பூமிக்கு அடியில் கான்கிரீட் குளங்கள்... மழை வெள்ளத்தில் இருந்து விடுபடுமா மும்பை?

மும்பையில் ஒவ்வோர் ஆண்டும் பெய்யும் கனமழை காரணமாக மக்களின் இயல்பு வாழ்க்கை பெரிதும் பாதிக்கப்படுகிறது. மழை வெள்ளத்தால் வாகனப் போக்குவரத்து கடுமையாகப் பாதிக்கப்படுகிறது. இதைச் சமாளிக்க எந்த நடவடிக்கை எடுத்தாலும் அது பயனளிப்பதில்லை. கடந்த ஆண்டும்கூட மழையால் மூன்று முறை மும்பை மக்களின் இயல்பு வாழ்க்கை பாதிக்கப்பட்டது. ஒவ்வோர் ஆண்டும் ஏற்படும் இப்பிரச்னைக்கு தீர்வு காண ஆளும் சிவசேனாவால் எந்தத் தீர்வும் காண முடியவில்லை என்ற விமர்சனம் எழுந்தது. இதனால் இப்பிரச்னைக்கு நிரந்தர தீர்வு காண தென்கொரியா, ஜப்பான், கனடா போன்ற நாடுகளில் இருப்பது போன்று பூமிக்கு அடியில் மழை நீரை சேமிக்க பிரம்மாண்ட தொட்டிகளைக் கட்ட மாநகராட்சி திட்டமிட்டு வருகிறது. Floods சிறிய குளங்கள் போன்று இவை பூமிக்கு அடியில் கட்டப்படும். ஜூன் மாதம் மழை தொடங்குவதற்கு முன்பு மழையால் அதிக அளவு பாதிக்கப்படும் இரண்டு இடங்களில் இது போன்ற தண்ணீர் தொட்டிகளைக் கட்ட முடிவு செய்யப்பட்டுள்ளது. ஒவ்வொரு தொட்டியும் 100 மீட்டர் நீளமும் 50 மீட்டர் அகலமும், 6 மீட்டர் ஆழமும் கொண்டதாக இருக்கும். இவை 130 கோடி ரூபாய் செலவில் கட்டப்பட இருக்கிறது. ஒவ்வோர் ஆண்டும் அதிக அளவில் பாதிக்கப்படும் பரேல் ஹிந்த் மாதா பகுதி மற்றும் தாதர் ஆகிய இரண்டு இடங்களில் சோதனை அடிப்படையில் முதலில் இரண்டு ராட்சத தொட்டிகள் பூமிக்கு அடியில் கட்டப்படும். இதற்கான மண் சோதனை பணிகள் ஏற்கனவே தொடங்கிவிட்டது. அதோடு மாநகராட்சி பொறியாளர்கள் ஜப்பானின் டோக்கியோவில் கட்டப்பட்டுள்ள பூமிக்கு அடியில் இருக்கும் தொட்டிகளை நேரில் சென்று பார்த்துவிட்டு வந்துள்ளனர். இது குறித்து மாநகராட்சி கூடுதல் கமிஷனர் வல்லரசு கூறுகையில், போர்க்கால அடிப்படையில் இரண்டு தண்ணீர்த் தொட்டிகள் கட்டப்படும். இதற்கான பணிகள் இந்த மாதமே தொடங்கி ஜூன் மாதத்தில் முடிக்க இலக்கு நிர்ணயிக்கப்பட்டுள்ளது. இந்தத் தொட்டி மூலம் 4 மணி நேரம் பெய்யக்கூடிய 300 மிமீ அளவு மழை தண்ணீரை சேமிக்க முடியும். இத்திட்டம் வெற்றியடையும் பட்சத்தில் மும்பையில் மழையால் அதிக அளவில் பாதிக்கப்படும் இடங்களில் இது போன்ற தண்ணீர் தொட்டிகள் கட்டப்படும்'' என்றார்.Mumbai இந்தத் தொட்டியில் சேமிக்கப்படும் தண்ணீர் மழை முடிந்த பிறகு கடல் கொந்தளிப்பு அடங்கிய பிறகு மீண்டும் வடிகால் கால்வாய்கள் மூலம் கடலுக்குள் அனுப்பப்படும். மும்பையை சுற்றி கடல் இருப்பதால் கடல் கொந்தளிப்பாக இருக்கும்போது, மழையும் பெய்யும் பட்சத்தில் கடல் நீர் கழிவு நீர் கால்வாய்களில் புகுந்துவிடுகிறது. இதனால் மழை நீர் கடலுக்குள் செல்ல முடிவதில்லை. இதனால் மும்பையில் வெள்ளப்பெருக்கு ஏற்படுகிறது. அதோடு தற்போது இருக்கும் கழிவு நீர் கால்வாய்களில் மணிக்கு 50 மி.மீ அளவுக்கு பெய்யும் மழை நீரை மட்டுமே கொண்டு செல்லும் தன்மையுள்ளது ஆகும். ஆனால், மும்பையில் ஒரே நாளில் 100 முதல் 300 மி,மீ அளவுக்கு மழை பெய்துவிடுகிறது. இதனால் கழிவு நீர் கால்வாய்களும் மழை நீரைக் கொண்டு செல்ல முடியாத நிலை ஏற்படுகிறது. கடந்த ஆண்டு ஆகஸ்ட் 5-ம் தேதி மும்பையில் ஒரே நாளில் 293 மி.மீ அளவுக்கு மழை பெய்தது குறிப்பிடத்தக்கது. மும்பை மாநகராட்சியைக் கடந்த 20 ஆண்டுகளாக சிவசேனாதான் ஆட்சி செய்து வருகிறது.
http://dlvr.it/RvLy9w

