திருமணத்துக்கு மறுத்த காதலிக்கு தீவைப்பு; காதலனைக் கட்டிப்பிடித்த காதலி!- மும்பை இளைஞர் பலி

மும்பையின் மேற்குப் பகுதியிலுள்ள ஜோகேஷ்வரி என்ற இடத்தில் வசிப்பவர் விஜய் காம்பே. இவர் தனது அண்ணியின் சகோதரியை இரண்டு ஆண்டுகளாகக் காதலித்துவந்தார். Also Read: சென்னை: திருமண நிச்சயத்தால் ஆத்திரம்; காதலி, அவரின் தாய்க்கு தீவைத்த காதலன்! - 3 பேர் பலி தனது காதலியை திருமணம் செய்துகொள்ள விரும்புவதாக விஜய், அந்தப் பெண்ணின் பெற்றோரிடம் தெரிவித்தார். ஆனால், அவர்கள் தங்களது மகளைத் திருமணம் செய்து கொடுக்க முடியாது என்று தெரிவித்துவிட்டனர். விஜய், மது அருந்தும் பழக்கம் உள்ளவர் என்பதால், அவருடைய காதலியும் திருமணம் செய்ய முடியாது என்று கூறியதாகத் தெரிகிறது. இதனால் விஜய் கடும் கோபத்தில் இருந்தார். அதோடு, தொடர்ந்து தனது காதலிக்கு பல்வேறு வழிகளில் தொல்லை கொடுத்துவந்திருக்கிறார். இதனால், மனரீதியாக அவருடைய காதலி கடுமையாக பாதிக்கப்பட்டார். இதையடுத்து விஜய்யின் காதலி கடந்த வாரம் தற்கொலை செய்துகொள்ள முயன்றார். இதனால், மருத்துவமனையில் சேர்க்கப்பட்டு சிகிச்சை பெற்றுவந்தார். கடந்த சில நாள்களுக்கு முன்புதான் வீடு திரும்பினார். அவரது உடல்நலம் குறித்து விசாரிப்பதற்காக விஜய், தனது காதலி வீட்டுக்குச் சென்றிருக்கிறார். அப்போது தன்னுடன் பெட்ரோலை ஒரு பாட்டிலில் எடுத்துச் சென்றார். வீட்டில் காதலி மட்டும் தனிமையில் இருந்திருக்கிறார். காதலியைச் சந்தித்து பேசியபோதும், `உன்னைத் திருமணம் செய்ய முடியாது’ என்று விஜய்யிடம் அந்தப் பெண் திட்டவட்டமாக தெரிவித்ததாகக் கூறப்படுகிறது. தீவைத்துக் கொலை இதனால் ஆத்திரமடைந்த விஜய், தான் எடுத்து வந்த பெட்ரோலை காதலி மீது ஊற்றி தீவைத்திருக்கிறார். அதோடு காதலி வீட்டைவிட்டு வெளியில் வந்துவிடக் கூடாது என்று வாசலில் விஜய் நின்றுகொண்டார். இதனால் காதலியால் உதவி கேட்டு வெளியில் செல்ல முடியவில்லை. உடனே, தனது காதலனையும் சேர்த்து அழைத்துச் செல்லலாம் என்று கருதி ஓடி வந்து வாசலில் நின்று கொண்டிருந்த காதலனை இறுக்க கட்டிப்பிடித்துக்கொண்டார். விஜய், தனது காதலியின் பிடியிலிருந்து வெளியில் வர எவ்வளவோ முயன்றும் முடியவில்லை. இதனால் காதலியுடன் சேர்ந்து வீட்டுக்கு வெளியே அலறியபடி வந்திருக்கிறார். இதைப் பார்த்த பக்கத்து வீட்டுக்காரர்கள், இரண்டு பேரையும் மீட்டு மருத்துவமனையில் சேர்த்தனர். விஜய் சிகிச்சை பலனனின்றி உயிரிழந்துவிட்டார். அவரது காதலி 80 சதவிகித காயங்களுடன் தொடர்ந்து உயிருக்குப் போராடிவருகிறார்.
http://dlvr.it/RsG98S

Read More

சசிகலாவை வரவேற்க திரண்ட தொண்டர்கள்… திணறும் போலீஸ்!

