தெலங்கானாவில் ஜெகன் தங்கை ஷர்மிளாவின் புதிய கட்சி... ஸ்கெட்ச் கே.சி.ஆருக்கா பா.ஜ.க-வுக்கா?

ஆந்திர முதல்வர் ஜெகன் மோகன் ரெட்டியின் தங்கை ஒய்.எஸ்.ஷர்மிளா தெலங்கானாவில் புதிய கட்சியை தொடங்கவிருப்பதாக நேற்று அறிவித்திருக்கிறார். மறைந்த ஆந்திர முதல்வர் ஒய்.எஸ்.ராஜசேகர ரெட்டி- விஜயலட்சுமி தம்பதியரின் ஐம்பதாவது திருமண நாளான நேற்று, தெலங்கானா மாநிலம் ஐதராபாத் லோட்டஸ் பாண்டிலுள்ள தனது இல்லத்தில் நல்கொண்டா மாவட்டக் கட்சி நிர்வாகிகளுடன் ஒய்.எஸ்.ஷர்மிளா ஆலோசனை நடத்தினார். தொடர்ந்து செய்தியாளர்களைச் சந்தித்த அவர்,ஒய்.எஸ்.ஷர்மிளா ``தெலங்கானா பிரிவினைக்கு முன்பு ஒருங்கிணைந்த ஆந்திராவில் எனது தந்தை ராஜண்ணாவின் (ராஜசேகர் ரெட்டி) ராஜ்ஜியம் இருந்தது. தற்போது தெலங்கானாவில் ராஜண்ணா ராஜ்ஜியம் இல்லை. அங்கும் ராஜண்ணாவின் ராஜ்ஜியத்தைக் கொண்டு வருவேன்...கட்சி தொடங்குவது குறித்து விரைவில் அறிவிப்பேன்'' என்றும் தெரிவித்திருக்கிறார். ஜெகனுடன் ஏற்பட்ட கருத்து வேறுபாட்டின் காரணமாகவே தற்போது ஷர்மிளா புதிய கட்சி தொடங்கவிருப்பதாகத் தகவல்கள் வெளியாகியுள்ளன. ஆனால், ஷர்மிளாவின் இந்தப் புதிய கட்சி அறிவிப்புக்குப் பின்னால் வேறு சில ரகசியத் திட்டங்கள் இருக்கின்றன என்கின்றனர் ஆந்திராவைச் சேர்ந்த அரசியல் விமர்சகர்கள். அதைப் பற்றி தெரிந்துகொள்வதற்கு முன்பாக, ஆந்திர அரசியலில் இதுவரை ஷர்மிளாவின் பங்கு என்னவாக இருந்தது என்பதைப் பற்றி விரிவாகக் காண்போம். இரண்டு முறை ஆந்திர முதல்வராக இருந்த ராஜசேகர் ரெட்டியின் மறைவுக்குப் பிறகு, தன்னைத்தான் காங்கிரஸ் தலைமை முதல்வராகத் தேர்ந்தெடுக்கும் என மிகுந்த எதிர்பார்ப்போடு இருந்தார், ராஜசேகர் ரெட்டியின் மகனும், 36 வயது இளைஞருமான ஜெகன் மோகன் ரெட்டி. ஆனால், ஏற்கெனவே, கட்சியைத் தாண்டி தனிப்பட்ட செல்வாக்குடன் வளர்ந்துவிட்ட ராஜசேகர் ரெட்டியை எதிர்கொள்ளச் சிரமப்பட்டதுபோல, அவர் மகனிடம் சிரமப்படக் கூடாது என முடிவெடுத்தது அகில இந்திய காங்கிரஸ் தலைமை. தொடர்ச்சியாக ஜெகனுக்கு முதல்வர் பதவியளிக்க மறுத்துவந்தது. காங்கிரஸ் கட்சியின் துரோகத்தை எதிர்த்து, ஒய்.எஸ்.ஆர்.காங்கிரஸ் எனும் கட்சியைத் தொடங்கினார் ஜெகன். அவர் செல்லும் இடங்களிலெல்லாம் மக்கள் அலை, அலையாகக் குவிய ஆந்திராவின் செல்வாக்குமிக்க தலைவராக மிக விரைவில் உருவெடுத்தார்.