கேரளா: பா.ஜ.க-வின் முதல்வர் வேட்பாளர் மெட்ரோமேன் ஸ்ரீதரன்!

கேரள மாநிலத்தில் ஏப்ரல் 6-ம் தேதி சட்டசபைத் தேர்தல் நடக்கவிருக்கிறது. இதற்காக ஆளும் சி.பி.எம் கட்சித் தலைமையிலான எல்.டி.எஃப் ( இடது ஜனநாயக முன்னணி) கூட்டணி, எதிர்க்கட்சியான காங்கிரஸ் தலைமையிலான யூ.டி.எஃப் ( ஐக்கிய ஜனநாயக முன்னணி) கூட்டணி மற்றும் பா.ஜ.க தலைமையிலான என்.டி.ஏ ( தேசிய ஜனநாயக முன்னணி) கூட்டணிகள் தீவிர பிரசாரம் மேற்கொண்டுவருகின்றன. எல்.டி.எஃப் கூட்டணியில் ஏற்கெனவே பினராயி விஜயன் முதல்வராக இருக்கிறார். எனவே, எல்.டி.எஃப் கூட்டணியில் பினராயி விஜயனை முதல்வர் வேட்பாளராக முன்னிலைப்படுத்தி பிரசாரம் நடக்கிறது. யூ.டி.எஃப் கூட்டணியில் முதல்வர் வேட்பாளர் அறிவிக்கப்படவில்லை. ஆனாலும் இப்போதைய எதிர்க்கட்சித் தலைவர் ரமேஷ் சென்னிதலா தன்னை முதல்வர் வேட்பாளராக முன்னிலைப்படுத்துகிறார். இந்தநிலையில், என்.டி.ஏ கூட்டணி முதல்வர் வேட்பாளராக சமீபத்தில் கட்சியில் இணைந்த மெட்ரோ ஸ்ரீதரன் அறிவிக்கப்பட்டிருக்கிறார். இந்தியாவின் `மெட்ரோ மேன்’ என்று அழைக்கப்படும் பிரபல பொறியாளர் ஸ்ரீதரன் கேரள பா.ஜ.க-வில் இணைந்திருக்கிறார். மெட்ரோ மேன் ஸ்ரீதரன் 89 வயதான ஸ்ரீதரன், இந்தியாவின் பொதுப் போக்குவரத்து வசதிகளை மேம்படுத்தியதில் முக்கியப் பங்காற்றியவர். இந்திய பொதுப் போக்குவரத்தின் வடிவத்தையே மாற்றியமைத்தவர் என்ற பெருமைக்குரியவர். அவரது பணியை புகழும் வகையிலேயே `இந்தியாவின் மெட்ரோமேன்’ என்று அவர் அழைக்கப்படுகிறார். பத்மவிபூஷண் விருது வென்ற அவர், 2019-ம் ஆண்டு, பணியிலிருந்து ஓய்வு பெற்றார். கடந்த 10 ஆண்டுகளாக கேரளாவில் வசித்துவரும் மெட்ரோ ஸ்ரீதரன் தற்போது பா.ஜ.க முதல்வர் வேட்பாளராக அறிவிக்கப்பட்டிருக்கிறார். இதற்கான அறிவிப்பை கேரள பா.ஜ.க தலைவர் கே.சுரேந்திரன் வெளியிட்டிருக்கிறார். கேரள பா.ஜ.க சார்பில் நடக்கும் 'விஜய யாத்ரா' என்ற பிரசாரக் கூட்டம் திருவல்லாவில் நடந்தது. அதில் பேசிய கேரள பா.ஜ.க தலைவர் கே.சுரேந்திரன், ``கேரளத்தின் வளர்ச்சி தடைபட்டிருப்பதற்கு முடிவு காணவும், ஊழல் இல்லாத முன்மாதிரியான வளர்ச்சியடைந்த மாநிலமாக மாற்றவும் மெட்ரோமேன் ஸ்ரீதரனை முதலமைச்சர் வேட்பாளராக முன்னிறுத்தியிருக்கிறோம்.கேரள பா.ஜ.க தலைவர் கே.சுரேந்திரன் கொச்சி மெட்ரோ, பாலாரிவட்டம் பாலம் ஆகியவை ஸ்ரீதரனின் சாதனைகள். மெட்ரோமேன் கேரள முதல்வரானால், மாநிலத்தின் முகம் மாறும். மெட்ரோமேன் ஸ்ரீதரனுக்கு ஒரு வாய்ப்பு அளித்தால், நரேந்திர மோடியின் வளர்ச்சித் திட்டங்களை பத்து மடங்காக இங்கு செயல்படுத்தலாம் என்ற பூரண நம்பிக்கை எங்களுக்கு இருக்கிறது” என்றார்.
http://dlvr.it/RtyJWm

