தேசிய கட்சிகள் ஒரு பொருட்டே இல்லை என அதிமுக துணை ஒருங்கிணைப்பாளர் கே.பி.முனுசாமி தெரிவித்தார். அதிமுகவின் பொதுக்குழு, செயற்குழு கூட்டம் சென்னையில் அவைத்தலைவர் மதுசூதனன் தலைமையில் நடைபெற்று வருகிறது. இதில் ஒபிஎஸ், இபிஎஸ் உள்ளிட்ட கட்சி பொதுக்குழு செயற்குழு உறுப்பினர்கள் கலந்து கொண்டுள்ளனர். இந்த கூட்டத்தில் பேசிய அதிமுக துணை ஒருங்கிணைப்பாளர் கே.பி.முனுசாமி “சட்டமன்றத்தேர்தலில் அதிமுக - திமுகவிற்கு இடையேதான் போட்டி. தேசிய கட்சிகள் ஒரு பொருட்டே இல்லை. அவர்கள் அதிமுக அல்லது திமுக முதுகில் ஏறிதான் பயணம் செய்ய வேண்டும். அதிமுகவில் சிலீப்பர் செல்களுக்கு வாய்ப்பே இல்லை. சிலர் வெளியே வருவதால் ஒன்றும் ஆகப்போவதில்லை. அவர் வெளியே வந்தாலும் அவருக்கு ஆயிரம் பிரச்னைகள் உள்ளது” எனத் தெரிவித்தார்.
http://dlvr.it/RqDWWh

Read More

'கிரண்பேடியை திரும்ப பெற வேண்டும்' - புதுவை முதல்வர் நாராயணசாமி விடிய, விடிய போராட்டம்

ஆளுநர் கிரண்பேடியை திரும்ப பெற வேண்டும் எனக்கூறி புதுச்சேரி முதல்வர் நாராயணசாமி விடிய விடிய போராட்டத்தில் ஈடுபட்டார். அவருடன் காங்கிரஸ் தொண்டர்களும் போராட்டத்தில் ஈடுபட்டுள்ளனர்.  மக்கள் நலத்திட்டங்களுக்கு தடையாக உள்ள துணை நிலை ஆளுநர் கிரண்பேடியை திரும்பப் பெறவும், பிரதமர் நரேந்திர மோடியின் கவனத்திற்கு கொண்டு செல்லவும் போராட்டத்தில் ஈடுபட்டுள்ளதாக புதுச்சேரி முதலமைச்சர் நாராயணசாமி தெரிவித்துள்ளார். இதுகுறித்து புதியதலைமுறைக்கு பேட்டியளித்த அவர், “மாநில வளர்ச்சிக்கு தடையாக உள்ளார் கிரண்பேடி. ஆளுநரை திரும்ப பெறக் கோரி அமைதி வழியில் நாங்கள் போராடுகிறோம். எங்களை அச்சமூட்டும் வகையில் துணை ராணுவம் குவிக்கப்பட்டுள்ளது. எங்கள் போராட்டத்தை மக்கள் புரிந்து கொள்வார்கள்” என்றார்.
http://dlvr.it/RqCP3F

