பெண்கள் தினம்: `காவல்துறையில் பணியாற்றும் பெண்களுக்கு விடுமுறை!' - அறிவித்த ஜெகன்

வருகின்ற திங்கட்கிழமை கொண்டாடப்படவுள்ள சர்வதேச பெண்கள் தினத்தை ஒட்டி ஆந்திர முதலமைச்சர் ஜெகன் மோகன் ரெட்டி பள்ளி மாணவிகளுக்கான பல்வேறு நலத்திட்டங்களை அறிவித்திருக்கிறார். குறிப்பாக அரசுப் பள்ளிகளில் ஏழாம் வகுப்பு முதல் பன்னிரண்டாம் வகுப்பு வரை படிக்கின்ற மாணவிகளுக்கு சானிட்டரி நாப்கின்களை இலவசமாக வழங்கும் திட்டத்தை இவர் அறிமுகப்படுத்தவுள்ளார். ஆந்திர முதல்வரின் இந்த அறிவிப்பு பெண்களின் மத்தியில் பெரும் வரவேற்பைப் பெற்றிருக்கிறது. இந்தத் திட்டத்திற்காக ஒவ்வொரு வருடமும் 41.4 கோடி ரூபாய் ஒதுக்கப்படும் என்று அம்மாநில அரசு அறிவித்துள்ளது. அரசுப் பள்ளிகள், ஜூனியர் கல்லூரிகள், உறைவிடப் பள்ளிகள் போன்றவற்றில் வருகின்ற ஜூலை ஒன்றாம் தேதி முதல் இத்திட்டம் செயல்படுத்தப்படவுள்ளதாகவும் கூறப்பட்டுள்ளது. ஒவ்வொரு மாணவிக்கும் மாதம் 10 சானிட்டரி நாப்கின்கள் வீதம் ஆண்டுக்கு 120 நாப்கின்கள் வழங்கப்படவுள்ளன. இவை தவிர மாநிலம் முழுவதும் இருக்கின்ற, பெண்களால் மட்டுமே நடத்தப்படும் 'சேயுதா' என்கிற சில்லறை வணிகக் கடைகளில் சானிட்டரி நாப்கின்கள் மலிவுவிலையில் விற்கப்படும் என்றும் தெரிவிக்கப்பட்டுள்ளது.School Students இது ஒருபுறமிருக்க மாணவிகள் போட்டித் தேர்வுகளை சிறப்பாக எதிர்கொள்வதற்குத் தேவையான கோச்சிங்குகளையும் அரசே வழங்கவிருப்பதாகவும் அறிவிப்பு வெளியாகியுள்ளது. தொழில்நுட்ப வளர்ச்சியைப் பயன்படுத்திக் கல்வி கற்கவேண்டியதன் அவசியத்தை தங்கள் அரசு நன்கு உணர்ந்திருப்பதாகத் தெரிவித்திருக்கும் ஆந்திர முதல்வர், அப்படி போட்டித் தேர்வுகளுக்காக அரசு நடத்தும் பயிற்சியில் கலந்துகொள்ளும் மாணவிகளுக்கு ‘அம்மாவோடி திட்டத்தின்(AMMAVODI SCHEME)' கீழ் லேப்டாப்பும் வழங்கப்படும் என்று சொல்லி மாணவிகளை மகிழ்ச்சிக் கடலில் ஆழ்த்தியிருக்கிறார். “போட்டித் தேர்வுகளுக்கான பயிற்சிகளை கடமைக்குக் கொடுக்காமல் அந்தந்தத் துறை சார்ந்த வல்லுநர்களின் உதவியோடு மாணவிகளுக்கு சிறப்பான பயிற்சியை அளிக்க இருக்கிறோம். குறிப்பாக இதுபோன்ற பயிற்சிகளை அதிக அளவிலான மாணவிகள் பயன்படுத்திக்கொள்ளும்படி செய்வதே எங்களின் நோக்கம்” என்று ஜெகன் மோகன் ரெட்டி சொல்லியிருப்பது அம்மாநில மக்களின் கவனத்தை பெரிதும் ஈர்த்திருக்கிறது. இவை ஒருபுறமிருக்க, வருகிற மார்ச் 8-ம் தேதி சர்வதேச பெண்கள் தினத்தன்று ஆந்திர காவல்துறையில் பணியாற்றும் அனைத்துப் பெண்களுக்கும் அம்மாநில அரசு விடுமுறை அறிவித்துள்ளது குறிப்பிடத்தக்கது. அதேபோல சர்வதேச பெண்கள் தினக் கொண்டாட்டத்தின் ஒரு பகுதியாக அங்கன்வாடியில் பணிபுரியும் பெண்களுக்கு மருத்துவப் பரிசோதனையையும் அரசு நடத்தவுள்ளது.women's day பெண்களின் பாதுகாப்பிற்காக 'டிஷா' செயலியை(DISHA APP) அம்மாநில அரசு அறிமுகப்படுத்தியுள்ளது அனைவரும் அறிந்ததே. இந்நிலையில் புதிதாக ஸ்மார்ட் போன் வாங்கும் பெண்கள் தங்களது போனில் இந்த டிஷா செயலியைப் பதிவிறக்கம் செய்தால் ஸ்மார்ட் போனின் விலையில் 10% தள்ளுபடி கொடுக்கப்படும் என்கிற அறிவிப்பையும் வெளியிட்டு அசத்தியுள்ளார் ஆந்திர முதல்வர். நன்று!
http://dlvr.it/Rv5TFh