பெங்களூருவிலிருந்து இன்று சென்னை திரும்பும் சசிகலாவை வரவேற்க அத்திப்பள்ளி முதல் சென்னை வரை தொண்டர்கள் திரண்டுள்ளனர். 4 ஆண்டுகள் சிறை தண்டனையை முடித்து, கொரோனா தனிமைப்படுத்தல் காலம் முடிந்து சசிகலா இன்று தமிழகம் திரும்பி வந்துகொண்டிருக்கிறார். இவரை வரவேற்க பெங்களூரு முதல் சென்னை வரை தொண்டர்கள் வழிநெடுகிலும் திரண்டுள்ளனர். கூட்டத்தை சமாளிக்க போலீசார் திணறிவருகிறார்கள்.
http://dlvr.it/RsF2LG

Read More

துரத்திய இளைஞர்... விருப்பத்தை ஏற்று செல்ஃபி எடுத்துக்கொண்ட சசிகலா (வீடியோ)

சொத்துக்குவிப்பு வழக்கில் சிறை தண்டனை முடிந்து தமிழகம் திரும்பியுள்ள சசிகலா இளைஞர் ஒருவரின் விருப்பத்தை ஏற்று செல்ஃபி எடுத்துக்கொண்டார். சொத்துக்குவிப்பு வழக்கில் சிறைதண்டனை முடிந்து வெளியே வந்த சசிகலா பெங்களூருவில் இருந்து தமிழகம் திரும்பியுள்ளார். இதனிடையே சசிகலா அதிமுக கொடியை காரில் பறக்கவிட்டு வருவதற்கு எதிர்ப்பு கிளம்பியது. மேலும், அந்த காரில் இருந்து கொடியும் அகற்றப்பட்டது. இதையடுத்து ஓசூர் ஜூஜூவாடி அருகே அவர் மற்றொரு காருக்கு மாறினார். அந்த காரிலும் அதிமுக கொடி பறக்கிறது. தமிழகத்திற்கு வருகை தந்த சசிகலாவுக்கு அவரது ஆதரவாளர்கள் உற்சாக வரவேற்பு அளித்தனர். இந்நிலையில், சசிகலா காரில் வந்து கொண்டிருந்தபோது இருச்சக்கர வாகனத்தில் வந்துகொண்டிருந்த இளைஞர் ஒருவர் காரை வழிமறித்து செல்ஃபி எடுக்க முயன்றார். அவரை சசிகலாவின் ஆதரவாளர்கள் அப்புறப்படுத்த முயன்றனர். பின்னர், சசிகலா அனுமதி வழங்க அந்த இளைஞர் சசிகலாவுடன் செல்ஃபி எடுத்துக்கொண்டார்.
http://dlvr.it/RsF2Kc

Read More

ஆபாச வீடியோ சர்ச்சை; மும்பையில் டிவி நடிகை கைது! - என்ன நடந்தது?