ஜெகன் மோகன் ரெட்டி தொடர்ச்சியாக, வருமானத்துக்கு அதிகமாகச் சொத்துச் சேர்த்த வழக்கில், 2012-ல், சி.பி.ஐ அவரைக் கைதுசெய்தது. அப்போது ஜெகனுக்காக நியாயம் கேட்டு, அவரின் இளைய சகோதரி ஷர்மிளாதான், 47 நாள்கள் ஆந்திரா முழுவதும் நடைப்பயணம் மேற்கொண்டார். ஜெகன் சிறையில் இருக்கும்போதே நடைபெற்ற இடைத்தேர்தல்களில் அந்தக் கட்சி வெல்ல ஷர்மிளாவும் முக்கியக் காரணமாக இருந்தார். தொடர்ந்து 2014-ம் ஆண்டில் நடைபெற்ற சட்டமன்றத் தேர்தலில் 67 இடங்களைப் பெற்று எதிர்க்கட்சித் தலைவரானார் ஜெகன். அப்போதும் அண்ணனுக்குப் பக்கபலமாக தேர்தல் பிரசாரங்களில் ஈடுபட்டார் ஷர்மிளா. தொடர்ந்து, 2019 தேர்தலில் பெரும்பான்மை இடங்களைப் பிடித்து ஆந்திராவின் முதல்வரானார் ஜெகன். இந்தத் தேர்தலிலும் ஷர்மிளாதான் ஒய்.எஸ்.ஆர்.காங்கிரஸ் கட்சியின் நட்சத்திரப் பேச்சாளர். ஆனால், ஜெகன் தலைமையில் ஆட்சி அமைந்த பிறகு, அரசியல் நடவடிக்கைகளிலிருந்து ஒதுங்கியே இருந்தார் ஷர்மிளா. இந்தநிலையில், ஜெகனுக்கும் அவருக்கும் இடையில் கருத்து வேறுபாடுகள் நிலவிவருவதாக அவ்வப்போது செய்திகள் வெளியாகிவந்தன. ஆனால், ``நான் எப்போதும் என் அண்ணனுடன்தான் இருப்பேன். ஜெகன் வேறு, நான் வேறல்ல'' என பதிலளித்துவந்தார் ஷர்மிளா. ஆனால், முதன்முறையாக, ``கட்சி தொடங்குவது குறித்து நான் ஜெகனுடன் எதுவும் பேசவில்லை. அண்ணன் - தங்கை உறவு இன்னும் தொடர்கிறது. ஆனால், அரசியலில் என்னுடைய வழி எனக்கானது'' என்று கருத்து தெரிவித்திருக்கிறார். இது தொடர்பாக, ஒய்.எஸ்.ஆர்.காங்கிரஸ் கட்சியின் தேசியச் செய்தித் தொடர்பாளர், ரவிச்சந்திர ரெட்டியிடம் பேசினோம்.ரவிச்சந்திர ரெட்டி ``ஷர்மிளா கட்சி தொடங்க வாய்ப்பிருக்கிறது. ஆனால், ஜெகனுக்கு இதில் துளியளவும் விருப்பமில்லை. சந்திரசேர ராவுடன் ஜெகன் மிகவும் இணக்கமாக இருக்கிறார். அவருக்குத் தொந்தரவு தரும் எந்த நடவடிக்கையையும் ஜெகன் விரும்பவில்லை. அதனால்தான், தெலங்கானாவில் கட்சி நடவடிக்கைகளை அவர் வேகப்படுத்தாமல் இருந்தார். இந்தநிலையில்தான், ஷர்மிளா தெலங்கானாவில் புதிய கட்சியைத் தொடங்கப்போவதாக அறிவித்திருக்கிறார். ஆனால் இதில், ஜெகனுக்கு துளியளவும் விருப்பமில்லை. இது முழுக்க முழுக்க ஷர்மிளாவின் தனிப்பட்ட முடிவு'' என்கிறார் அவர். ஆனால் ஷர்மிளாவின் இந்தப் புதிய