Read More

உதயநிதி மன்னிப்பு கேட்க வேண்டும் : சசிகலாவின் தம்பி மகன் ஜெய் ஆனந்த் நோட்டீஸ்

சசிகலாவின் மாண்பை சீர்குலைக்கும் வகையில் பேசியதாக திமுக இளைஞர் அணிச் செயலாளர் உதயநிதி ஸ்டாலினுக்கு, சசிகலாவின் தம்பி மகனும், அண்ணா திராவிடர் கழக இளைஞர் அணி செயலாளருமான ஜெய்ஆனந்த் திவாகரன் சார்பாக நோட்டீஸ் அனுப்பப்பட்டுள்ளது. திமுக கூட்டம் ஒன்றில் கலந்து கொண்ட உதயநிதி ஸ்டாலின், சசிகலாவின் மாண்பை சீர்குலைக்கும் வகையில் பேசியதாகவும், அவரது பேச்சுக்கு நிபந்தனையற்ற மன்னிப்பு கேட்க வேண்டும் எனவும் ஜெய்ஆனந்த் திவாகரன் தரப்பில் தெரிவிக்கப்பட்டுள்ளது. உதயநிதி ஸ்டாலின் பேசிய பேச்சை திரும்ப பெறவில்லை என்றால், சட்டரீதியாக நடவடிக்கை எடுக்கப்படும் என அந்த நோட்டீஸில் கூறப்பட்டுள்ளது. பெண் என்றும் பாராமல் அச்சில் ஏற்றமுடியாத வார்த்தைகளை கொண்டு உதயநிதி விமர்சித்தது கண்டனத்துக்குரியது எனவும் திவாகரன் தரப்பில் அனுப்பப்பட்ட நோட்டீஸில் தெரிவிக்கப்பட்டுள்ளது. பெண்களை பெரிதும் மதிக்கின்ற தமிழ் சமூகத்தில், இத்தகைய குணம் கொண்டவர்களும் இருக்கிறார்கள் என்பது வருத்தமளிப்பதாக அமமுக பொதுச் செயலாளர் டிடிவி தினகரன் கண்டனம் தெரிவித்துள்ளார். கண்ணியத்திற்கும், திமுகவுக்கும் ஒரு நாளும் சம்பந்தமே இருந்ததில்லை என்பதற்கு உதயநிதி ஸ்டாலின் சாட்சி என்றும் விமர்சித்துள்ளார். சசிகலாவை விமர்சனம் செய்தது அருவருக்கத்தக்கது மட்டுமல்ல, கண்டிக்கப்பட வேண்டியது என பாஜகவின் தேசிய மகளிர் அணித் தலைவர் வானதி சீனிவாசன் தெரிவித்துள்ளார். பெண்களை அரசியலுக்கு வரவிடாமல், இம்மாதிரி விமர்சனங்கள் வாயிலாக இரும்பு அரணை எழுப்புகிறார்கள் என்றும் அவர் கூறியுள்ளார். கருணையற்ற, அருவருக்கத்தக்க பேச்சு என்றும், இதனால் தோல்வி தொடர்வதில் ஆச்சரியமில்லை என்றும் பாஜகவின் குஷ்பு ட்விட்டரில் கண்டனம் தெரிவித்துள்ளார். மேலும், திருப்பதி நாராயணனின் பதிவையும் அவர் இணைத்துள்ளார்.
http://dlvr.it/Rq9Hd1

Read More

மத்தியப் படை குவிப்பு; சீல் வைக்கப்பட்ட வீதிகள் - மினி காஷ்மீராக மாறிய புதுச்சேரி! - என்ன நடக்கிறது?