Read More

மும்பை மின்தடை.. சைபர் தாக்குதலை நடத்தியது சீனாவா?

கடந்த ஆண்டு அக்டோபர் 12 அன்று மும்பை (Mumbai) மாநகரம் முழுவதும் திடீர் மின்தடை ஏற்பட்டது. பல மணி நேரங்களுக்கு நீடித்த மின்தடையால் மும்பை முழுவதும் மக்கள் பாதிக்கப்பட்டனர், மின்சார ரயில் சேவை தடைப்பட்டது, தண்ணீர் விநியோகம் சில இடங்களில் பாதிக்கப்பட்டது, நகரமே மின்சாரம் இன்றி ஸ்தம்பித்து நின்றது. அந்த நேரத்தில் தொழில்நுட்பக் கோளாறு காரணமாக மின்விநியோகாம் பாதிக்கப்பட்டதாக மும்பை மாநகராட்சி தெரிவித்திருந்தது. ஆனால் தற்போது அது தொழில்நுட்பக் கோளாறு இல்லை, சைபர் தாக்குதலாக இருக்கலாம் என மகாராஷ்டிர உள்துறை அமைச்சர் அணில் தேஷ்முக் தெரிவித்துள்ளார்.அணில் சேஷ்முக் Also Read: இந்தியாவில் அதிவேக இணையம்... களத்தில் ஏர்டெல், கூகுள் மற்றும் எலான் மஸ்க்! அமெரிக்காவைச் சேர்ந்த சைபர் பாதுகாப்பு நிறுவனமான 'Recorded future' நிறுவனம் மும்பையில் ஏற்பட்ட மின்தடைக்குச் சீனாவைச் சேர்ந்த 'Red Echo' என்ற அமைப்பின் சைபர் தாக்குதல் காரணமாகயிருக்கலாம் என அறிக்கை வெளியிட்டது. அதனைத் தொடர்ந்து மகாராஷ்டிர மாநிலத்தில் சைபர் பாதுகாப்புப் பிரிவும் இதே விவகாரம் தொடர்பாக முதற்கட்ட அறிக்கையைச் சமர்ப்பித்துள்ளது. அந்த அறிக்கையின் படி மாநிலத்தின் மின்வாரிய சர்வர்களில் சைபர் தாக்குதல்கள் நிகழ்ந்திருக்கலாம் எனத் தெரிகிறது.Mumbai blackout Recorded future நிறுவனத்தின் அறிக்கைப்படி, சீனாவைச் சேர்ந்த Red Echo நிறுவனம், இந்தியாவில் பத்து மின் விநியோக மையங்கள், மற்றும் இரண்டு துறைமுகங்களையும் குறிவைத்ததாகத் தெரிவிக்கப்பட்டிருந்தது. இந்த அறிக்கை அமெரிக்காவின் நியூயார்க் டைம்ஸ் பத்திரிகையில் சில நாட்களுக்கு முன் வெளியாகியிருந்தது. அதனைத் தொடர்ந்தே இந்த விஷயம் வெளிச்சத்திற்கு வந்துள்ளது. இந்த சைபர் தாக்குதலால் வேறு எந்த சேவைகளும் பாதிக்கப்படவில்லை, எந்தத் தகவல் திருட்டும் நடைபெறவில்லை என்பது அமைச்சரின் பதில். மேலும் இந்தச் சம்பவத்தின் பின்னணியில் சீனா இருப்பதாக வெளியான செய்தியை சீன அரசு முற்றிலுமாக மறுத்திருக்கிறது.
http://dlvr.it/Rv4gmn