அரசியல் பயணத்துக்குப் பின்னால், வேறு சில விஷயங்கள் இருக்கின்றன என்கிறார், ஆந்திராவின் முன்னணி அரசியல் விமர்சகர் மகேஷ் காத்தி. Also Read: நீதிபதியை எதிர்க்கும் ஜெகன்... சுற்றிவளைக்கும் வழக்குகள் காரணமா? ``ஜெகனுக்கும் ஷர்மிளாவுக்கும் கருத்து வேறுபாடு இருந்தால் அவர் ஆந்திராவில்தான் கட்சி தொடங்க வேண்டும். எதற்காக தெலங்கானாவில் தொடங்குகிறார்? இது முழுக்க ஜெகனின் ஒப்புதலுடன் நடைபெறும் ஒரு விஷயம்தான். ஆனால், இந்தத் திட்டத்துக்குப் பின்னால் இருப்பது, தெலங்கானா முதல்வர் சந்திரசேகர ராவ். காரணம், தெலங்கானாவில் வாழும் பெரும்பாலான ரெட்டி சமூகத்தினர் சந்திரசேகர ராவின் மீது அதிருப்தியில் இருக்கின்றனர். அதன் காரணமாக, பலர் பா.ஜ.க-வில் சேர்ந்துவருகின்றனர். ஷர்மிளா தெலங்கானாவில் கட்சி ஆரம்பித்தால் பா.ஜ.க-வில் இருக்கும் ரெட்டிகள்கூட ஷர்மிளாவின் பக்கம் வந்துவிடுவார்கள். தெலங்கானாவில் வளர்ந்துவரும் பா.ஜ.க-வை முடக்குவதற்காகவே இப்படியொரு திட்டத்தைக் கையிலெடுத்திருக்கிறார் சந்திரசேகர் ராவ்.மகேஷ் காத்தி ஷர்மிளாவுக்கு, ரெட்டி சமூகத்தவர்கள் மட்டுமல்லாமல் கே.சி.ஆரின் மீது அதிருப்தியில் இருக்கும் பட்டியலின மற்றும் கிறிஸ்தவ மைனாரிட்டிகளின் ஆதரவும் கிடைக்கும். ஆரம்பத்தில், கே.சி.ஆரை எதிர்ப்பதுபோல ஷர்மிளா அரசியல் செய்வார். காலப்போக்கில் கே.சி.ஆருடன் கூட்டணிவைக்கக்கூட வாய்ப்பிருக்கிறது. தெலங்கானாவில் பா.ஜ.க வலிமையடையக் கூடாது என்பது மட்டுமே மூவரின் திட்டம்'' என்கிறார் அவர். அதேவேளையில், ஷர்மிளாவின் புதிய கட்சி விவகாரத்துக்குப் பின்னால் இருப்பதே பா.ஜ.க-தான் என்கிற தகவல்களும் சொல்லப்படுகின்றன. ``பா.ஜ.க-வின் 'பி' டீமாகத்தான் தெலங்கானாவில், ஷர்மிளாவின் கட்சி செயல்படப்போகிறது. ஜெகனின் மீதுள்ள வழக்கு விசாரணையே, பா.ஜ.க-வுடனான அவரின் இந்த அனுசரனைக்குக் காரணம். அது போகப் போகத் தெரிந்துவிடும்'' என்கிறார்கள். தெலுங்கு திரைப்படங்களைக் காட்டிலும் வேகமும் விறுவிறுப்புமாகச் சென்றுகொண்டிருக்கிறது ஆந்திர- தெலங்கானா அரசியல். 2023 தெலங்கானாவில் சட்டப்பேரவைத் தேர்தல் நடைபெறவிருக்கிறது. அந்தத் தேர்தலின் முடிவுகள் வந்தால் யாருக்கு யார் பி டீம் என்பதெல்லாம் தெளிவாகத் தெரிந்துவிடும்.
http://dlvr.it/RsQ4PW