Read More

அமமுகவின் முதற்கட்ட வேட்பாளர்கள் பட்டியல் வெளியீடு

சட்டப்பேரவைத் தேர்தலில் போட்டியிடும் முதற்கட்ட வேட்பாளர்கள் பட்டியலை அமமுக வெளியிட்டுள்ளது. ராசிபுரம்(தனி) - அன்பழகன்பாபநாசம் - பெ.ரெங்கசாமிபாப்பிரெட்டிபட்டி - பி.பழனியப்பன்சைதாப்பேட்டை - செந்தமிழன்சோளிங்கர் - என்.ஜி.பார்த்திபன்வீரபாண்டி - எஸ்.கே.செல்வம்அரூர் - ஆர்.ஆர்.முருகன்பொள்ளாச்சி - கே.சுகுமார்புவனகிரி - கே.எஸ்.கே.பாலமுருகன்ஸ்ரீரங்கம் - ஆர். மனோகரன்மடத்துக்குளம் - சி.சண்முகவேலுதிருப்பத்தூர்(சிவகங்கை) - கே.கே.உமாதேவன் உசிலம்பட்டி - ஐ.மகேந்திரன்கோவை தெற்கு - துரைசாமி(எ) சாலஞ்சர் துரைதருமபுரி - டி.கே.ராஜேந்திரன்
http://dlvr.it/RvKpPR

Read More

187 தொகுதிகளில் உதயசூரியன் சின்னம்: திமுகவின் வியூகம்

சட்டப்பேரவைத் தேர்தலில் திமுக கூட்டணி 187 தொகுதிகளில் உதயசூரியன் சின்னத்தில் போட்டியிடுகிறது. அதில் திமுகவை சேர்ந்த உறுப்பினர்கள் 174 பேரும், கூட்டணி கட்சியினர் 13 பேரும் உதய சூரியனில் களம் காண்கின்றனர். திமுக கூட்டணியில் ஏற்கெனவே இடம் பெற்றிருந்த கட்சிகளின் தொகுதிப் பங்கீடு முடிந்துவிட்டது. அதிலிருந்து திமுகவின் உதயசூரியன் சின்னத்தில் 187 பேர் போட்டியிடுவது உறுதியாகியுள்ளது. இது கடந்த 30 ஆண்டுகளில் நிகழாத ஒன்று. திமுக கூட்டணியில் காங்கிரஸ் கட்சிக்கு 25 தொகுதிகள் ஒதுக்கப்பட்டுள்ளன. மார்க்சிஸ்ட் கம்யூனிஸ்ட், இந்திய கம்யூனிஸ்ட், மதிமுக, விடுதலைச் சிறுத்தைகள் ஆகிய நான்கு கட்சிகளுக்கு தலா 6 தொகுதிகள் ஒதுக்கி ஒப்பந்தம் செய்யப்பட்டுள்ளது. அதில், மதிமுக 6 இடங்களிலும் உதயசூரியன் சின்னத்தில் களம் காண்கிறது. மூன்று தொகுதிகள் ஒதுக்கப்பட்டுள்ள இந்திய யூனியன் முஸ்லீம் லீக் தனிச்சின்னத்தில் போட்டியிடுகிறது. மனித நேய மக்கள் கட்சிக்கு இரண்டு தொகுதிகள் ஒதுக்கப்பட்ட நிலையில், ஒரு தொகுதியில் தனிச் சின்னத்திலும், மற்றொரு தொகுதியில் உதய சூரியன் சின்னத்திலும் களம் காண இருக்கிறது. அதனைத்தொடர்ந்து கொங்கு தேசிய மக்கள் கட்சிக்கு 3 தொகுதிகள், தமிழக வாழ்வுரிமை கட்சி, மக்கள் விடுதலை கட்சி, ஆதி தமிழர் பேரவை ஆகியவற்றுக்கு தலா ஒரு தொகுதி ஒதுக்கி கையெழுத்தானது. தொகுதி பங்கீடு ஒப்பந்தம் நிறைவடைந்த நிலையில், திமுக கூட்டணியில் தோழமை கட்சிகளுக்கு 60 தொகுதிகள் ஒதுக்கப்பட்டுள்ளன. திமுகவுக்கு 174 தொகுதிகள். இதில் கூட்டணி கட்சியினர் 13 பேர் உதயசூரியன் சின்னத்தில் போட்டியிடுகின்றனர். இதன் மூலம் 2021 சட்டமன்றத் தேர்தலில் திமுக 187 தொகுதிகளில் உதயசூரியன் சின்னத்தில் களம் காண்கிறது. இதன்பிறகு சில கட்சிகள் அல்லது அமைப்புகளுக்கு திமுக சீட் கொடுத்தாலும் அவர்கள் உதயசூரியன் சின்னத்தில் தான் போட்டியிடுவார்கள் என்பதால் 187 என்ற எண்ணிக்கையில் மாற்றம் இருக்காது.
http://dlvr.it/RvKpP8