Read More

அம்பானி வீடு அருகில் வெடிபொருள்களுடன் நின்ற கார்! - உரிமையாளர் கடலில் குதித்துத் தற்கொலை?

மும்பையில் கடந்த வாரம் தொழிலதிபர் முகேஷ் அம்பானியின் வீட்டுக்கு வெளியில் வெடிகுண்டுகளுடன் கார் ஒன்று அனாதையாக நின்றிருந்தது அனைவருக்கும் அதிர்ச்சியை ஏற்படுத்தியது. அந்த கார் நள்ளிரவில் கொண்டுவந்து நிறுத்தப்பட்டது விசாரணையில் தெரியவந்தது. இந்தச் சம்பவத்தில் தீவிரவாதிகளுக்குத் தொடர்பு இருக்கிறதா என்பது குறித்து போலீஸார் விசாரித்துவருகின்றனர். போலீஸார் நடத்திய விசாரணையில் அந்த கார் தானேயைச் சேர்ந்த மன்சுக் கிரண் என்பவருக்குச் சொந்தமானது என்று தெரியவந்தது. அவர் தானேயில் கடை வைத்திருக்கிறார். அவரது காரை யாரோ திருடிச் சென்று அதில் வெடிபொருள்களுடன் அம்பானி வீட்டுக்கு அருகில் விட்டுசென்றிருக்கிறார்கள். இது தொடர்பாக ஏற்கெனவே கிரணிடம் போலீஸார் விசாரணை நடத்தியிருந்தனர். காரைச் சோதிக்கும் வெடிகுண்டு நிபுணர் விசாரணையில், தனது காரில் ஏற்பட்ட தொழில்நுட்பக் கோளாறு காரணமாக கடந்த மாதம் 18-ம் தேதி மும்பை புறநகர்ப் பகுதியிலுள்ள விக்ரோலியில் நிறுத்திவிட்டுச் சென்றதாகவும், அதை யாரோ திருடிவிட்டதாகவும், இது குறித்து உடனே விக்ரோலி போலீஸில் புகார் செய்திருப்பதாகவும் அவர் தெரிவித்தார். இந்தநிலையில், இரண்டு நாள்களாக கிரணைக் காணவில்லை. இது குறித்து அவர் குடும்பத்தினர் போலீஸில் புகார் செய்திருந்தனர். போலீஸார் அது பற்றி விசாரித்துவந்த நிலையில், தானே அருகிலுள்ள கல்வா கழிமுகப்பகுதியிலிருந்து கிரணின் உடல் கண்டுபிடிக்கப்பட்டது. கடலில் மிதந்த உடல்... கழிமுகப்பகுதியில் ஒருவரின் உடல் கிடப்பதைக் கண்டு அப்பகுதி மக்கள் போலீஸாருக்குத் தகவல் கொடுத்தனர். போலீஸார் விரைந்து வந்து அந்த நபரின் உடலை மீட்டு விசாரித்தபோது, அவர் காணாமல்போன கிரண் என்பது தெரியவந்தது. அவர் தற்கொலை செய்துகொண்டாரா அல்லது அவரை யாராவது கொலை செய்து கடலில் தூக்கிப் போட்டார்களா என்பது குறித்து போலீஸார் விசாரித்துவருகின்றனர். பிரேத பரிசோதனை அறிக்கை கிடைத்த பிறகே இது குறித்துத் தெரியவரும். இதற்கிடையே இந்தச் சம்பவம் குறித்து விசாரிக்கும் பொறுப்பை தேசியப் புலனாய்வு ஏஜென்சியிடம் ஒப்படைக்க வேண்டும் என்று முன்னாள் முதல்வர் தேவேந்திர பட்னாவிஸ் மாநில அரசிடம் கோரிக்கை விடுத்திருக்கிறார். இது தொடர்பாக பட்னாவிஸ் சட்டமன்றத்தில் பேசுகையில், ``அம்பானிக்கு அச்சுறுத்தலை ஏற்படுத்தும் வகையில் வெடிகுண்டுகளுடன் காரைக் கொண்டு வந்து நிறுத்தியதில் பல சந்தேகங்கள் எழுந்துள்ளன. இதனால் இந்த வழக்கு விசாரணையை மாநில உள்துறை அமைச்சர் தேசியப் புலனாய்வு ஏஜென்சியிடம் ஒப்படைக்க வேண்டும். பட்னாவிஸ் கார் உரிமையாளரும், போலீஸ் சச்சின் வாக்கும் தொலைபேசியில் பேசியிருக்கின்றனர். அதோடு கார் வெடிகுண்டுடன் கண்டுபிடிக்கப்பட்டவுடன் உள்ளூர் போலீஸார் வருவதற்கு பதில் 30 கிலோமீட்டர் தொலைவிலுள்ள தானேயைச் சேர்ந்த போலீஸ் அதிகாரியான சச்சின் வாக்தான் முதலில் சம்பவ இடத்துக்குச் சென்றிருக்கிறார். மேலும் கார் உரிமையாளர் தனது காரை தானேயில் நிறுத்திவிட்டு மும்பை வந்து கமிஷனர் அலுவலகம் இருக்கும் இடத்தில் ஒருவரைச் சந்தித்துப் பேசியிருக்கிறார். அவர் யார் என்று விசாரிக்கப்பட வேண்டும். இது போன்ற பல சந்தேகங்கள் இருப்பதால், இந்த வழக்கு விசாரணையை தேசியப் புலனாய்வு ஏஜென்சியிடம் ஒப்படைக்க வேண்டும்” என்று மாநில அரசிடம் பட்னாவிஸ் கேட்டுக்கொண்டார். இந்தச் சம்பவத்தைத் தொடர்ந்து அம்பானி வீடு இருக்கும் பகுதியில் போலீஸார் பாதுகாப்பை பலப்படுத்தியிருக்கின்றனர். Also Read: மும்பை: நள்ளிரவு 1 மணிக்கு வந்த கார்; 20 ஜெலட்டின் குச்சிகள்! - அம்பானியின் வீட்டைத் தாக்க முயற்சி?
http://dlvr.it/Rv4gj6