Read More

“அனைத்து விவசாய கடன்கள் தள்ளுபடிக்கும் வாக்குறுதி அளியுங்கள்”-ஸ்டாலினை சந்தித்த விவசாயிகள்

அரசு மற்றும் தனியார் வங்கிகளில் பெற்ற விவசாயக் கடன்களை தள்ளுபடி செய்வதாக வாக்குறுதி அளிக்குமாறு திமுக தலைவர் ஸ்டாலினை விவசாய சங்கங்கள் வலியுறுத்தியுள்ளன. சென்னை அண்ணா அறிவாலயத்தில் திமுக தலைவர் ஸ்டாலின் முன்னிலையில் ரஜினி மக்கள் மன்றத்தைச் சேர்ந்த 250-க்கும் மேற்பட்டோர் திமுகவில் இணைந்தனர். இதைத்தொடர்ந்து, ஸ்டாலினை சந்தித்த இந்திய கம்யூனிஸ்ட் கட்சி மாநில செயலாளர் முத்தரசன், வரும் 18-ஆம் தேதி மதுரையில் நடைபெற உள்ள அரசியல் எழுச்சி மாநாட்டில் பங்கேற்க அழைப்பு விடுத்தார். முன்னதாக 18-க்கும் மேற்பட்ட விவசாயிகள் சங்கங்களைச் சேர்ந்த தலைவர்கள் மு.க.ஸ்டாலினை சந்தித்து கோரிக்கைகளை முன்வைத்தனர். அரசுடைமையாக்கப்பட்ட வங்கிகள் மற்றும் தனியார் வங்கிகளிலும் நிலுவையில் உள்ள விவசாயக் கடனை ரத்து செய்வதாக திமுக தேர்தல் அறிக்கையில் வாக்குறுதி அளிக்க வேண்டும் என ஸ்டாலினை வலியுறுத்தியதாகவும், பரிசீலித்து நடவடிக்கை எடுப்பதாக ஸ்டாலின் உறுதி அளித்ததாகவும் விவசாயிகள் தெரிவித்தனர்.
http://dlvr.it/RsNxDk

Read More

கொரோனா தடுப்பூசி செலுத்திக்கொள்ள மக்களிடையே குறையும் ஆர்வம்: காரணம் என்ன? ‌‌

இந்தியாவில் இதுவரை 60 லட்சத்துக்கும் அதிகமானோருக்கு கொரோனா தடுப்பூசி செலுத்தியிருந்தாலும் கூட, மக்களிடையே தடுப்பு மருந்து எடுத்துக் கொள்வதற்கான ஆர்வம் குறைந்திருப்பதாகவே தெரிகிறது. இதற்கான காரணம் என்ன? இந்தியாவில் கொரோனா தடுப்பூசி செலுத்த தொடங்குவதற்கு முன்பும், ஜனவரி 16ஆம் தேதிக்கு பிறகும் மக்கள் தடுப்பு மருந்து எடுத்துக் கொள்ள மிகுந்த ஆர்வத்துடன் இருந்தனர். அதன்பலனாக இந்தியா உலக அளவில் மிகப்பெரிய சாதனையை படைத்துள்ளது. அதாவது 24 நாட்களில் 60 லட்சத்துக்கும் அதிகமானோருக்கு தடுப்பூசி செலுத்தப்பட்டுள்ளது. 60 லட்சத்தை தாண்ட அமெரிக்காவில் 26 நாட்களும், பிரிட்டனில் 46 நாட்களும் ஆனது. ஜனவரி 16ஆம் தேதி மருத்துவப் பணியாளர்களுக்கும், பிப்ரவரி 2ஆம் தேதி முன்களப்பணியாளர்களுக்கும் தடுப்பூசி செலுத்துவது தொடங்கப்பட்டது. இதுவரை 54 லட்சத்துக்கும் அதிகமான மருத்துவ பணியாளர்களுக்கும், 6 லட்சத்துக்கும் அதிகமான முன்களப்பணியாளர்களுக்கும் தடுப்பூசி செலுத்தப்பட்டுள்‌ளது. அதிகபட்சமாக உத்தரப்பிரதேச மாநிலத்தில் 6 லட்சத்து 73 ஆயிரத்துக்கும் அதிகமானோருக்கு தடுப்பூசி செலுத்தப்பட்டுள்ளது. அதற்கு அடுத்தபடியாக மகாராஷ்டிரா, ராஜஸ்தான் ஆகிய மாநிலங்கள் உள்ளன. தமிழகத்தை பொறுத்துவரை ஒரு லட்சத்து 66 ஆயிரத்துக்கும் அதிகமானோருக்கு இதுவரை கொரோனா தடுப்பூசி செலுத்தப்பட்டுள்ளது. இந்நிலையில், நாட்கள் செல்ல செல்ல மக்களிடையே கொரோனா தடுப்பூசி போட்டுக் கொள்வதற்கான ஆர்வம் குறைந்து வருவதாக தெரிகிறது. இதற்கு கொரோனா வைரஸ் பரவல் தானாக குறைந்ததே காரணம் என்கின்றனர் மருத்துவ நிபுணர்கள். கொரோனா வைரஸ் என்பது யூகிக்க முடியாத அளவுக்கு விளைவுகளை ஏற்படுத்தும் என்பதால் அதனை எளிதாக எடுத்துக் கொள்ளாமல் முன்னெச்சரிக்கை நடவடிக்கைகளுடன், தடுப்பூசி எடுத்துக் கொள்வதும் அவசியம் என்கின்றனர் மருத்துவர்கள்
http://dlvr.it/RsNx9L