பெண்களை ஆபாச வீடியோ எடுத்து இணையத்தில் வெளியிட்டு பணம் சம்பாத்தித்து வந்த மாடலும், டிவி நடிகையுமான கெஹானா வசிஸ்த் (Gehana Vasisth) மும்பை குற்றப்பிரிவு காவல்துறையினரால் கைது செய்யபட்டார். மும்பையைச் சேர்ந்த பிரபல நடிகையும், மாடலுமான வந்தனா திவாரி (கெஹானா வசிஸ்த் – மேடைப் பெயர்) சின்னத்திரை தொகுப்பாளராக அறிமுகமானார். பின்னர் ஒரு சில விளம்பரப்படங்களில் நடித்ததன் மூலம் கடந்த 2012-ம் ஆண்டு `மிஸ் ஆசியா பிகினி’ போட்டியில் பங்கேற்று பட்டம்பெற்றார். அதன் பின்னர், ஒரு சில பாலிவுட் படங்களிலும், தெலுங்கு திரைப்படங்களிலும் நடித்து வந்தவர், புதிதாக ஒரு படம் எடுப்பதாகக் கூறி அதற்கு புதுமுகங்கள் தேவையென்று விளம்பரம் கொடுத்துள்ளார். அதைக் கண்ட பெண்கள் சிலர் இவரிடம் வாய்ப்புக் கேட்டு வந்துள்ளனர். அப்படி வந்த பெண்கள் பலரை ஆபாசமாக வீடியோ எடுத்து இணையத்தில் வெளியிட்டு பணம் சம்பாதித்து வந்துள்ளார். இந்நிலையில், இது குறித்து தகவலறிந்த மும்பை குற்றப்பிரிவு காவல்துறையினர் அவரைக் கைது செய்துள்ளனர்.கைது இது தொடர்பாக, செய்தியாளர்களிடம் பேசிய, மும்பை மத்திய குற்றப்பிரிவு காவல்துறையினர், ``கெஹானாவும் அவரது கூட்டாளிகளும் சேர்ந்து பெண்களை நடிக்க வைப்பதாகக் கூறி அவர்களை ஆபாசமாக வீடியோ எடுத்து அதன் மூலம் பல லட்சம் ரூபாய் பணம் சம்பாதித்து வந்துள்ளனர். இதுவரை 87 வீடியோக்களை எடுத்து பதிவேற்றியுள்ளனர். மேலும் இதனை இணையத்தில் பார்க்க பார்வையாளர்களிடம் 2,000 ரூபாய் சந்தாவாக வசூலித்துள்ளனர். Also Read: வீட்டிற்கே சென்று உதவிகள்... பாலியல் கொடுமைக்கு உள்ளானவர்களை மீட்கும் காவல்துறையின் `தோழி’ மும்பையின் சொகுசு பங்களா ஒன்றில் தங்கி இதனை செய்து வந்த கெஹானா வசிஸ்த், பல பெண்களை தன் வசம் வைத்துகொண்டு இக்குற்றச்செயலில் ஈடுபட்டு வந்துள்ளார் என்பது தெரியவந்துள்ளது. அவர் தங்கியிருந்த பங்களாவில் சோதனையில் ஈடுபட்ட காவல்துறையினர் அவர்களிடமிருந்த கேமரா, மெமரி கார்டுகள், லேப்டாப், 36 லட்ச ரூபாய் ரொக்கப் பணமும் உள்ளிட்டவை பறிமுதல் செய்யப்பட்டன. கெஹானா வசிஸ்த் அவர்களிடம் சிக்கியிருந்த பெண்கள் மீட்கப்பட்டு மறுவாழ்வு மையத்துக்கு அனுப்பி வைக்கப்படுள்ளனர். கொரோனா காரணமாக பொருளாதார ரீதியாக பாதிக்கப்பட்ட பெரும்பாலானோரை பாலியல் தொழிலில் ஈடுபட வைத்து, அதன் மூலம் பணம் சம்பாதிக்கும் குற்றச்செயலின் எண்ணிக்கை நாளுக்கு நாள் அதிகரித்து வருகிறது.
http://dlvr.it/RsBsNd

Read More

'அக்டோபர் 2-ம் தேதி வரை போராட்டம் தொடரும்” - விவசாய அமைப்புகள் அறிவிப்பு

வேளாண் சட்டங்களை திரும்பப்பெற வலியுறுத்தி நாடு முழுவதும் விவசாயிகள் சார்பில் நெடுஞ்சாலை மறியல் போராட்டம் நடைபெற்றது. அரசுடன் பேச்சுவார்த்தை நடத்தத் தயார் என கூறியுள்ள விவசாய அமைப்புகள், அக்டோபர் 2-ம் தேதி வரை போராட்டம் தொடரும் என தெரிவித்துள்ளன. வேளாண் சட்டங்களை திரும்பப்பெற வலியுறுத்தி டெல்லி எல்லைகளில் விவசாயிகள் 70 நாட்களுக்கும் மேலாக போராட்டம் நடத்தி வருகின்றனர். தங்களது போராட்டத்தின் ஒரு பகுதியாக நேற்று நாடு முழுவதும் சக்கா ஜாம் எனப்படும் நெடுஞ்சாலை மறியலில் ஈடுபட்டனர். நண்பகல் முதல் பிற்பகல் 3 மணி வரை இந்த போராட்டம் நடைபெற்றது. குறிப்பாக பஞ்சாப், ஹரியானா, ராஜஸ்தான் மாநிலங்களில் விவசாயிகள் சாலை மறியலில் ஈடுபட்டனர். மகாராஷ்டிரா, கர்நாடகா மாநிலங்களிலும் பல்வேறு இடங்களில் மறியல் போராட்டங்கள் நடைபெற்றன. அதேநேரத்தில் ஏற்கெனவே அறிவித்தப்படி டெல்லி, உத்தரபிரதேசம், உத்தரகாண்ட் மாநிலங்களில் போராட்டம் நடைபெறவில்லை. விவசாயிகளின் போராட்டத்தையொட்டி டெல்லி எல்லையான சிங்கு, காஜிபூர், டிக்ரி பகுதிகலில் பலத்த போலீஸ் பாதுகாப்பு போடப்பட்டிருந்தது. இணையசேவையும் முடக்கப்பட்டன. இந்நிலையில் செய்தியாளர்களிடம் பேசிய விவசாய அமைப்புகள், அரசுடன் பேச்சுவார்த்தை நடத்த தயார் என்றனர். வேளாண் சட்டங்களை ஒன்றரை ஆண்டுகள் நிறுத்திவைப்பதை ஏற்க முடியாது என்ற விவசாயிகள், நிரந்தரமாக ரத்து செய்ய வேண்டும் என தெரிவித்தனர். தங்களது கோரிக்கையில் சமரசம் செய்ய முடியாது என்ற விவசாய சங்கத் தலைவர் ராகேஷ், காந்தி ஜெயந்தியான அக்டோபர் 2-ம் தேதி வரை தங்களது போராட்டம் தொடரும் என்றனர்.
http://dlvr.it/RsB6l4