Read More

பெட்ரோல், டீசல் வரியை லிட்டருக்கு ரூ. 8.50 வரை தாராளாமாக குறைக்கலாம்: நிபுணர்கள் கருத்து

மத்திய அரசு பெட்ரோல், டீசல் மீதான கலால் வரியை லிட்டருக்கு எட்டரை ரூபாய் வரை குறைக்க வழி இருப்பதாக நிபுணர்கள் தெரிவித்துள்ளனர். பெட்ரோல், டீசல் விலை வரலாறு காணாத அளவு உயர்ந்துள்ள நிலையில் அதை குறைக்க பல்வேறு தரப்பிலிருந்தும் அரசுக்கு வலியுறுத்தப்பட்டு வருகிறது. குறிப்பாக கலால் வரி குறைப்பு மூலம் பெட்ரோல், டீசல் விலையை குறைக்க முடியும் எனக் கூறப்படுகிறது. இந்நிலையில் தற்போதைய நிலையில் பெட்ரோல், டீசல் மீதான கலால் வரியை லிட்டருக்கு 8 ரூபாய் 50 காசு வரை அரசுக்கு வருவாய் இழப்பின்றி குறைக்க முடியும் என ஐசிஐசிஐ செக்யூரிட்டீஸ் நிறுவனம் தெரிவித்துள்ளது. கலால் வரி குறைப்பை மேற்கொள்வதால் வரும் நிதியாண்டுக்கான வருவாய் இலக்கை நிர்ணயித்த இலக்கிற்குள் வைத்திருக்க முடியும் என அந்நிறுவனம் தெரிவித்துள்ளது. மேலும் வரி குறைப்பால் மக்களுக்கு நன்மை கிடைப்பதுடன் பொருளாதாரத்தில் சாதகமான விளைவுகளும் ஏற்படும் என ஐசிஐசிஐ செக்யூரிட்டீஸ் தெரிவித்துள்ளது. தற்போதைய நிலையில் பெட்ரோல் மீது லிட்டருக்கு 31 ரூபாய் 80 காசும் டீசல் மீது லிட்டருக்கு 32 ரூபாய் 90 காசும் கலால் வரி விதிக்கப்படுவது குறிப்பிடத்தக்கது
http://dlvr.it/Rtx7Yp

Read More

அதிமுக வேட்பாளர்கள் நேர்காணல் இன்று தொடக்கம்

சட்டப்பேரவைத் தேர்தலில் அதிமுக சார்பில் போட்டியிட விருப்பமனு தாக்கல் செய்தவர்களுக்கான நேர்காணல் இன்று காலை 9 மணிக்கு தொடங்குகிறது. அதிமுக சார்பாக போட்டியிட விரும்புபவர்கள் கடந்த மாதம் 24ஆம் தேதி முதல் விருப்ப மனுக்களை அதிமுக தலைமை அலுவலகத்தில் கொடுத்து வந்தனர். விருப்ப மனு கொடுப்பதற்கான காலக்கெடு நேற்று மாலையுடன் முடிந்தது. மொத்தம் 8 ஆயிரத்து 240 பேர் விருப்ப மனுக்களை தாக்கல் செய்துள்ள நிலையில், அவர்கள் அனைவருக்கும் இன்று ஒரே நாளில் நேர்காணலை நடத்த அதிமுக திட்டமிட்டுள்ளது. முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம், அதிமுக துணை ஒருங்கிணைப்பாளர்கள் வைத்திலிங்கம் மற்றும் கே.பி.முனுசாமி உள்ளிட்ட கட்சியின் முக்கிய நிர்வாகிகள் முன்னிலையில் நேர்காணல் நடைபெறவுள்ளது. கடந்த 2016ஆம் ஆண்டு சட்டமன்றத் தேர்தலின்போது அதிமுக சார்பில் போட்டியிட 26 ஆயிரம் பேர் மனுத் தாக்கல் செய்திருந்த நிலையில், இந்த முறை 8 ஆயிரத்து 240 பேர் மட்டுமே விருப்ப மனுத் தாக்கல் செய்துள்ளனர்
http://dlvr.it/Rtx7TP

Read More

கர்நாடகா: 'பாலியல் வீடியோ சர்சை' - தாமாக முன்வந்து ராஜினாமா செய்த அமைச்சர்!