புதுச்சேரி முதல்வர் நாராயணசாமி தலைமையிலான அமைச்சரவைக்கும், கவர்னர் கிரண்பேடிக்கும் கடந்த நான்கரை ஆண்டுகளாக யாருக்கு அதிகாரம் என்பதில் மோதல் நீடித்து வருகிறது. யூனியன் பிரதேசமான புதுச்சேரியில் நிர்வாகியான துணைநிலை ஆளுநருக்குத்தான் இறுதி முடிவெடுக்கும் அதிகாரம் என்று தெரிவிக்கும் கிரண் பேடி, அரசின் அன்றாட நிகழ்வுகளில் தலையிட்டு அரசுக்கு நெருக்கடி கொடுத்து வருகிறார். ஆனால், யூனியன் பிரதேசமாக இருந்தாலும் மக்களால் தேர்வு செய்யப்பட்ட அரசுக்குத்தான் அதிகாரம் என்று கூறி கிரண்பேடிக்கு எதிர்ப்புத் தெரிவித்து வருகிறது நாராயணசாமி தலைமையிலான அமைச்சரவை.கண்ணீர் புகைக் குண்டுகளை வீசும் வஜ்ரா வாகனத்தில் மத்திய படை வீரர் ``அமைச்சரவை எடுக்கும் முடிவுகள், சட்டமன்ற அறிவிப்புகள், கொள்கை முடிவுகளில்கூட கவர்னர் கிரண்பேடி தலையிட்டு உள்துறைக்கு கோப்புகளை அனுப்புகிறார். கிரண்பேடி தடையால் மக்கள் நலத்திட்டங்கள், வளர்ச்சித்திட்டங்களை நிறைவேற்றமுடியவில்லை” என முதல்வர் நாராயணசாமி தொடர்ந்து கிரண் பேடி மீது குற்றம் சுமத்தி வருகிறார். 2019-ம் ஆண்டு நாடாளுமன்றத் தேர்தலுக்கு முன்பாக கறுப்புச் சட்டை அணிந்துகொண்டு கவர்னர் மாளிகைக்கு முன் அமர்ந்து தொடர் போராட்டத்தில் ஈடுபட்டார். Also Read: புதுச்சேரி: `நாராயணசாமி Vs கிரண் பேடி; வாருங்கள்... வராதீர்கள்!’ - குழப்பும் `புத்தாண்டு அரசியல்’ 6 நாள்கள் தொடர்ச்சியாக நீடித்த இந்த போராட்டம் கவர்னர், அமைச்சர்களின் பேச்சுவார்த்தையால் அப்போது முடிவுக்கு வந்தது. ஆனால் பேச்சுவார்த்தையில் ஒப்புக்கொண்ட கோரிக்கைகளில் ஒன்றைக் கூட ஆளுநர் நிறைவேற்றவில்லை. குறிப்பாக இலவச அரிசி மற்றும் துணி, அரசு பள்ளி மாணவர்களுக்கு 10% ஒதுக்கீடு, தனியார் மருத்துவக் கல்லூரியில் 50% அரசு ஒதுக்கீடு, பொங்கல் பரிசு என அரசு பரிந்துரை செய்த பல திட்டங்கள் கிடப்பில் கிடக்கின்றன. இன்னும் மூன்று மாதங்களில் 2021 சட்டப்பேரவை வரவிருக்கும் சூழலில், மக்கள் நலத்திட்டங்களை நிறைவேற்றாததற்கு கிரண் பேடிதான் காரணம் என்று மக்களுக்குத் தெரியப்படுத்த நினைத்த ஆளும் காங்கிரஸ் கட்சி, அவருக்கெதிரான தொடர் போராட்டத்தை நடத்த முடிவெடுத்தது.இரும்பு முள்வேலிகளுடன் பேரிகார்டுகள் அதனைத் தொடர்ந்து கூட்டணிக் கட்சிகளுடன் ஆலோசனை நடத்தி மீண்டும் கவர்னர் மாளிகை முன்பு இன்று 08.01.2021 முதல் தொடர் போராட்டத்தை நடத்த முடிவு செய்தனர். உடனே கவர்னர் மாளிகை முன்பு போராட்டம் நடத்துவதற்கு தடை விதித்த மாவட்ட ஆட்சியர், அந்தப் பகுதியில் 144 தடை உத்தரவு பிறப்பித்தார். அதனைத் தொடர்ந்து தடையை மீறி போராட்டம் நடத்தினால் தொற்றுநோய் பரப்புதல் தடுப்பு சட்டத்தின் கீழ் கடும் நடவடிக்கை எடுக்கப்படும் என காவல்துறை டி.ஜி.பி எச்சரிக்கை விடுத்தார். தொடர்ந்து காங்கிரஸ் மற்றும் அதன் கூட்டணிக் கட்சியினரை அழைத்துப் பேச்சுவார்த்தை நடத்திய மாவட்ட ஆட்சியர் பூர்வா கார்க், மறைமலை அடிகள் சாலையில் அண்ணா சிலையிலிருந்து வெங்கடசுப்பா ரெட்டியார் சிலை அருகில் வரை போராட்டம் நடத்திக் கொள்ளலாம் என்று அனுமதி அளித்தார். அதனையேற்று மறைமலை அடிகள் சாலையில் நேற்றிரவு போராட்டப் பந்தல் அமைக்கப்பட்டது. இன்று காலை 9 மணிக்கு முதலமைச்சர் நாராயணசாமி தலைமையில் போராட்டம் தொடங்கியது.