Read More

கேரளா: தம்பி 14 ஆண்டுகள் படுக்கையில்; சொத்தையெல்லாம் விற்று சிகிச்சை... அண்ணனின் பாசப்போராட்டம்!

`படிக்காதவன்' திரைப்படம் முதல் எத்தனையோ அண்ணன், தம்பி பாசக் கதைகளை பார்த்திருக்கிறோம். அண்ணன்கள் தாயாகி தம்பிகளை தாங்க நினைத்தாலும், வாழ்க்கை அவர்களை வேறு திசையில் விரட்டும் துன்பம், திரையில் மட்டுமல்ல பலர் வாழ்விலும் நடக்கிறதுதான். `அவன் அப்படி தவிக்குறத பார்த்து மனசு கெடந்து துடிக்குதுதான், ஆனாலும் என்னால இதுக்கு மேல ஒரு உதவியும் செய்ய முடியலையே' என்ற கையறு நிலையில் தங்கள் பாசத்தை கட்டுப்படுத்திக்கொள்ளும் நிலை பல அண்ணன்களுக்கும் ஏற்படுகிறது. ஆனால் விபினின் பாசப் போராட்டம் இந்த விதியை உடைத்துப் பாயும் அன்பு வெள்ளம். `என்ன ஆனாலும் அவன் என் தம்பி' என, 14 ஆண்டுகளாகப் படுக்கையில் இருக்கும் தம் தம்பிக்காக விபின் இழந்திருப்பது நிறைய நிறைய. கேரள மாநிலம் திருவனந்தபுரம் மாவட்டம் பாறசாலையில் வாடகை வீட்டில், தன் மனைவி, இரண்டு பிள்ளைகளுடன் வசித்து வருகிறார் விபின். படுத்த படுக்கையாக வென்டிலேட்டர் உதவியால் வாழ்ந்துகொண்டிருக்கும் 33 வயது ஆன தன் தம்பி லிஜோவையும் குழந்தைபோல பராமரித்து பாதுகாத்து வருகிறார். லிஜோவுக்கு என்ன ஆனது? விபினிடம் பேசினோம். ``14 வருஷத்துக்கு முன்னாடி லிஜோவுக்கு 19 வயது. பி.டெக் படிக்க கல்லூரிக்குப் போகத் தயாராகி வந்தார். அன்னைக்கு அவருக்கு திடீரென வைரஸ் காய்ச்சல் வந்தது. உடனே மருத்துவமனையில சேர்த்தோம். சிகிச்சை அளித்தாங்க. ஆனால், அவனது உடல் செயல் இழந்துவிட்டது. பேச மட்டுமே முடியும் என்ற நிலை ஏற்பட்டது. எப்படியாவது தம்பியை பழைய நிலைக்குக் கொண்டு வந்திரலாம்ங்கிற ஆசையில திருவனந்தபுரம் ஸ்ரீ சித்திரா மருத்துவக்கல்லூரி மருத்துவமனையில சேர்த்தோம். அங்கேயே ஒன்றரை வருஷம் தங்கியிருந்து லிஜோவுக்கு சிகிச்சை எடுத்தோம். ஆனாலும், உடலில் எந்த முன்னேற்றமும் ஏற்படவில்லை.தம்பி லிஜோவை அருகில் இருந்து கவனிக்கும் விபின் சிகிச்சைக்காக பல லட்சம் ரூபாய் செலவு ஆச்சு. பாறசாலையில இருந்து திருவனந்தபுரம் போறது ரொம்ப கஷ்டமா இருந்ததுனால லிஜோவை, பக்கத்தில காரக்கோணத்தில் ஒரு தனியார் மருத்துவக்கல்லூரி மருத்துவமனைக்கு மாற்றினோம். அங்க ஐ.சி.யு-வில வென்டிலேட்டர் பொருத்தப்பட்டு மூன்றரை ஆண்டுகள் சிகிச்சை கொடுத்தாங்க. பணம் செலவு ஆனதே தவிர லிஜோவுக்கு உடல் நலத்தில எந்த முன்னேற்றமும் ஏற்படவில்லை. சிகிச்சை செலவுக்கு என்கிட்டயிருந்த பணத்தை எல்லாம் கணக்குப் பார்க்காமல் கட்டிக்கிட்டிருந்தேன். அந்த நேரத்துல தம்பி லிஜோ என்கிட்ட, `நம்ம சொத்துகளை விற்றாவது என்னை காப்பாத்து அண்ணா. என்ன கைவிட்டுராத'ன்னு சொன்னான். என் தம்பியை நான் எப்படிக் கைவிடுவேன்? என் உயிர் உள்ளவரை தம்பியைப் பாதுகாப்பேன்னு அப்பவே நான் முடிவு செய்தேன். `நான் உன்னை பார்த்துக்குவேன், நீ தைரியமா இரு