Read More

முதல்வர் வேட்பாளர் அறிவிப்பு.. அதிருப்தி தெரிவித்த டெல்லி! - நிலைபாட்டை மாற்றிய கேரள பா.ஜ.க

கேரள பா.ஜ.க சார்பில் திருவல்லாவில் நடந்த 'விஜய யாத்திரா' என்ற பிரசார கூட்டத்தில் பேசிய கேரள பா.ஜ.க தலைவர் கே.சுரேந்திரன் பேசும்போது, "ஏற்கனவே கட்டிய பாலாரிவட்டம் பாலம் இடிந்து விழுந்தது. ஆனால் 18 மாததில் செய்து முடிக்க வேண்டிய பாலாரிவட்டம் பாலத்தை, ஊழல் இல்லாமல் ஐந்து மாதத்தில் கட்டிமுடித்திருக்கிறார் மெட்ரோமேன் ஸ்ரீதரன். அதனால்தான் எங்கள் முதலமைச்சர் வேட்பாளராக மெட்ரோமேன் ஸ்ரீதரன் கேரளத்திற்கு வேண்டும் என்று அவரிடமும், கட்சியிடமும் வேண்டுகோள் வைத்தோம். மெட்ரோமேன் கேரள முதலமைச்சர் வேட்பாளர் ஆக வேண்டும் என்று நாங்கள் விரும்புவதற்கு காரணம், ஊழல் இல்லாத முன்மாதிரியான வளர்ச்சி வேண்டும் என்பதற்காகத்தான். மெட்ரோமேன் ஸ்ரீதரன் தலைமையிலான என்.டி.ஏ-க்கு ஒரு வாய்ப்பு வழங்கினால் மத்திய மோடி அரசின் வளர்ச்சி திட்டங்கள் பத்து மடங்காக கேரளத்திற்கு கிடைக்கும்" என பேசினார். இதை வழிமொழிந்த கேரளத்தைச் சேர்ந்த மத்திய அமைச்சர் முரளிதரன் தனது ட்விட்டர் பக்கத்தில் "மெட்ரோமேன் ஸ்ரீதரனை முதல்வர் வேட்பாளராக முன்னிறுத்தி பா.ஜ.க தேர்தலை சந்திக்கும்" என கூறியிருந்தார்.மத்திய அமைச்சர் முரளிதரன் இதையடுத்து கேரள பா.ஜ.க முதல்வர் வேட்பாளர் மெட்ரோமேன் ஸ்ரீதரன் என்ற செய்தி வெளியானது. கேரள பா.ஜ.க-வின் இந்த அறிவிப்பு டெல்லி தலைமைக்கு அதிருப்தியை ஏற்படுத்தியது. ஐந்து மாநிலங்களில் நடக்கும் சட்டசபை தேர்தலில் பா.ஜ.க-வில் முதல்வர் வேட்பாளர்கள் யாரும் அறிவிக்கப்படவில்லை. அதிலும் முதல்வர் வேட்பாளரை தேசிய தலைமைதான் அறிவிக்கும். ஆனால் கேரளத்தில் பா.ஜ.