Read More

காங்கிரஸ் எம்பி குலாம் நபி ஆசாத்துக்கு புகழாரம் : கண்கலங்கிய பிரதமர் மோடி

நாட்டின் மீது அக்கறை கொண்டவர் குலாம் நபி ஆசாத் என பிரதமர் மோடி தெரிவித்தார். காங்கிரஸ் கட்சியின் மாநிலங்களவை தலைவர் குலாம் நபி ஆசாத் மற்றும் ஜம்மு காஷ்மீரை சேர்ந்த 3 மாநிலங்களவை உறுப்பினர்களின் பதவிக்காலம் இந்த கூட்டத்தொடரோடு நிறைவடைகிறது. அவர்களுக்கு பிரியாவிடை அளித்து வாழ்த்து தெரிவிக்கும் நிகழ்வு தற்போது நடைபெற்று வருகிறது. அப்போது பிரதமர் மோடி மாநிலங்களவையில் பேசினார். “குலாம் நபி ஆசாத் காஷ்மீரில் இருந்தபோது குஜராத்தை சேர்ந்த சில சுற்றுலா பயணிகள் தீவிரவாத தாக்குதல்களில் சிக்கியிருந்தனர். அவர்களை காப்பாற்றுவதற்காக அப்போதைய பாதுகாப்புத்துறை அமைச்சர் பிரணாப் முகர்ஜி, காஷ்மீர் முதல்வராக இருந்த குலாம் நபி ஆசாத் ஆகியோரை நான் தொடர்பு கொண்டேன். அப்போது அந்த அளவுக்கு இருவரும் உதவி செய்தனர். குலாம் நபி ஆசாத் அடிக்கடி தொலைபேசி மூலமாக தொடர்பு கொண்டு என்னென்ன நடவடிக்கைகள் எடுக்கப்பட்டு வருகின்றன என்பதை தெரிவித்துக்கொண்டே இருந்தார். என்றும் நான் குலாம் நபி ஆசாத்துக்கு நன்றி கடன் பட்டிருக்கிறேன்” என உணர்ச்சி வசப்பட்டார். மேலும், அந்த சுற்றுலாப்பயணிகளை குலாம் நபி ஆசாத் தன் குடும்பத்தில் ஒருவராக நினைத்து உதவி செய்தார் என பிரதமர் மோடி கூறும்போது உணர்ச்சி வசப்பட்டு கண் கலங்கினார். சிறிது நேரம் பேசமுடியாமல் பிரதமர் மோடி அமைதியாக நின்று பின்னர் தண்ணீர் அருந்தினார். தொடர்ந்து பேசிய அவர், “குலாம் நபி ஆசாத் எத்தனையோ பதவிகளை வகித்திருந்தாலும் அவருக்கு தலைக்கனம் இருந்தது இல்லை. ஒருமுறை நாடாளுமன்ற வளாகத்தில் அவருடன் பேசிக்கொண்டிருந்தேன். அதை பத்திரிகையாளர்கள் பார்த்துவிட்டு நான் சென்றவுடன் அவரிடம் என்ன விஷயம் என்று கேட்டுள்ளனர். அதற்கு அவர் நாடாளுமன்ற வளாகத்தில் நாங்கள் ஒரு குடும்பமாக பழகி வருகிறோம் என்றும் நீங்கள்தான் அரசியல் ரீதியிலாக பல்வேறு செய்திகளை எழுதுகிறீர்கள் என்றும் கூறினார்” எனத் தெரிவித்தார். தொடர்ந்து மற்ற மாநிலங்களவை உறுப்பினர்களுக்கும் பிரதமர் மோடி பிரியாவிடை அளித்தார்.
http://dlvr.it/RsL6hR

Read More

மகாராஷ்டிராவில் பறவைக் காய்ச்சல்: 100 குழுக்கள் அமைப்பு... 9 லட்சம் கோழிகளை அழிக்கும் பணி தீவிரம்!