போராட்டக் களத்தில் முதல்வர் நாராயணசாமி இதற்கிடையே புதுவை காவல்துறையின் வேண்டுகோளின்படி கேரளா, தெலங்கானா மாநிலங்களில் இருந்து புதுச்சேரிக்கு வந்திருக்கும் 3 கம்பெனி மத்தியப் பாதுகாப்பு படையினர் ஒயிட் டவுன் முழுவதையும் தங்கள் கட்டுப்பாட்டுக்குள் கொண்டு வந்திருக்கின்றனர். குறிப்பாக கவர்னர் மாளிகை, சட்டப்பேரவை வளாகம், தலைமைச் செயலகம், முதல்வர் நாராயணசாமியின் வீடு உள்ளிட்ட பகுதிகளில் பாதுகாப்புப் பணியில் ஈடுபட்டிருக்கின்றனர். கவர்னர் மாளிகை எதிரே உள்ள பாரதி பூங்கா பூட்டப்பட்டுள்ளது. கவர்னர் மாளிகை, சட்டசபை வளாகம் உள்ளிட்ட பகுதிகளில் தடுப்புக்கட்டைகள், பேரிகார்டுகள் அமைக்கப்பட்டுள்ளது. கவர்னர் மாளிகை, சட்டமன்ற வளாகத்தை சுற்றிலும் தடுப்புக் கட்டைகள், இரும்புக் கம்பிகளால் ஆன முள்வேலிகள், பேரிகார்டுகள் என 3 அடுக்கு பாதுகாப்பு போடப்பட்டது. கவர்னர் மாளிகையைச் சுற்றிலும் கண்காணிப்பு கேமராக்கள் பொருத்தப்பட்டது. மத்திய பாதுகாப்புப் படைக்கு உறுதுணையாக புதுவை போலீஸாரும் பாதுகாப்புப் பணியில் ஈடுபட்டுள்ளனர்.ஆளுநர் மாளிகைக்கு முன் மத்திய பாதுகாப்புப் படை நகரின் பல்வேறு வீதிகள் முடக்கப்பட்டு சீல் வைக்கப்பட்டதால் போக்குவரத்து நெரிசல் ஏற்பட்டு திணறியது புதுச்சேரி. அதனால் அத்தியாவசியத் தேவைகளுக்காக வெளியில் சென்ற மக்கள் கடுமையாகப் பாதிக்கப்பட்டனர். குறிப்பாக கவர்னர் மாளிகையைச் சுற்றி இரும்புக் கம்பிகளால் ஆன முள் வேலி பாதுகாப்புப் போடப்பட்டிருக்கிறது. போராட்டக்களம் மற்றும் ஒயிட் டவுன் வீதிகளில் துப்பாக்கியேந்திய நிலையில் மத்தியப் படையினர் குவிக்கப்பட்டிருப்பதால் பதற்றம் நிலவி வருகிறது. போராட்டக் களத்தைச் சுற்றியும் கண்ணீர் புகைக் குண்டுகளை வீசும் வஜ்ரா வாகனங்களும், இயந்திரத் துப்பாக்கிகளை ஏந்திய வீரர்களும் நிறுத்தப்பட்டிருப்பதால் அந்தப் பகுதியில் பதற்றமான சூழல் நிலவி வருகிறது. போராட்டக் களத்தில் நம்மிடம் பேசிய காவல்துறையின் உயர் அதிகாரி ஒருவர், ``தேர்தல் நேரத்தில்கூட புதுச்சேரி மக்கள் இந்த அளவு கெடுபிடிகளை எதிர்க்கொண்டது கிடையாது. இரண்டு வருடங்களுக்கு முன்பு ஆளுநர் மாளிகையின் வாசலில் முதல்வர் உள்ளிட்ட அமைச்சர்கள் 6 நாள்கள் இரவு, பகலாக அமைதியான வழியில் தொடர் போராட்டத்தில் ஈடுபட்டனர். அப்போது எந்தவித சிறு அசம்பாவிதமும், அத்துமீறலும் நடைபெறவில்லை. Also Read: `இனியும் நான் பேசாமல் இருந்தால் சரிவராது!’ - கிரண் பேடிக்கு எதிராகக் கொந்தளித்த நாராயணசாமி இப்போதுகூட மாவட்ட ஆட்சியர் அனுமதி அளித்த இடத்தில்தான் போராட்டத்தை நடத்துகின்றனர். ஆனால் தேவையே இல்லாமல் முக்கிய வீதிகளுக்கு சீல் வைக்கச் சொல்லியிருக்கிறார் கிரண் பேடி. இந்தக் கெடுபிடிகளைப் பார்க்கும்போது இது புதுச்சேரியா அல்லது காஷ்மீரா என்று சந்தேகம் வருகிறது. மாநிலமாக இருந்த ஜம்மு-காஷ்மீரை யூனியன் பிரதேசமாக மாற்றுவதற்கு முன்பும் இப்படித்தான் செய்தது மத்திய அரசு” என்றார் விரக்தியுடன்.
http://dlvr.it/Rq9HV2