க மாநில தலைவர் மெட்ரோமேன் ஸ்ரீதரனின் பெயரை முதல்வர் வேட்பாளர் என அறிவித்தது டெல்லி தலைமைக்கு அதிருப்தியை ஏற்படுத்தியுள்ளது. இதையடுத்து கேரள பா.ஜ.க நிர்வாகிகளை தேசிய தலைமை கண்டித்ததாக கூறப்படுகிறது. எனவே மத்திய அமைச்சர் முரளிதரன், மெட்ரோமேன் குறித்த தனது ட்விட்டர் பதிவை நீக்கியுள்ளார். மேலும், "மெட்ரோமேன் ஸ்ரீதரன் பா.ஜ.க முதல்வர் வேட்பாளராக வர வாய்ப்பு உள்ளதாக தகவல் வெளியானது. இதுகுறித்து மீடியாக்களில் செய்திகளையும் பார்த்தேன். ஆனால், கட்சி செயலாளரிடம் கேட்டபோது முதல்வர் வேட்பாளர் குறித்த அறிவிப்பு எதுவும் வரவில்லை என்றார். கேரள சட்டசபை தேர்தலில் முதல்வர் வேட்பாளர் யார் என்பது குறித்து கட்சி தலைமை இன்னும் முடிவு செய்யவில்லை" என தனியார் செய்தி நிறுவனத்திற்கு பேட்டி அளித்திருந்தார். மேலும் முதல்வர் வேட்பாளராக ஸ்ரீதரனை அறிவிக்கவில்லை என கே.சுரேந்திரனும் கூறியுள்ளார்.கேரள பா.ஜ.க தலைவர் கே.சுரேந்திரன் இன்று பத்தணம்திட்டையில் செய்தியாளர்களை சந்தித்த கேரள பா.ஜ.க தலைவர் கே.சுரேந்திரன் கூறுகையில், "மெட்ரோமேன் ஸ்ரீதரனை முதலமைச்சர் வேட்பாளர் என்று நான் அறிவிக்கவில்லை. அவர் முதல்வர் ஆக்கவேண்டும் என்று மக்களும், கட்சியினரும் விரும்புகின்றனர் என்றுதான் கூறினேன். ஸ்ரீதரன் போன்ற தலைவர்களின் இருப்பை கட்சியும், கேரள மக்களும் விரும்புகின்றனர். ஊழலற்றவர் என பெயரெடுத்தவர் மெட்ரோமேன் ஸ்ரீதரன். முதலமைச்சர் வேட்பாளராக அறிவிக்க வேண்டியது தேசிய தலைமைதான். அது அதற்கேற்ற சமயத்தில் அறிவிக்கப்படும்" என்றார். கேரள பா.ஜ.க முதல்வர் வேட்பாளராக மெட்ரோமேன் ஸ்ரீதரன் அறிவிக்கப்பட்ட சில மணி நேரங்களில் அதை மாநில தலைவர் மறுத்துள்ளது பரபரப்பை ஏற்படுத்தியுள்ளது.
http://dlvr.it/Rv29lM

Read More

'எந்த தொகுதியிலும் நிற்கத் தயார்..' விஜயகாந்த் மகன் விஜய பிரபாகரன் விருப்ப மனு தாக்கல்