பறவைக்காய்ச்சல் மும்பை உட்பட மகாராஷ்டிரா மாநிலத்தின் பல பகுதிகளில் பரவியுள்ளது. இதனால் கோழிக்கறி மற்றும் முட்டை விலை வெகுவாக சரிந்துள்ளது. நந்துர்பார் மாவட்டத்தில் பறவைக்காய்ச்சல் கண்டுபிடிக்கப்பட்ட இடத்தை சுற்றி 26 கோழிப்பண்ணைகள் இருக்கிறது. இந்த பண்ணையில் உள்ள கோழிகளை அழிக்கும் பணி கடந்த 7-ம் தேதி தொடங்கியது. முதல் நாளில் மாவட்ட நிர்வாகம் 32 ஆயிரம் கோழிகளை அழித்தது. இரண்டாவது நாளான நேற்று 1.05 லட்சம் கோழிகள் அழிக்கப்பட்டது. இப்பணிகள் மேலும் சில நாட்கள் தொடரும் என்று அறிவிக்கப்பட்டுள்ளது. ஆரம்பத்தில் இப்பகுதியில் 5 ஆயிரம் கோழிகள் மர்மமான முறையில் இறந்தது. பறவைக் காய்ச்சல் அதில் இருந்து மாதிரிகள் எடுக்கப்பட்டு சோதனைக்கு அனுப்பப்பட்டதில் பறவைக்காய்ச்சல் உறுதி செய்யப்பட்டது. எனவே அப்பகுதியில் இருக்கும் கோழிப்பண்ணையில் கோழிகளை அழிக்கும் பணியை மாவட்ட நிர்வாகம் தீவிரப்படுத்தி இருக்கிறது. இதற்காக 100 குழுக்கள் அமைக்கப்பட்டுள்ளது. ஒவ்வொரு குழுவிலும் 4 பேர் இடம் பெற்று இருப்பர். இது குறித்து நந்துர்பர் மாவட்ட ஆட்சித்தலைவர் ராஜேந்திரா கூறுகையில், ``பறவைக்காய்ச்சல் உறுதி செய்யப்பட்ட 4 பண்ணைகளில் உள்ள கோழிகளை அழிக்கும் பணி தொடங்கியுள்ளது. மேலும் 22 கோழிப்பண்ணைகளில் கோழிகளின் இறப்பு அதிகமாக இருக்கிறது. அதன் மாதிரிகள் சோதனைக்காக அனுப்பப்பட்டுள்ளது. அதன் முடிவுகள் வந்தவுடன் அதில் உள்ள கோழிகளும் உடனே அழிக்கப்படும்” என்று தெரிவித்தார். தமிழ்நாட்டில் நாமக்கல் கோழிப்பண்ணைகளுக்கு பிரபலமாக இருப்பது போல் மகாராஷ்டிராவில் நந்துர்பர் மாவட்டத்தில் உள்ள நந்துர்பர் தாலுகாவில் அதிகப்படியான கோழிப்பண்ணைகள் இருக்கிறது. இக்கோழிப்பண்ணையில் இருந்து அண்டை மாவட்டங்கள் மற்றும் குஜராத்துக்கு கோழி மற்றும் முட்டைகள் ஏற்றுமதி செய்யப்பட்டு வருகிறது.இறந்த கோழிகள் சோதனைக்கு கொண்டு செல்லப்படுகிறது 2006ம் ஆண்டு பறவைக்காய்ச்சல் பரவுவதற்கு நந்துர்பர் மாவட்டம் தான் முக்கிய காரணமாக இருந்தது. அது போன்ற ஒரு நிலை மீண்டும் ஏற்பட்டுவிடக்கூடாது என்பதற்காக மாவட்ட நிர்வாகம் முழுவேகத்தில் செயல்பட்டு வருகிறது. பறவைக்காய்ச்சல் ஏற்பட்ட பகுதியில் இருந்து பெறப்பட்ட 44 ஆயிரம் முட்டைகளும் அழிக்கப்பட்டுள்ளது. பாதிக்கப்பட்ட கோழிப்பண்ணை உரிமையாளர்களுக்கு 34 லட்சம் இழப்பீடு கொடுக்கப்பட்டுள்ளது.
http://dlvr.it/RsJy9C

Read More

கேரளா: `கடவுள் கேட்டதால், பலிகொடுத்தேன்!’ - மகனை கொன்று காவலர்களையும் அழைத்த பெண்