Read More

ஓபிஎஸ் குறித்து அவதூறு பரப்பினால் கடும் நடவடிக்கை: கே.பி.முனுசாமி

இட ஒதுக்கீடு கோரிக்கை தொடர்பாக சமூக வலைத்தளங்களில் ஓபிஎஸ் மீது பொய் பிரச்சாரம் செய்தால் கடும் நடவடிக்கை எடுக்கப்படும் என்று அதிமுக துணை ஒருங்கிணைப்பாளர் கே.பி.முனுசாமி எச்சரிக்கை விடுத்துள்ளார். கிருஷ்ணகிரியில் அதிமுக துணை ஒருங்கிணைப்பாளர் கே.பி.முனுசாமி இன்று செய்தியாளர்களுக்கு பேட்டி அளித்தார். அப்போது எம்ஜிஆர் ஆட்சியை தருவேன் எனக்கூறும் கமல்ஹாசன் கருத்துக்கு பதிலளித்த கே.பி.முனுசாமி, "எம்ஜிஆர் ஆட்சிக்கு வருவதற்கு முன்பாக அவர் உழைப்பால் பெற்ற ஊதியம் அனைத்தையும் மக்களுக்காக கொடுத்து மக்கள் தலைவர் என பெயர் பெற்றவர். ஆனால் கமல் இதுவரையில் மக்களுக்காக என்ன உதவி செய்துள்ளார். புயல் சுனாமி போன்ற பேரிடர் காலங்களில் மனிதநேயத்துடன் சிறு உதவியாவது செய்துள்ளாரா" எனக் கேள்வி எழுப்பியவர், இப்படிப்பட்ட கமல்ஹாசன் ஆட்சிக்கு வருகிறேன் என்று சொல்வது கேலிக்கூத்தாக உள்ளது. மேலும் எம்ஜிஆர் உடன் தன்னை இணைத்து பேசுவது அபத்தமாக உள்ளது எனக் கடுமையாக சாடினார். தொடர்ந்து இட ஒதுக்கீடு தொடர்பாக சமூக வலைத்தளங்களில் துணை முதல்வர் ஓபிஎஸ் விமர்சிக்கப்படுவது குறித்த கேள்விக்கு பதில் அளித்த அவர், "திராவிட உணர்வுள்ள எந்த ஒரு தலைவரும் இட ஒதுக்கீட்டை எதிர்த்து செயல்படுபவர்கள் இல்லை. அந்த அடிப்படையில் துணை முதல்வர் ஓ.பன்னீர்செல்வம் ஒருபோதும் இட ஒதுக்கீடு போராட்டத்தை விமர்சனம் செய்ய மாட்டார். சில விஷமிகள் திட்டமிட்டு ஓபிஎஸ் பெயருக்கு களங்கம் ஏற்படுத்த வேண்டும் என இதுபோல் செய்து வருகின்றனர். அதேபோல் தனது சமூகத்திற்கு உரிய இட ஒதுக்கீடு வேண்டும் என ஒவ்வொரு தலைவரும் போராடுவது நியாயமான கோரிக்கை. இட ஒதுக்கீடு போராட்டம் குறித்து விமர்சனம் செய்ததாக ஓபிஎஸ் மீது தொடர்ந்து சமூகவலைத்தளத்தில் தவறாக பரப்புரை செய்தால் அவர்கள் மீது சட்டப்படி நடவடிக்கை எடுக்கப்படும். வேண்டுமென்றே ஓபிஎஸ் பெயரை களங்கப்படுத்த சில இயக்கம் இதுபோல் செயல்படுவதாக நான் கருதுகிறேன். அந்த இயக்கம் விரைவில் அடையாளம் காணப்படும்" எனத் தெரிவித்தார்.
http://dlvr.it/Rq7lTq

Read More