எழுவர் விடுதலை: ஆளுநரின் ஆவணம் கிடைத்த பிறகே அடுத்த நடவடிக்கை - அமைச்சர் சி.வி.சண்முகம்

7பேர் விடுதலை தொடர்பாக உச்சநீதிமன்றத்தில் ஆளுநர் தாக்கல் செய்த ஆவணம் கிடைத்த பிறகே அடுத்த நடவடிக்கை எடுக்கப்படும் என்று அமைச்சர் சி.வி.சண்முகம் தெரிவித்துள்ளார். முன்னாள் பாரத பிரதமர் ராஜீவ் காந்தி கொலை வழக்கில் கைது செய்யப்பட்டு சிறையில் இருக்கும் 7 பேரின் விடுதலை தொடர்பாக முடிவெடுக்க தமிழக கவர்னருக்கு உரிமை இருக்கிறது என்று உச்சநீதிமன்றம் தெரிவித்து இருந்தது. இந்நிலையில் தமிழக ஆளுநர் பன்வாரிலால், பேரறிவாளன் உள்ளிட்ட 7 பேர் விடுதலை தொடர்பாக குடியரசுத் தலைவரே முடிவெடுப்பார் என கூறியிருந்தார். இதைத் தொடர்ந்து தமிழக அரசியலில் பல விவாதங்கள் நடைபெற்று வருகிறது. இதையடுத்து 7 பேர் விடுதலை தொடர்பாக உச்சநீதிமன்றத்தில் ஆளுநர் தாக்கல் செய்த ஆவணம் தமிழக அரசுக்கு கிடைக்கவில்லை. ஆளுநரின் ஆவணம் கிடைத்த பிறகே அடுத்த நடவடிக்கை எடுக்கப்படும் என்று தமிழக சட்டத்துறை அமைச்சர் சி.வி.சண்முகம் தெரிவித்தார்.
http://dlvr.it/Rs81V0

Read More

புதுசா கிடைச்ச மீம் டெம்பிளேட்.. வைரலான கோலி, ரோகித் சர்மாவின் போட்டோ!

இங்கிலாந்து கிரிக்கெட் அணி இந்தியாவுக்கு எதிரான 4 போட்டிகள் கொண்ட டெஸ்ட் தொடரின் முதல் போட்டியை சென்னை - சேப்பாக்கம் மைதானத்தில் விளையாடி வருகிறது. டாஸ் வென்ற இங்கிலாந்து அணி பேட்டிங்கை தேர்வு செய்தததோடு முதல் இன்னிங்ஸில் டாமினேட் செய்து வருகிறது. அந்த அணியின் கேப்டன் ஜோ ரூட் சதம் கடந்து சாதனை படைத்துள்ளார். இந்நிலையியல் நேற்றைய ஆட்டத்தின் போது ஃபீல்டிங் பணியை கவனித்து வந்த கேப்டன் விராட் கோலி மற்றும் ரோகித் ஷர்மாவின் புகைப்படம் இணையத்தில் வைரலாகி உள்ளது. இருவரும் கேமிராவை பார்த்து வித்தியாசமான லுக் விட்டுள்ளது மீம் கிரியேட்டர்களுக்கும், நெட்டிசன்களுக்கும் காட்டுத் தீனியாக அமைந்துள்ளது. அந்த படத்தை வைத்து ட்விட்டர் மாதிரியான சமூக வலைத்தளங்களில் ‘மானே, தேனே’ என மனம் போன போக்கில் கேப்ஷன் போட்டு கொண்டாடியும், TROLL செய்தும் வருகின்றனர். அதில் சில… -வகுப்பிற்கு புதிய பெண் மாணவி வந்தாள்… When a newcomer girl enter in the class?@imVkohli @ImRo45 #INDvENG pic.twitter.com/rODI6sOrIQ — SHUBHAM (@RohitianShubham) February 5, 2021 -பிள்ளைகள் போனை பார்த்து அசடு வழிய சிரிக்கும் போது பெற்றோர்களின் ரியாக்ஷன்… When I suddenly laugh looking at my mobile My parents *@ImRo45 @imVkohli #INDvsENG pic.twitter.com/81B9Pre8tt — MANOJ 45 (@manoj__45_) February 5, 2021 -தங்களது நண்பன் அவனது கிரஷுடன் ஊர் சுற்றும் போது சிங்கிள் பசங்களின் ரியாக்ஷன்… #INDvENGWhen single boys see their friend Roaming with their crush. pic.twitter.com/qduP3QVA7N — ImDDanger (@JaiswalVarrnit) February 5, 2021 -ரோகித்தும், கோலியும் ரூட் முதல் நாளன்று சதம் அடித்த போது… Imagine Rohit & Virat batting on this pitch on day 1: ? #INDvENG pic.twitter.com/N7WFjrY99M — Vinod (@impact_in_line) February 5, 2021 -ஆங்கில ஆசிரியர் தங்களை கடக்கும் போது உடற்பயிற்சி மற்றும் கணித வாத்தியாரின் பார்வை…
http://dlvr.it/Rs7CKF