கர்நாடக மாநிலத்தில் எடியூரப்பா தலைமையிலான பா.ஜ.க அமைச்சரவையில் நீர்வளத்துறை அமைச்சராக இருந்துவருபவர் ரமேஷ் ஜார்கிஹோலி (Ramesh Jarkiholi). 60 வயதான இவர் எடியூரப்பாவின் அமைச்சரவையில் முக்கிய நபர். கர்நாடகாவில் காங்கிரஸ்-ம.ஜ.த கூட்டணியில் குமாரசாமி தலைமையிலான ஆட்சியைக் கவிழ்த்து மீண்டும் எடியூரப்பா தலைமையில் ஆட்சி அமைக்கக் காரணமானவர்களில் ரமேஷ் மிகமுக்கியமானவர் என்று கூறப்படுகிறது.ரமேஷ் ஜார்கிஹோலி ரமேஷ் ஜார்கிகோலியும் ஒரு இளம்பெண்ணும் நெருக்கமாக இருக்கும் வீடியோக்களும், அந்த பெண்ணிடம் பேசும் ஆடியோவும் வெளியாகி சமூக வலைத்தளங்களில் வைரலானது. இந்த காணொலி தொடர்பாக, தினேஷ் கல்லஹல்லி என்பவர் காவல்நிலையத்தில் புகார் அளிக்கப்பட்டது. அந்த புகாரில், ``இளம் பெண் ஒருவருக்கு மின்வாரிய துறையில் வேலை வாங்கிக்கொடுப்பதாகக் கூறி அமைச்சர் ரமேஷ் ஜார்கிகோலி அந்த பெண்ணை பலமுறை பாலியல் வன்கொடுமை செய்துள்ளார். இப்போது அமைச்சர் சார்பில் அந்த பெண்ணுக்கு மிரட்டல் விடப்படுகிறது." என்று கூறப்பட்டுள்ளது. I have lodged a complaint with police, demanding a probe into a sex scandal involving Karnataka minister Ramesh Jarkiholi: Dinesh Kallahalli, the complainant, in Bengaluru pic.twitter.com/Dhe9rNXahv— ANI (@ANI) March 2, 2021 இந்த செய்தி கர்நாடக ஊடகங்களில் வெளியானதும், எதிர்க்கட்சிகள், அமைச்சர் பதவிவிலகக் கோரி போராட்டம் நடத்தின. இந்த குற்றச்சாட்டை முற்றிலும் மறுத்த அமைச்சர் ரமேஷ் ஜார்கிஹோலி, அந்த வீடியோ குறித்தும் அந்த பெண் குறித்தும் எதுவும் தெரியாது. இதுகுறித்து தலைமைக்கு விளக்கம் அளிக்கப் போகிறேன், என்று கூறியிருந்தார். இதுகுறித்து கர்நாடக உள்துறை அமைச்சர் பசவராஜ் பொம்மை, பத்திரிகையாளர் சந்திப்பில் பேசியதாவது, ``அமைச்சர் ரமேஷ் மீதான புகார் மீது காவல்துறையினர் விசாரணை நடத்தி வருகிறார்கள். சட்டம் கண்டிப்பாகத் தனது கடமையைச் செய்யும். உண்மை நிலை என்ன என்பது தெரியாமல், ஒருவர் மீது அவதூறு பரப்பக்கூடாது. இந்த புகார் மீது எந்த ஆதாரமும் இல்லை. காவல்துறை விசாரணையில் உண்மை தெரியவரும்" என்று பேசியிருந்தார்.ராஜினாமா கடிதம் கர்நாடக அரசியலில் இந்த வீடியோ விவகாரம் பெரும் சர்ச்சையை ஏற்படுத்தி வந்த நிலையில் அமைச்சர் ரமேஷ் தனது அமைச்சர் பதவியை ராஜினாமா செய்வதாக முதல்வருக்குக் கடிதம் எழுதியுள்ளார். இந்த கடிதத்தில், ``என்மீது சுமத்தப்பட்ட குற்றச்சாட்டுகள் உண்மைக்கு புறம்பானவை. உரிய தெளிவான விசாரணை தேவை. என்மீது எந்த குற்றமும் இல்லை நான் நிரபராதி என்பதில் எனக்கு நம்பிக்கை உள்ளது. தார்மீக பொறுப்பேற்று என்னுடைய அமைச்சர் பதவியை நான் ராஜினாமா செய்கிறேன். இந்த கடிதத்தை ஏற்கும்படி கேட்டுக்கொள்கிறேன்" என்று தெரிவித்திருக்கிறார். மூத்த அமைச்சர் ஒருவர் பாலியல் சர்ச்சையில் சிக்கியிருப்பது கர்நாடக மாநிலத்தில் பெரும் பரபரப்பை ஏற்படுத்தியுள்ளது.
http://dlvr.it/RttMHs