தம்பி'னு சொன்னேன். என் தம்பிக்கு வென்டிலேட்டர், மருத்துவ செலவுன்னு பணம் அதிகமா செலவு செய்ய வேண்டிய நிலை. அதுக்காக என் வீடு, சொத்து எல்லாத்தையும் வித்துட்டேன். எட்டு வருஷத்துக்கு முன்னாடி எங்க அம்மா, அப்பாவும் இறந்துட்டாங்க. அதுக்குப் பிறகு வாடகை வீட்டுல என் தம்பியை வெச்சு பாதுகாத்துட்டு வர்றேன். பலர்கிட்ட கடன் வாங்கித்தான் தம்பிக்காக வீட்டிலேயே வென்டிலேட்டர் கருவி பொருத்தினேன்.லிஜோ பகல்ல பெரும்பாலும் நான் பக்கத்திலேயே இருக்கிறதால என்ன தேவைன்னாலும் என் தம்பி கேட்பான். ராத்திரி நேரத்தில நான் அசதியில தூங்கிட்டேன்னா, அந்த நேரம் தம்பிக்கு ஏதாவது அவசர உதவி தேவைப்படலாம். அதனால், மைக் செட் வைத்து வீட்ல ஆங்காங்கே ஸ்பீக்கர் பொருத்தி வெச்சிருக்கேன். அவனுக்கு ஏதாவது தேவைன்னா மைக்ல குரல் கொடுப்பான். உடனே நான் போய் உதவி செய்வேன். லிஜோவுக்குப் பக்கத்துல எப்பவும் ஒருத்தர் இருந்து கண்காணிக்கணும். நான்தான் பக்கத்துல இருந்து கண்காணிக்கிறேன். அதுக்காக, தனியார் கம்பெனியில பார்த்த வேலையையும் விட்டுட்டேன். பிசினஸ் பண்ணிக்கிட்டிருந்த நண்பர், என் நிலைமையை புரிஞ்சுக்கிட்டு சில சலுகைகளுடன் அவரோட அலுவலகத்தில் எனக்கு வேலை கொடுத்தார். தம்பிக்கான பணிவிடைகளை செஞ்சுட்டு, பக்கத்துல இருக்குற அந்த ஆபீஸூக்கு போயிட்டு வர்ற மாதிரி வேலைகொடுத்து உதவினார். ஆனா கொரோனாவால அவர் தொழில் முடங்க, எனக்கும் வேலையில்லாம போயிடுச்சு. இப்ப வாடகைக்கு இருக்கும் வீட்டுக்கு, ஒரு வருஷமா வாடகை கொடுக்க முடியல. தம்பியைக் கவனிக்குறதுக்காக வாங்குன கடன் தலைக்கு மேல போயிடுச்சு. 20 லட்சம் ரூபாய். கடன் தொல்லையைத் தாங்க முடியாம என் மனைவிக்கு மன உளைச்சல் ஏற்பட்டு மன நோயாளியாவே மாறிட்டாங்க. இப்போ சிகிச்சை எடுத்துட்டு இருக்காங்க. எங்க பிள்ளைங்க ட்வின்ஸ். பள்ளியில் படிக்கிற மகனுக்கும் மகளுக்கும் பீஸ் கட்ட முடியல" என்றவரின் கண்கள் குளமாயின.தம்பிக்கு அருகில் இருக்கும் விபின் லிஜோவுக்கு விபினைத் தவிர, மேலும் ஒரு சகோதரனும், இரண்டு சகோதரிகளும் இருக்கிறார்கள். அவர்கள் யாரும் இங்கு வருவது இல்லையாம். வென்டிலேட்டர் கருவி 24 மணி நேரமும் செயல்படுவதற்காக வீட்டில் இன்வெர்ட்டர் வைத்திருக்கிறார் விபின். ஒரு மாத மின் கட்டணம் குறைந்தபட்சம் 6,000 ரூபாய் வரை ஆகிறதாம். லிஜோவின் நிலையை மின்சார வாரியத்துக்குத் தெரிவித்த சில சமூக ஆர்வலர்கள் பணம் கட்ட தாமதம் ஆனாலும் மின் இணைப்பை துண்டிக்காமல் இருக்க வேண்டும் எனக் கூறியிருக்கிறார்கள். சில நேரம் மின் வெட்டு ஏற்பட்டால் இன்வெர்ட்டர் மூலம் வென்டிலேட்டர் இயங்கும். ஆனால், ஒரு நாள் முழுவதும் பவர் கட்டானால் இன்வெர்ட்டர் தாக்குப்பிடிக்காது என்பதால், அன்றைய தினம் ஜெனரேட்டரை வாடகைக்கு எடுத்து வென்டிலேட்டரை இயங்க வைக்கிறார் அண்ணன் விபின். விபின் பற்றி மாவட்ட ஆட்சியரின் கவனத்துக்கு