Read More

விவசாய கடன் ரத்து: அரசியல் தலைவர்கள் கருத்து - வீடியோ!

கூட்டுறவு வங்கிகளில் பயிர்க்கடன் பெற்ற 16.43 லட்சம் விவசாயிகளின் கடன் நிலுவைத் தொகையான 12,110 கோடி ரூபாய் தள்ளுபடி செய்யப்படும் என்று சட்டப்பேரவையில்  முதல்வர் பழனிசாமி அறிவித்தார். முதல்வரின் இந்த அறிவிப்புக்கு விவசாயிகள் வரவேற்பு தெரிவித்துள்ளனர். அரசியல் கட்சியைச் சேர்ந்த பலரும் முதல்வரின் அறிவிப்பு குறித்து கருத்து தெரிவித்துள்ளனர்
http://dlvr.it/Rs7CGz

Read More

கந்த சஷ்டி கவசம் பாடல் விவகாரம்: கறுப்பர் கூட்டத்தின் மீதான குண்டர் சட்டம் ரத்து

கறுப்பர் கூட்டம் யூடியூப் சேனலை சேர்ந்த சுரேந்திரன், செந்தில்வாசன் ஆகியோர் மீதான குண்டர் சட்டத்தை ரத்து செய்து சென்னை உயர்நீதிமன்றம் உத்தரவிட்டுள்ளது. கந்தசஷ்டி கவசம் பாடலை ஆபாசமாக சித்தரித்து கருத்து தெரிவித்ததாக கறுப்பர் கூட்டம் யூடியூப் சேனலின் சுரேந்திரன், செந்தில்வாசன், சோமசுந்திரம், குகன் ஆகியோரை போலீசார் கைது செய்தனர். இதில் சுரேந்திரன், செந்தில்வாசன் ஆகியோர் மீது குண்டர் சட்டம் போடப்பட்டது. இதை எதிர்த்து சென்னை உயர்நீதிமன்றத்தில் வழக்கு தொடரப்பட்டது. ஒரே ஒரு வழக்குதான் எங்கள் மீது பதியப்பட்டுள்ள நிலையில் குண்டர் சட்டம் சட்டவிரோதமானது எனவும் மூடநம்பிக்கைகளை ஒழிக்கவும் கல்வியறிவின்மையை ஒழிப்பதற்காகவும்தான் தங்களது பதிவுகளை இட்டதாகவும் மனுவில் தெரிவிக்கப்பட்டிருந்தது. ஆனால் ஒருவழக்கிற்காக குண்டர் சட்டம் போடக்கூடாது என்று எந்த விதிகளும் இல்லை எனவும் கறுப்பர் கூட்டம் பதிவால் இந்து மதத்தில் சலசலப்பு ஏற்பட்டதாகவும் காவல்துறை தரப்பில் தெரிவிக்கப்பட்டது. இருதரப்பு வாதங்களையும் கேட்ட நீதிபதிகள், குண்டர் சட்டம் பிறப்பித்த உத்தரவில் காலதாமதம் ஏற்பட்டுள்ளதாகவும் அதேபோன்று ஒரு வழக்கிற்காக குண்டர் சட்டம் பதிவு செய்வதை ரத்து செய்ய வேண்டும் என உள்துறை அமைச்சகம் கொடுத்த மனு சரியாக பரிசீலிக்கப்படாமல் காலதாமதம் செய்திருப்பதை காரணம் காட்டி இருவரின் மீதான குண்டர் சட்டத்தை ரத்து செய்து உத்தரவிட்டனர்.
http://dlvr.it/Rs4XQt