Read More

பாலியல் வன்கொடுமைக்கு உரிமமா திருமணம்? தலைமை நீதிபதிக்கு வலுக்கும் கண்டனங்கள்!

'பாதிக்கப்பட்ட பெண்ணை திருமணம் செய்ய சம்மதித்தால், சிறைக்கு போகாமல் தப்பி விடலாம் என்ற சிந்தனையை உருவாக்கி விடும்' என்று பெண் உரிமை ஆர்வலர்கள் கடிதம் எழுதியுள்ளனர். மராட்டிய மாநிலத்தில் ஒரு சிறுமி பாலியல் துன்புறுத்தலுக்கு ஆளான வழக்கில், குற்றஞ்சாட்டப்பட்ட அரசு ஊழியரின் முன் ஜாமீன் மனு, சமீபத்தில் உச்சநீதிமன்றத்தில் விசாரணைக்கு வந்தது. அதை விசாரித்த தலைமை நீதிபதி எஸ்.ஏ.போப்டே தலைமையிலான அமர்வு, குற்றம் சாட்டப்பட்டவரை பார்த்து, ‘‘அந்த பெண்ணை திருமணம் செய்து கொள்ள நீங்கள் தயாரா? அதற்கு தயார் என்றால், மனுவை பரிசீலிக்கிறோம். இல்லாவிட்டால், நீங்கள் சிறைக்கு போக வேண்டி இருக்கும்’’ என்று கூறியது. இந்த கருத்துகள் கடும் சர்ச்சையை ஏற்படுத்திய நிலையில், 3,500-க்கும் மேற்பட்ட பெண்ணுரிமை ஆர்வலர்கள் தலைமை நீதிபதி எஸ்.ஏ.போப்டேவுக்கு கடிதம் ஒன்று எழுதியுள்ளனர். அக்கடிதத்தில் தலைமை நீதிபதி எஸ்.ஏ.போப்டே பதவி விலக வேண்டும் என்றும் நீதிமன்றத்தில் அவர் கூறியதற்கு மன்னிப்பு கேட்க வேண்டும் என்றும் கூறப்பட்டுள்ளது. மேலும் அக்கடிதத்தில், '' பாலியல் குற்றவாளிகளுக்கு திருமணம் என்பது பாலியல் வம்கொடுமைக்கான உரிமம் என்ற செய்தியை தலைமை நீதிபதி சொல்ல வருகிறாரா? அத்தகைய உரிமத்தைப் பெறுவதன் மூலம், பாலியல் வன்கொடுமையை நியாயப்படுத்தவோ அல்லது சட்டப்பூர்வமாக்கவோ முடியும் என்கிற நிலை உருவாகக்கூடும்” என்று அன்னி ராஜா, கவிதா கிருஷ்ணன், கம்லா பாசின், மீரா சங்கமித்ரா, மைமூனா மொல்லா மற்றும் ஜாகியா சோமன் உள்ளிட்ட பிரபல பெண் உரிமை ஆர்வலர்கள் எழுதிய இக்கடிதத்தில் குறிப்பிடப்பட்டுள்ளது. மேலும் தலைமை நீதிபதி போப்டேவுக்கு மார்க்சிஸ்ட் கம்யூனிஸ்டு கட்சியின் தலைவர் பிருந்தா கரத் ஒரு கடிதம் எழுதியுள்ளார். அதில், ''இதுபோன்ற கேள்விகள், பாதிக்கப்பட்ட பெண்ணின் மனதை எந்த அளவுக்கு பாதிக்கும் என்பதை உணர வேண்டும். மேலும், பாதிக்கப்பட்ட பெண்ணை திருமணம் செய்ய சம்மதித்தால், ஜெயிலுக்கு போகாமல் தப்பி விடலாம் என்ற சிந்தனையை உருவாக்கி விடும். இத்தகைய கருத்துகள், பாலியல் வன்கொடுமையை ஊக்குவிக்கும் வகையில் அமைந்து விடும். ஆகவே, உங்கள் கருத்துகளை வாபஸ் பெற வேண்டும்’’ என்று கூறியுள்ளார்.
http://dlvr.it/Rts8Ql