சமீபத்தில் தெரியவர, குழந்தைகளை அரசுப் பள்ளியில் சேர்க்கவும், மின்சார வாரியம் இவர்கள் வீட்டுக்கான மின் கட்டணத்துக்கு விலக்கு அளிக்கவும் ஏற்பாடுகள் செய்து கொடுத்திருக்கிறார். கொரோனா வேலையின்மை காரணமாக உணவுக்குக்கூட வழி இல்லாத நிலை விபின் குடும்பத்துக்கு இப்போது. அக்கம், பக்கம் தெருவில் உள்ளவர்கள் அந்தக் குடும்பத்துக்கு காலை உணவு அளிக்கிறார்கள். `அம்மா உணவகம்'போல கேரளாவில் செயல்படும் `ஜனகீய ஹோட்டல்' அரசுத் திட்டத்தின் மூலம் வழங்கப்படும் மதிய உணவை பெற்றுக்கொள்கிறது விபினின் குடும்பம். இரவு உணவுக்கு சில சமூக ஆர்வலர்கள் உதவுகிறார்கள். விபினுக்கு அரசோ, தொண்டு உள்ளம் கொண்டவர்களோ உதவி செய்ய வேண்டும் என மனித உரிமை பாதுகாப்பு அமைப்பைச் சேர்ந்த ஸ்ரீஜேஸ் என்பவர் முயற்சி மேற்கொண்டு வருகிறார். விபினின் நண்பர்கள், ``என்னதான் தம்பினாலும், மனைவி, பிள்ளைங்களையும் அவர் பார்க்கணும்லனு சிலருக்குத் தோணலாம். ஆனா, விபினோட இடத்துல இருந்து பார்க்குறவங்களுக்குத்தான் அவரோட போராட்டம் தெரியும். வேற ஏதாச்சும் பிரச்னைனாகூட, ஒரு விடுதி, இல்லம்னு சேர்த்துவிட்டுட்டு இவர் தன்னோட குடும்பத்தைப் பார்க்கலாம். ஆனா, 24 மணி நேரமும் வென்ட்டிலேட்டர் ஓட வேண்டிய தம்பியை எங்க போய் அவர் ஒப்படைப்பார்? வீட்டுல வெச்சு பார்க்கும்போதே, `பவர் கட், வென்ட்டிலேட்டர் பிரச்னைனு ஏதாச்சும் விபரீதம் நடந்து, என் தம்பிக்கு ஏதாச்சும் ஆகிடுச்சுன்னா' பரிதவிக்கிறவர் விபின். பாவம், ஒரு பக்கம் தம்பியையும் விட முடியாம, இன்னொரு பக்கம் தன் குடும்பத்தையும் பார்க்கமுடியாம அவர் படுற கஷ்டங்களை வார்த்தைகள்ல சொல்ல முடியாது'' என்றனர் வருத்தத்துடன். தம்பி லிஜோவை அருகில் இருந்து கவனிக்கும் விபின் ``தம்பியோட வென்ட்டிலேட்டர் கருவியில அப்பப்போ ஏதாவது பிரச்னை ஏற்படுது. அதை சரிசெய்ற அவகாசம் வரைக்கும் மருத்துவமனையில அவனைச் சேர்க்க வேண்டியிருக்கு. அதனால, தம்பிக்கு ஒரு புது வென்ட்டிலெட்டர் கிடைச்சா, மாற்றி மாற்றி பயன்படுத்த வசதியா இருக்கும்'' - இப்போதும்கூட தம்பியைத் தாண்டி வேறு எந்த உதவியும் கேட்கத் தோணவில்லை விபினுக்கு. சொத்துக்காக உடன் பிறந்தோரை கொலை செய்யத் துணியும் இந்தச் சமூகத்தில், தம்பியின் உயிரை காக்க 14 ஆண்டுகளாகப் போராடும் இந்த அண்ணனின் தாயுள்ளத்துக்கு இணையேது. விபினின் நெடுங்கால போராட்டத்துக்கு ஆசுவாசம் அளிக்கும் விதமான உதவிகள் ஏதேனும் கிடைக்குமா என்று எதிர்பார்த்திருக்கிறார்கள் அவரை சுற்றியிருப்பவர்கள். Note தினந்தோறும் போராடிக் கொண்டிருக்கும் லிஜோ - விபினுக்கு உதவ முன்வரும் வாசகர்கள், `help@vikatan.com' என்ற மெயில் ஐ.டி-க்கு தொடர்புகொண்டு விவரங்களைத் தெரிவிக்கலாம். விபின் குறித்த தகவல்கள் உங்களுக்கு உடனடியாகத் தரப்படும். உங்கள் உதவியை விபினுக்கு கொண்டு சேர்க்கும் பணியை விகடன் ஒருங்கிணைக்கும்.
http://dlvr.it/RsB6kJ