Read More

இந்தியா-இங்கிலாந்து இடையிலான முதல் டெஸ்ட் இன்று சென்னையில் தொடக்கம்

இந்தியா மற்றும் இங்கிலாந்து அணிகள் இடையிலான முதல் டெஸ்ட் கிரிக்கெட் போட்டி இன்று காலையில் தொடங்குகிறது. சென்னை சேப்பாக்கம் மைதானத்தில் இந்திய நேரப்படி காலை 9.30 மணிக்கு போட்டி தொடங்குகிறது. ஆஸ்திரேலிய தொடரின் கடைசி மூன்று போட்டிகளில் விளையாடாத கேப்டன் விராட் கோலி அணிக்கு திரும்புகிறார். ஆல்ரவுண்டர் ஹர்திக் பாண்ட்யாவும், காயத்திலிருந்து மீண்டுள்ள இஷாந்த் சர்மாவும் ஆடும் லெவனில் இடம் பெறுவார் என எதிர்பார்க்கப்படுகிறது. ஜோ ரூட் தலைமையிலான இங்கிலாந்து அணியை பொறுத்தவரையில் முன்னணி வீரர்களான பென் ஸ்டோக்ஸ், பட்லர், ஆர்ச்சர், ஸ்டூவர்ட் பிராட் உள்ளிட்டோர் களமிறங்குவார்கள் எனத் தெரிகிறது. சேப்பாக்கம் மைதானம் சுழற்பந்துக்கு சாதகமாக இருக்கும் என கணிக்கப்பட்டுள்ளது. கொரோனா அச்சுறுத்தல் காரணமாக போட்டியில் ரசிகர்களுக்கு அனுமதி வழங்கப்படவில்லை. இந்நிலையில், போட்டியில் ரிஷப் பந்த் விளையாடுவார் என செய்தியாளர்களிடம் பேசிய விராட் கோலி தெரிவித்தார். மேலும், ”நாட்டில் நடைபெறும் எந்த ஒரு பிரச்னைக்கும் அனைத்து தரப்பினருமே தங்களது கருத்துகளை வெளிப்படுத்துவர். விவசாயிகள் போராட்டம் குறித்த கருத்தை ஒவ்வொருவரும் வெளிப்படுத்தி வருகின்றனர். இது குறித்து அணியின் கூட்டத்திலும் விரிவாக பேசினோம். ஆஸ்திரேலியாவுக்கு எதிரான டெஸ்ட் தொடரின்போது டெஸ்ட் சாம்பியன்ஷிப் குறித்து பெரிதாக பேசிக் கொள்ளவில்லை. அதேபோல் தற்போதும் சில மாதங்களுக்குப் பிறகு நடைபெறவுள்ள டெஸ்ட் சாம்பியன்ஷிப்பிற்காக அழுத்தத்தை ஏற்படுத்திக் கொள்ளவில்லை. இங்கிலாந்துக்கு எதிரான டெஸ்ட் தொடரை வெல்வதில் மட்டுமே கவனம் செலுத்தி வருகிறோம்” என்றார்.
http://dlvr.it/Rs3PWF

Read More

கேரளா:`ஒருவருக்கு தங்கம் மீது பிரியம்; மற்றொருவருக்கு சோலார் மூலம் ஆற்றல்! - ஜே.பி.நட்டா கிண்டல்