Read More

அசாம் தேர்தல் களம்: தேயிலைத் தொழிலாளர்களை குறிவைக்கும் பாஜக, காங்கிரஸ்!

அசாம் தேர்தல் களத்தில் அனைத்து கட்சிகளின் இலக்காக இருப்பவர்கள் அம்மாநிலத்தின் தேயிலைத் தோட்டத் தொழிலாளர்கள். இதற்கான காரணம் என்ன? அசாம் மாநிலத்தில் விளையும் தேயிலைக்கு உலக அளவில் டிமாண்ட் அதிகம். அதே அளவு டிமாண்ட் தேர்தலின் போது அங்குள்ள தேயிலைத் தோட்ட தொழிலாளர்களுக்கும் இருக்கும். காரணம், அசாம் மக்கள் தொகையில் 35 சதவீதம் பேர் தேயிலைத் தோட்டத் தொழிலை சார்ந்தவர்கள். 126 சட்டமன்றத் தொகுதிகளில் 45 இடங்களில் வெற்றியை தீர்மானிப்பவர்கள் அவர்கள் தான். 60% இந்துக்கள், 15% கிறிஸ்துவர்கள், மற்ற மதத்தினர் 25% பேர், ஒடியா, கொண்டி, முண்டாரி, அஸ்ஸாமி என ஏராளமான மொழி பேசுபவர்களாக இருப்பதால் அவர்களை மதம் மற்றும் சாதி ரீதியில் ஒருங்கிணைப்பது இயலாத காரியம். அதனால் பல்வேறு திட்டங்கள் மூலமாக கவர முயற்சி செய்கின்றன அரசியல் கட்சிகள். தேயிலைத் தோட்ட தொழிலாளர்களின் கோரிக்கைகளில் முதன்மையானது தினசரி ஊதியத்தை 351 ரூபாயாக உயர்த்த வேண்டும் என்பதுதான். அவர்களின் கோரிக்கை நிறைவேற்றப்படும் என 2014 நாடாளுமன்றத் தேர்தலின் பிரதமர் மோடி வாக்குறுதி அளித்தார். ஆனால் அதற்கான எந்த நடவடிக்கையும் எடுக்கப்படவில்லை. இந்நிலையில் கடந்த மாதம் நடைபெற்ற அசாம் அமைச்சரவை கூட்டத்தில் தேயிலைத் தோட்ட தொழிலாளர்களின் தினக்கூலி 50 ரூபாய், அதாவது 167இல் இருந்து 217 ரூபாயாக உயர்த்தி அறிவிப்பு வெளியானது. இது ஒரு புறம் இருக்க, அசாமில் பரப்புரை மேற்கொண்ட காங்கிரஸ் எம்.பி. ராகுல் காந்தி, தங்கள் கட்சி ஆட்சிக்கு வந்தால் தேயிலை தொழிலாளர்களுக்கான தினக்கூலி 365 ரூபாயாக உயர்த்தப்படும் என்று உறுதி அளித்தார். அதிலிருந்து சரியாக ஆறாவது நாள் அசாம் அரசு தொழிலாளர்களின் தினக்கூலியை மீண்டும் உயர்த்தியது. இப்படி முழுக்க முழுக்க தேயிலை தோட்டத் தொழிலாளர்களை வட்டமிட்டு ஆளும் பாஜக, எதிர்கட்சியான காங்கிரஸ் காய்களை நகர்த்தி வருகின்றன. ஆனால் இரண்டு கட்சிகளின் கடந்த கால செயல்பாடுகளை ஆய்ந்து தீர்ப்பு எழுதக் காத்திருக்கிறார்கள் , அசாம் மாநிலத்தின் அசைக்கமுடியாத சக்தியாகவும், மிகப்பெரும் வாக்கு வங்கியாகவும் இருக்கும் தேயிலைத் தோட்டத் தொழிலாளர்கள்.
http://dlvr.it/Rts8J4