தேமுதிக சார்பில் தேர்தலில் போட்டியிட அக்கட்சியின் தலைவர் விஜயகாந்தின் மகன் விஜய பிரபாகரன் விருப்ப மனு அளித்துள்ளார். தமிழக சட்டப்பேரவைத் தேர்தலில் தேமுதிக சார்பில் போட்டியிட விரும்புவோரிடம் கட்சித் தலைமை விருப்ப மனு பெற்று வருகிறது. தேமுதிகவின் பொருளாளர் பிரேமலதா, முதல்முறையாக தேர்தலில் களம் காண்பதற்காக நேற்று விருப்ப மனு வழங்கினார். தொகுதியின் பெயரைக் குறிப்பிடாமல் அவர், விருப்ப மனுவை அளித்தார். இதைத் தொடர்ந்து, விஜயகாந்தின் மூத்த மகன் விஜய பிரபாகரனும் விருப்ப மனு அளித்துள்ளார். அவரும் தொகுதியின் பெயரைச் சுட்டிக்காட்டிக் குறிப்பிடாமல், விருப்ப மனுவை அளித்தார். அவருக்கு கட்சி நிர்வாகிகள், தொண்டர்கள் வாழ்த்து தெரிவித்தனர். பின்னர் செய்தியாளர்களிடம் பேசிய அவர், தேமுதிக தலைமை எந்தத் தொகுதியில் நிற்கச் சொன்னாலும் போட்டியிட உள்ளதாகவும், கட்சித் தொண்டர்கள் தம்மை வெற்றி பெற வைப்பார்கள் என்றும் நம்பிக்கை தெரிவித்தார்.
http://dlvr.it/Rv11vn

Read More

ஆவின் பால் பாக்கெட்டில் தவளை மிதந்ததால் அதிர்ச்சி

கள்ளக்குறிச்சி மாவட்டம் திருக்கோவிலூரில் ஆவின் பால் பாக்கெட்டில் தவளை மிதந்துக் கிடந்தது அதிர்ச்சியை ஏற்படுத்தியுள்ளது.  கள்ளக்குறிச்சி மாவட்டம் திருக்கோவிலூர் வானமாமலை தெருவை சேர்ந்தவர் சிவநேசன். இவர் நேற்று மாலை, திருக்கோவிலூர் தெற்கு தெருவில் உள்ள பாஸ்கர் என்பவர் நடத்திவரும் ஆவின் பாலகத்தில், பால் பாக்கெட் ஒன்றை வாங்கியுள்ளார். பின்னர், வீட்டிற்கு சென்று பால் பாக்கெட்டை பிரித்தபோது, அந்த பால் பாக்கெட்டில் இறந்த நிலையில் தவளை ஒன்று இருந்ததாக கூறப்படுகிறது. இதனையடுத்து, சிவநேசன் ஆவின் பாலக முகவர் பாஸ்கரிடம் முறையிட்டுள்ளார். பின்னர், இத்தகவலை ஆவின் பாலக முகவர் பாஸ்கரன், விழுப்புரம் மாண்டல ஆவின் விற்பனை பிரிவு மேலாளர் ஐயங்கரனிடம் தெரிவித்ததை அடுத்து, தவளை இருந்த பால் பாக்கெட்டை வாங்கி சென்ற சிவநேசன் என்பவரது வீட்டில் ஐயங்கரன்  நேரில் விசாரணை மேற்கொண்டார். தமிழக அரசின் பால் நிறுவனமான ஆவின் பால் பாக்கெட்டில் தவளை இருந்தது இப்பகுதி மக்களிடையே பெரும் அதிர்ச்சியை ஏற்படுத்தியுள்ளது.
http://dlvr.it/Rv11s0

Read More

கேரளா: பா.ஜ.க-வின் முதல்வர் வேட்பாளர் மெட்ரோமேன் ஸ்ரீதரன்!