கேரள மாநிலத்தில் நடக்க உள்ள சட்டசபை தேர்தல் பிரசாரத்துக்காக பா.ஜ.க தேசிய தலைவர் ஜே.பி. நட்டா கடந்த 3-ம் தேதி கேரளா சென்றார். கேரளத்தில் பல்வேறு பகுதிகளில் தேர்தல் பிரசாரம் மேற்கொண்டதுடன், நிர்வாகிகள் கூட்டம், கட்சியில் வி.ஐ.பி-களை உறுப்பினராக சேர்த்தல் என பல்வேறு நடவடிக்கைகளில் ஈடுபட்டார். அதன் ஒரு பாகமாக திருவனந்தபுரத்தில் நடந்த நிகழ்ச்சியில் சினிமா நடிகர் கிருஷ்ணகுமார் தன்னை பா.ஜ.க-வில் இணைத்துக்கொண்டார். திருச்சூரில் நடந்த பா.ஜ.க பொதுக்கூட்டத்தில் ஜே.பி.நட்டா முன்னிலையில் முன்னாள் டி.ஜி.பி ஜேக்கப் தாமஸ் தன்னை பா.ஜ.க-வில் இணைத்துக்கொண்டார். வரும் சட்டசபை தேர்தலில் போட்டியிடபோவதாக முன்னாள் டி.ஜி.பி ஜேக்கப் தாமஸ் ஏற்கனவே கூறியிருந்தார். மேலும் எந்த தொகுதியில் போட்டியிடப்போவது என முடிவு செய்யவில்லை என்றும் அறிவித்திருந்தார். கடந்த சட்டசபை தேர்தலில் ஒரே ஒரு எம்.எல்.ஏ மட்டுமே கேரள பா.ஜ.க-விற்கு கிடைத்தது. இந்த முறை கூடுதல் சீட்டுகளை பிடிக்கும் எண்ணத்தில் பா.ஜ.க முக்கிய பிரபலங்களை களத்தில் இறக்க தயாராகி வருகிறது. கேரளத்தில் தேர்தல் பிரசாரத்தில் ஈடுபட்ட ஜே.பி. நட்டா நேற்று திருச்சூரில் நடந்த பொதுக்கூட்டத்தில் பேசினார்.ஜே.பி.நட்டா முன்னிலையில் பா.ஜ.க-வில் இணைந்த முன்னாள் டி.ஜி.பி ஜேக்கப் தாமஸ் அப்போது கேரளத்தை ஆளும் சி.பி.எம் முதல்வர் பினராயி விஜயனை, ஸ்வப்னா சுரேஷின் தங்கம் கடத்தல் வழக்கிலும், காங்கிரஸ் கட்சியைச் சேர்ந்த முன்னாள் முதல்வர் உம்மன் சாண்டியை சோலார் பேனல் மோசடி வழக்கிலும் தொடர்பு படுத்தி கிண்டலாக பேசினார் ஜே.பி.நட்டா. பொதுக்கூட்டத்தில் ஜே.பி.நட்டா பேசுகையில், "கேரளத்தின் அரசு அமைப்புகள் முழுவதும் ஊழல் நிறைந்ததாக உள்ளது. ஒரு மாநிலம் என்ற நிலையில் ஊழலும், மோசடியும் கேரளத்திற்கு கெட்டப்பெயரை ஏற்படுத்தியிருக்கிறது. ஊழல் வழக்குகளில் பெண்களின் நிழல் உண்டு. இந்த அரசு செய்தது பணம் மோசடி மட்டும் அல்ல, அதற்கும் மேலானது. பினராயி விஜயனின் அரசு தவறான நிர்வாகமும், செயலற்ற தன்மையும் கொண்டது. Also Read: தங்கம் கடத்தல் வழக்கு: 98 நாள்கள் சிறை... 3 வழக்கிலும் ஜாமீன்! புத்தகத்துடன் வெளியேறிய சிவசங்கரன்! பெண்கள் மற்றும் பட்டியலின மக்களுக்கு எதிரான வன்முறைகள் இந்த ஆட்சியில் அதிகரித்துள்ளன. சட்டம் ஒழுங்கு மோசமடைந்துள்ளது. கொரோனா வைரஸ் தொற்றை கட்டுப்படுத்த மாநிலங்களுக்கு கொடுக்கப்பட்ட அதிகாரத்தை துஷ்பிரயோகம் செய்தது கேரள அரசு. கேரளத்தில் ஒரு முதலமைச்சர் தங்கத்தின் மீது மிகவும் பிரியமாக இருக்கிறார். மற்றொரு முதலமைச்சர் சோலாரில் இருந்து ஆற்றல் பெறுகிறார்.பா.ஜ.க பொதுக்கூட்டத்தில் பிரதமர் நரேந்திர மோடி செய்யும் நல்ல திட்டங்களை கடவுளின் சொந்த தேசத்திற்கும் விரிவுபடுத்த நாங்கள் விரும்புகிறோம். பிரதமரின் கரிசனமான நல்ல நடவடிக்கைகள் குறித்து நாம் அறிந்திருக்க வேண்டியது அவசியம். ஏமன் நாட்டில் இருந்தும், ஆப்கானிஸ்தானத்தில் இருந்தும் மக்களை எப்படி திரும்ப அழைத்து வந்தோம் என்பதை நாம் நினைத்துப் பார்க்க வேண்டும்" என்றார்.
http://dlvr.it/Rs3PSq