Read More

`2018-ல் பாலியல் தொல்லை; 2021-ல் தந்தை கொலை' - ``நீதி வேண்டும்'' எனக் கதறும் பெண்... நடந்தது என்ன?

``தயவு செய்து எனக்கு நீதி வேண்டும்... தயவு செய்து'' என்று தொடங்கி பெண் ஒருவர் அழுது கொண்டே பேசியிருக்கும் வீடியோ இந்திய அளவில் கவனம் பெற்று வருகிறது. இந்த வீடியோவில் இருக்கும் பெண் உத்தரப் பிரதேச மாநிலம் ஹத்ராஸ் மாவட்டத்தைச் சேர்ந்தவர் என்பது தெரிய வந்திருக்கிறது.கதறும் பெண், கைது செய்யப்பட்ட கெளரவ் ஷர்மாவின் உறவினர் Also Read: உ.பி: வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த பெண் - நடந்தது என்ன?அந்த வீடியோவில், ``தயவு செய்து எனக்கு நீதி வேண்டும்... முதலில் எனக்கு பாலியல் தொல்லை கொடுத்தான். இப்போது என்னுடைய அப்பாவைச் சுட்டுக் கொன்றுவிட்டான்'' என்று சொல்லி அழுகிறார். `அவன் பெயர் என்ன?' என்று அங்கிருந்தவர்கள் கேட்கையில், ``கெளரவ் ஷர்மா.. கெளரவ் ஷர்மா'' எனச் சொல்லி கதறுகிறார். இந்த வீடியோ வெளியானதை அடுத்து இது குறித்து உத்தரப் பிரதேச காவல்துறையினர் சில தகவல்களை வெளியிட்டிருக்கின்றனர். ``தற்போது சுட்டுக் கொல்லப்பட்டிருக்கும் அந்தப் பெண்ணின் தந்தை, 2018 ஜூலையில் கெளரவ் ஷர்மாவுக்கு எதிராக புகார் அளித்தார். அந்தப் புகாரில் தன் மகளுக்கு கெளரவ் ஷர்மா பாலியல் தொல்லை தந்ததாகக் குறிப்பிட்டிருந்தார். அந்த வழக்கில் ஒரு மாத காலம் சிறையிலிருந்தார் கெளரவ் ஷர்மா. பிறகு ஜாமீன் பெற்று வெளியே வந்துவிட்டார் அவர். தற்போது நேற்றைய தினம் (மார்ச் 1) கெளரவ் ஷர்மாவின் மனைவியும், சொந்தக்கார பெண் ஒருவரும் கோயிலுக்குச் சென்றிருக்கின்றனர். அங்கு 2018-ல் கெளரவ் ஷர்மாவால் பாதிக்கப்பட்ட பெண்ணும் வந்திருக்கிறார். அந்தப் பெண்ணை கெளரவ் ஷர்மாவின் சொந்தக்கார பெண் வம்புக்கிழுத்ததாகத் தெரிகிறது. பின்னர் இருவருக்குமிடையே வாக்குவாதம் ஏற்பட்டிருக்கிறது.உ.பி காவல்துறை Also Read: போக்சோ: `பாதிக்கப்பட்ட பெண்ணை மணந்து கொள்கிறீர்களா?' - உச்ச நீதிமன்றத்தின் கேள்வியும் எதிர்வினையும்! இது குறித்துத் தெரிந்து கொண்ட கெளரவ் ஷர்மா தனது உறவினர்களுடன் அந்தப் பெண்ணின் வயலுக்குச் சென்றிருக்கிறார். அங்கு அந்தப் பெண்ணிடமும் அவரது தந்தையிடமும் வாக்குவாதம் செய்திருக்கிறார். ஒரு கட்டத்தில் அந்தப் பெண்ணின் தந்தைக்கும் கெளரவ் ஷர்மாவுக்குமிடையே