கேரள மாநிலம் பாலக்காடு மாவட்டம் புதுப்பள்ளி பூளக்காடு சுலைமான் என்பவரது மனைவி ஷகீதா(32). இவர்களுக்கு மூன்று குழந்தைகள் இருந்தன. மேலும் ஷகீதா மூன்று மாத கர்பிணியாக உள்ளார். இந்த நிலையில் நேற்று முன் தினம் அதிகாலையில் தூங்கிக்கொண்டிருந்த தனது மூன்றாவது குழந்தையான ஆறு வயதான அமில் இஹ்ஸானை கழிவறைகொண்டு சென்று கால்களை கட்டி கொடூரமாக கழுத்தை அறுத்து கொலை செய்தார். பின்னர் காவல் நிலையத்துக்கு போன் செய்து குழந்தையை கொலை செய்ததாக தகவல் கூறினார். போலீஸார் அங்கு சென்றபோது கதவை திறந்து கொலைச் செய்யப்பட்ட குழந்தையை காட்டினார். அதே சமயம் ஷகீதாவின் கணவரும் இரண்டு குழந்தைகளும் தூங்கிக்கொண்டிருந்தனர். பாலக்காடு சவுத் போலீஸார் சென்றுதான் ஷகீதாவின் கணவர் சுலைமானை எழுப்பி குழந்தை கொலைச் செய்யப்பட்ட விபரத்தை தெரிவித்தனர். அப்போதுதான் சுலைமானுக்கும் குழந்தைக்கு நேர்ந்த கொடூரம் தெரியவந்தது. இதைத் தொடர்ந்து ஷகீதா கைது செய்யப்பட்டார்.கொலைச் செய்யப்பட்ட 6 வயது சிறுவன் அமில் இஹ்ஸான் `கடவுள் கேட்டதால் குழந்தையை பலி கொடுத்ததாக ஷகீதா வாக்குமூலம் கொடுத்து போலீஸாரை அதிர்ச்சிக்குள்ளாக்கினார். கொலைச் செய்யப்பட்ட அமில் இஹ்ஸான் கள்ளிக்காடு பள்ளியில் ஒன்றாம் வகுப்பு படித்து வந்துள்ளான். இந்த வழக்கு குறித்து போலீஸார் கூறுகையில், ``கடவுள் தன்னிடம் கேட்டுக்கொண்டதால் குழந்தையை பலி கொடுத்ததாக ஷகீதா கூறியிருக்கிறார். அதே சமயம் வீட்டில் சமையல் செய்ய கத்தி இல்லை, எனவே கத்தி வாங்கி வரும்படி கொலை செய்வதற்கு முந்தினம் கணவரிடம் கூறியிருக்கிறார். Also Read: 80 வயது மனைவியைக் குத்திக் கொலை செய்து எரித்த 84 வயது கணவர்! - மும்பை பயங்கரம் கணவர் வாங்கிச் சென்ற புதிய கத்தியை வைத்து மகனின் கழுத்தை அறுத்து கொலை செய்துள்ளார். முன்னதாக துணியால் சிறுவனின் கால்களை சேர்த்து கட்டியிருக்கிறார் ஷகீதா. அதுமட்டுமல்லாது இரண்டு நாட்களுக்கு முன்பு பக்கத்து வீட்டைச் சேர்ந்த ஒரு பெண்ணிடம் பாலக்காடு போலீஸின் தொடர்பு எண்ணை வாங்கி வைத்திருக்கிறார். ஜன மைத்ரி போலீஸ் (மக்கள் இணக்க காவல்துறை) அவசர எண் 112 என்ற எண்ணிற்கு குழந்தையை கொலை செய்த விபரத்தை கூறியதை அடுத்தே அங்கு சென்று விசாரணை நடத்தினோம்.மகனை கொலை செய்த ஷகீதா கொரோனா லாக்டெளன் சமயத்தில் ஷகீதாவின் கணவர் வெளிநாட்டில் இருந்து வந்திருக்கிறார். இப்போது பார்சல் வாகனம் ஓட்டும் பணி செய்து வருகிறார். ஷகீதா லாக்டெளனுக்கு முன்பு வரை பூளக்காடு மதரசா-வில் ஆசிரியராக பணிபுரிந்திருக்கிறார். மேலும் ஷகீதாவின் வாட்ஸ் அப் குரூப்கள் குறித்து விசாரணை நடத்தி வருகிறோம். அதில் தீவிர மத நம்பிக்கை உடையவர்கள், மனநிலையை மாற்றி தூண்டிவிட்டதால் ஷகீதா இதுபோன்ற செயலில் ஈடுபட்டாரா என்பது போன்ற கோணத்தில் விசாரணை நடத்தி வருகிறோம்" என்றனர்.
http://dlvr.it/RsJy90