Read More

நீலகிரி: திரும்பி வந்துட்டேன்னு சொல்லு; ரீஎன்ட்ரி கொடுத்த உடைந்த கொம்பன் - பதற்றத்தில் வனத்துறை

நீலகிரி மாவட்டத்தில் கடந்த டிசம்பர் மாதத்தில் 10 நாள்களில் 5 நபர்கள் காட்டு யானை தாக்கி உயிரிழந்தனர். பந்தலூர் சுற்றுவட்டாரப் பகுதிகளில் உயிரிழந்த மூன்று நபர்களையுமே‌ குறிப்பிட்ட ஒரு யானை‌ தாக்கியிருந்ததை வனத்துறையினர் உறுதி செய்தனர்.ஆபரேஷன் புரோக்கன்‌ டஸ்கர் பொதுமக்களின் பாதுகாப்பை உறுதி செய்யும் வகையில், `ஆபரேஷன் புரோக்கன்‌ டஸ்கர்' என்ற பெயரில் குறிப்பிட்ட ஷங்கர் என அழைக்கப்படும் உடைந்த கொம்பன் காட்டு யானையைப் பிடிக்கத் திட்டமிடப்பட்டது. இந்தப் பணியில், 4 கும்கிகள்,வ்3 ட்ரோன் கேமிராக்கள், 35 கண்காணிப்பு கேமிராக்கள், நூற்றுக்கும் அதிகமான வனத்துறை ஊழியர்கள் என 5 நாள்களாக பந்தலூர் சுற்றுவட்டாரப் பகுதிகளில் இரவு பகலாகத் தேடி வந்தனர். ஒரு வழியாக அந்த யானையை கண்டறிந்து கால்நடை மருத்துவர்கள், யானையின் உடலில் துப்பாக்கி மூலம் மயக்க ஊசி செலுத்தினர். உடலில் பாய்ந்த மயக்க ஊசியோடு, அரை மயக்கத்தில் தப்பித்த காட்டு யானையை பல இடங்களில் தேடியும் வனத்துறையினரால் கண்டுபிடிக்க முடியவில்லை.ஆபரேஷன் புரோக்கன்‌ டஸ்கர் இந்த நிலையில், கேரள மாநிலம் நிலம்பூர் வழிக்கடவு இருட்டுக்குத்தி பழங்குடியினர் கிராமத்தின் அருகில் இந்த யானை‌ இருப்பதைக்‌ கண்டு தமிழக வனத்துறையினருக்கு தகவல் தெரிவித்தனர். கேரளாவின் அடர் வனத்துக்குள் சென்றுவிட்டதால், யானையை பிடிப்பது இயலாத காரியம் என திட்டத்தைக் கைவிட்டனர். Also Read: 3 கும்கிகளுடன் `ஆபரேஷன் புரோக்கன் டஸ்கர்'... ஒற்றை யானையைத் தேடும் நீலகிரி வனத்துறை! 2 மாதங்களுக்கு பின்னர் இந்த யானை மீண்டும் தமிழகத்துக்குள் வந்துள்ளது. செப்பந்தோடு பகுதியில் உள்ள குடியிருப்புகள் மற்றும் தேயிலைத் தோட்டங்களில் உலவி வரும் இந்த யானையைக் கண்காணித்து வருகின்றனர். மேலும், இந்த யானையைப் பிடிக்கும் முயற்சியிலும் இறங்கியுள்ளனர்.ஆபரேஷன் புரோக்கன்‌ டஸ்கர் உடைந்த கொம்பன் குறித்து நம்மிடம் பேசிய வனத்துறை அதிகாரி ஒருவர்,``உடைந்த கொம்பன் என்ற காட்டு யானை பல ஆண்டுகளாக தமிழக - கேரள எல்லை வனப்பகுதிகளை பயன்படுத்தி வருகிறது. இரண்டு மாதங்களாக கேரள வனத்தில் இருந்த இந்த யானை, தற்போது நமது எல்லைக்குள் மீண்டும் நுழைந்துள்ளது. செப்பந்தோடு சுற்றுவட்டாரப் பகுதிகளில் உள்ள மக்களை எச்சரிக்கையுடன் இருக்க அறிவுறுத்தியுள்ளோம். 40 வனத்துறை பணியாளர்கள் மற்றும் சுஜய் என்ற கும்கி யானையும் களத்தில் உள்ளது. மக்கள் அச்சப்படத் தேவையில்லை" என்றார்.
http://dlvr.it/Rs0cvW

Read More