வாக்குவாதம் முற்றியிருக்கிறது. பின்னர் அங்கிருந்து கெளரவ் ஷர்மா சென்றிருக்கிறார். இரண்டு மணி நேரம் கழித்து 4 - 5 நபர்களுடன் அங்கே வந்த கெளரவ் ஷர்மா அந்தப் பெண்ணின் தந்தையைச் சுட்டுக் கொன்றுவிட்டார்'' என்று காவல்துறையினர் தெரிவித்திருக்கின்றனர். கெளரவ் ஷர்மா தனது ஃபேஸ்புக் பக்கத்தில், தன்னை சமாஜ்வாதி கட்சியின் உறுப்பினராக அடையாளப்படுத்தியிருக்கிறார். இதையடுத்து அக்கட்சியின் செய்தித் தொடர்பாளர் ஜூகி சிங், ``கெளரவ் ஷர்மா எங்கள் கட்சியின் நிர்வாகி அல்ல. அவர் பாலியல் தொல்லையும் கொலையும் செய்த குற்றவாளி. தற்போதுள்ள ஆட்சியில் இதுபோன்ற கிரிமினல்கள் அதிகரித்துக் கொண்ட இருக்கின்றனர். இந்த சம்பவத்தை வைத்துப் பார்க்கும்போது, மாநிலத்தில் பெண்களுக்குப் பாதுகாப்பு எந்த அளவுக்கு இருக்கிறது என்ற கேள்வி எழுகிறது'' என்று கூறியிருக்கிறார். अलीगढ़ के भाजपा सांसद के साथ हाथरस में बेटी के पिता की निर्मम हत्यारोपी गौरव शर्मा की तस्वीर प्रमाण है कि दुर्दांत हत्यारे को सत्ता का संरक्षण प्राप्त है। कब तक गुनहगारों को बचाने के लिए विपक्ष पर आरोप लगाकर ध्यान भटकाएगी भाजपा? हो कठोरतम कार्रवाई। pic.twitter.com/lom6LBWkTr— Aashish Yadav (@aashishsy) March 2, 2021 சமாஜ்வாதி கட்சியைச் சேர்ந்த ஆஷிஷ் யாதவ் என்பவர் இரண்டு புகைப்படங்களை தனது ட்விட்டர் பக்கத்தில் பகிர்ந்து, ``அலிகார்க் பா.ஜ.க எம்.பியோடு கெளரவ் ஷர்மா எடுத்துக் கொண்ட புகைப்படம். அதிகாரத்தின் மூலம் கொலைகாரர்கள் எப்படிப் பாதுகாப்பு பெறுகிறார்கள் என்பதற்கான சான்று இது'' என்று பதிவிட்டிருக்கிறார். இந்த வழக்கில் கெளரவ் ஷர்மாவின் குடும்ப உறுப்பினர் ஒருவரைக் கைது செய்திருக்கிறது உ.பி காவல்துறை. மற்றவர்களைத் தேடி வருவதாக காவல்துறையினர் தெரிவித்திருக்கின்றனர். இந்த வழக்கில் தொடர்புடைய அனைவரையும் விரைவில் கைது செய்து கடுமையான சட்டப் பிரிவுகளில் வழக்கு பதிவு செய்து நடவடிக்கை எடுக்குமாறு உத்தரப் பிரதேச முதல்வர் யோகி ஆதித்யநாத் உத்தரவிட்டிருக்கிறார்.உ.பி முதல்வர் யோகி ஆதித்யநாத் ஹத்ராஸ் மாவட்டத்தைச் சேர்ந்த பெண் `நீதி வேண்டும்' என்று கதறி அழுத வீடியோ உத்தரப் பிரதேச மாநிலம் முழுவதும் பெரும் பரபரப்பை ஏற்படுத்தியிருக்கிறது.
http://dlvr.it/RtpP5M

Read More