கேரள மாநிலத்தில் ஏப்ரல் 6-ம் தேதி சட்டசபைத் தேர்தல் நடக்கவிருக்கிறது. இதற்காக ஆளும் சி.பி.எம் கட்சித் தலைமையிலான எல்.டி.எஃப் ( இடது ஜனநாயக முன்னணி) கூட்டணி, எதிர்க்கட்சியான காங்கிரஸ் தலைமையிலான யூ.டி.எஃப் ( ஐக்கிய ஜனநாயக முன்னணி) கூட்டணி மற்றும் பா.ஜ.க தலைமையிலான என்.டி.ஏ ( தேசிய ஜனநாயக முன்னணி) கூட்டணிகள் தீவிர பிரசாரம் மேற்கொண்டுவருகின்றன. எல்.டி.எஃப் கூட்டணியில் ஏற்கெனவே பினராயி விஜயன் முதல்வராக இருக்கிறார். எனவே, எல்.டி.எஃப் கூட்டணியில் பினராயி விஜயனை முதல்வர் வேட்பாளராக முன்னிலைப்படுத்தி பிரசாரம் நடக்கிறது. யூ.டி.எஃப் கூட்டணியில் முதல்வர் வேட்பாளர் அறிவிக்கப்படவில்லை. ஆனாலும் இப்போதைய எதிர்க்கட்சித் தலைவர் ரமேஷ் சென்னிதலா தன்னை முதல்வர் வேட்பாளராக முன்னிலைப்படுத்துகிறார். இந்தநிலையில், என்.டி.ஏ கூட்டணி முதல்வர் வேட்பாளராக சமீபத்தில் கட்சியில் இணைந்த மெட்ரோ ஸ்ரீதரன் அறிவிக்கப்பட்டிருக்கிறார். இந்தியாவின் `மெட்ரோ மேன்’ என்று அழைக்கப்படும் பிரபல பொறியாளர் ஸ்ரீதரன் கேரள பா.ஜ.க-வில் இணைந்திருக்கிறார். மெட்ரோ மேன் ஸ்ரீதரன் 89 வயதான ஸ்ரீதரன், இந்தியாவின் பொதுப் போக்குவரத்து வசதிகளை மேம்படுத்தியதில் முக்கியப் பங்காற்றியவர். இந்திய பொதுப் போக்குவரத்தின் வடிவத்தையே மாற்றியமைத்தவர் என்ற பெருமைக்குரியவர். அவரது பணியை புகழும் வகையிலேயே `இந்தியாவின் மெட்ரோமேன்’ என்று அவர் அழைக்கப்படுகிறார். பத்மவிபூஷண் விருது வென்ற அவர், 2019-ம் ஆண்டு, பணியிலிருந்து ஓய்வு பெற்றார். கடந்த 10 ஆண்டுகளாக கேரளாவில் வசித்துவரும் மெட்ரோ ஸ்ரீதரன் தற்போது பா.ஜ.க முதல்வர் வேட்பாளராக அறிவிக்கப்பட்டிருக்கிறார். இதற்கான அறிவிப்பை கேரள பா.ஜ.க தலைவர் கே.சுரேந்திரன் வெளியிட்டிருக்கிறார். கேரள பா.ஜ.க சார்பில் நடக்கும் 'விஜய யாத்ரா' என்ற பிரசாரக் கூட்டம் திருவல்லாவில் நடந்தது. அதில் பேசிய கேரள பா.ஜ.க தலைவர் கே.சுரேந்திரன், ``கேரளத்தின் வளர்ச்சி தடைபட்டிருப்பதற்கு முடிவு காணவும், ஊழல் இல்லாத முன்மாதிரியான வளர்ச்சியடைந்த மாநிலமாக மாற்றவும் மெட்ரோமேன் ஸ்ரீதரனை முதலமைச்சர் வேட்பாளராக முன்னிறுத்தியிருக்கிறோம்.கேரள பா.ஜ.க தலைவர் கே.சுரேந்திரன் கொச்சி மெட்ரோ, பாலாரிவட்டம் பாலம் ஆகியவை ஸ்ரீதரனின் சாதனைகள். மெட்ரோமேன் கேரள முதல்வரானால், மாநிலத்தின் முகம் மாறும். மெட்ரோமேன் ஸ்ரீதரனுக்கு ஒரு வாய்ப்பு அளித்தால், நரேந்திர மோடியின் வளர்ச்சித் திட்டங்களை பத்து மடங்காக இங்கு செயல்படுத்தலாம் என்ற பூரண நம்பிக்கை எங்களுக்கு இருக்கிறது” என்றார்.
http://dlvr.it/RtyJWm

Read More