Read More

எழுவர் விடுதலை: ஆளுநரின் ஆவணம் கிடைத்த பிறகே அடுத்த நடவடிக்கை - அமைச்சர் சி.வி.சண்முகம்

7பேர் விடுதலை தொடர்பாக உச்சநீதிமன்றத்தில் ஆளுநர் தாக்கல் செய்த ஆவணம் கிடைத்த பிறகே அடுத்த நடவடிக்கை எடுக்கப்படும் என்று அமைச்சர் சி.வி.சண்முகம் தெரிவித்துள்ளார். முன்னாள் பாரத பிரதமர் ராஜீவ் காந்தி கொலை வழக்கில் கைது செய்யப்பட்டு சிறையில் இருக்கும் 7 பேரின் விடுதலை தொடர்பாக முடிவெடுக்க தமிழக கவர்னருக்கு உரிமை இருக்கிறது என்று உச்சநீதிமன்றம் தெரிவித்து இருந்தது. இந்நிலையில் தமிழக ஆளுநர் பன்வாரிலால், பேரறிவாளன் உள்ளிட்ட 7 பேர் விடுதலை தொடர்பாக குடியரசுத் தலைவரே முடிவெடுப்பார் என கூறியிருந்தார். இதைத் தொடர்ந்து தமிழக அரசியலில் பல விவாதங்கள் நடைபெற்று வருகிறது. இதையடுத்து 7 பேர் விடுதலை தொடர்பாக உச்சநீதிமன்றத்தில் ஆளுநர் தாக்கல் செய்த ஆவணம் தமிழக அரசுக்கு கிடைக்கவில்லை. ஆளுநரின் ஆவணம் கிடைத்த பிறகே அடுத்த நடவடிக்கை எடுக்கப்படும் என்று தமிழக சட்டத்துறை அமைச்சர் சி.வி.சண்முகம் தெரிவித்தார்.
http://dlvr.it/Rs81V0

Read More