Read More

திருமணத்துக்கு மறுத்த காதலிக்கு தீவைப்பு; காதலனைக் கட்டிப்பிடித்த காதலி!- மும்பை இளைஞர் பலி

மும்பையின் மேற்குப் பகுதியிலுள்ள ஜோகேஷ்வரி என்ற இடத்தில் வசிப்பவர் விஜய் காம்பே. இவர் தனது அண்ணியின் சகோதரியை இரண்டு ஆண்டுகளாகக் காதலித்துவந்தார். Also Read: சென்னை: திருமண நிச்சயத்தால் ஆத்திரம்; காதலி, அவரின் தாய்க்கு தீவைத்த காதலன்! - 3 பேர் பலி தனது காதலியை திருமணம் செய்துகொள்ள விரும்புவதாக விஜய், அந்தப் பெண்ணின் பெற்றோரிடம் தெரிவித்தார். ஆனால், அவர்கள் தங்களது மகளைத் திருமணம் செய்து கொடுக்க முடியாது என்று தெரிவித்துவிட்டனர். விஜய், மது அருந்தும் பழக்கம் உள்ளவர் என்பதால், அவருடைய காதலியும் திருமணம் செய்ய முடியாது என்று கூறியதாகத் தெரிகிறது. இதனால் விஜய் கடும் கோபத்தில் இருந்தார். அதோடு, தொடர்ந்து தனது காதலிக்கு பல்வேறு வழிகளில் தொல்லை கொடுத்துவந்திருக்கிறார். இதனால், மனரீதியாக அவருடைய காதலி கடுமையாக பாதிக்கப்பட்டார். இதையடுத்து விஜய்யின் காதலி கடந்த வாரம் தற்கொலை செய்துகொள்ள முயன்றார். இதனால், மருத்துவமனையில் சேர்க்கப்பட்டு சிகிச்சை பெற்றுவந்தார். கடந்த சில நாள்களுக்கு முன்புதான் வீடு திரும்பினார். அவரது உடல்நலம் குறித்து விசாரிப்பதற்காக விஜய், தனது காதலி வீட்டுக்குச் சென்றிருக்கிறார். அப்போது தன்னுடன் பெட்ரோலை ஒரு பாட்டிலில் எடுத்துச் சென்றார். வீட்டில் காதலி மட்டும் தனிமையில் இருந்திருக்கிறார். காதலியைச் சந்தித்து பேசியபோதும், `உன்னைத் திருமணம் செய்ய முடியாது’ என்று விஜய்யிடம் அந்தப் பெண் திட்டவட்டமாக தெரிவித்ததாகக் கூறப்படுகிறது. தீவைத்துக் கொலை இதனால் ஆத்திரமடைந்த விஜய், தான் எடுத்து வந்த பெட்ரோலை காதலி மீது ஊற்றி தீவைத்திருக்கிறார். அதோடு காதலி வீட்டைவிட்டு வெளியில் வந்துவிடக் கூடாது என்று வாசலில் விஜய் நின்றுகொண்டார். இதனால் காதலியால் உதவி கேட்டு வெளியில் செல்ல முடியவில்லை. உடனே, தனது காதலனையும் சேர்த்து அழைத்துச் செல்லலாம் என்று கருதி ஓடி வந்து வாசலில் நின்று கொண்டிருந்த காதலனை இறுக்க கட்டிப்பிடித்துக்கொண்டார். விஜய், தனது காதலியின் பிடியிலிருந்து வெளியில் வர எவ்வளவோ முயன்றும் முடியவில்லை. இதனால் காதலியுடன் சேர்ந்து வீட்டுக்கு வெளியே அலறியபடி வந்திருக்கிறார். இதைப் பார்த்த பக்கத்து வீட்டுக்காரர்கள், இரண்டு பேரையும் மீட்டு மருத்துவமனையில் சேர்த்தனர். விஜய் சிகிச்சை பலனனின்றி உயிரிழந்துவிட்டார். அவரது காதலி 80 சதவிகித காயங்களுடன் தொடர்ந்து உயிருக்குப் போராடிவருகிறார்.
http://dlvr.it/RsG98S

Read More