Read More

அதிமுக கூட்டணியில் இருந்து தேமுதிக விலகல்!

தொகுதி உடன்பாடு எட்டப்படாத காரணத்தால் அதிமுகவில் இருந்து விலகுவதாக தேமுதிக அறிவித்துள்ளது. இதுகுறித்து தேமுதிகவின் பொதுச்செயலாளர் விஜயகாந்த் வெளியிட்டுள்ள அறிக்கையில் “2021 சட்டப்பேரவை தேர்தலில் அதிமுகவுடன் தொடர்ந்து மூன்று கட்டஙக்ளாக பேச்சுவார்த்தை நடைபெற்றது. தேமுதிக சார்பில் கேட்கப்பட்ட தொகுதி எண்ணிக்கையையும், தொகுதிகளையும் ஒதுக்க மறுத்து உடன்பாடு ஏற்படாத காரணத்தினால், மாவட்ட கழக செயலாளர்களுடனான அவசர ஆலோசனை கூட்டத்தில் ஏற்பட்ட ஒறை கருத்தின் அடிப்படையில், அதிமுக கூட்டணியில் இருந்து தேமுதிக விலகுகிறது” எனத் தெரிவிக்கப்பட்டுள்ளது. முன்னதாக, அதிமுக கூட்டணியில் பாமகவுக்கு 23 தொகுதிகளும், பாஜகவுக்கு 20 தொகுதிகளும் ஒதுக்கப்பட்டுள்ளன. தேமுதிக மற்றும் தமாகாவுடன் தொடர்ந்து பேச்சுவார்த்தை நடைபெற்று வந்தது. பாமகவுக்கு நிகராக 23 தொகுதிகளை ஒதுக்க வேண்டும் என தேமுதிக வலியுறுத்தி வந்த நிலையில், 13 அல்லது 14 தொகுதிகளை ஒதுக்க அதிமுக திட்டமிட்டிருந்தது. இதனால், அதிருப்தி அடைந்த தேமுதிக தற்போது அதிமுக கூட்டணியில் இருந்து விலகல் முடிவை எடுத்துள்ளது.
http://dlvr.it/RvH8R3

Read More

சட்டப்பேரவைத் தேர்தல்: மக்கள் மனதை வெல்லப்போவது யார்?

சட்டப்பேரவை தேர்தல் வரும் ஏப்ரல் 6-ஆம் தேதி நடைபெற உள்ளது. இதற்கான தேர்தல் பணிகளில் அரசியல் கட்சிகள் மும்முரமாக ஈடுபட்டுள்ளன. இந்த தேர்தலில் எப்படியாவது மக்கள் மனதை வென்று ஆட்சியை பிடிக்க வேண்டும் என்ற முனைப்போடு ஒவ்வொரு கட்சியும் செயல்பட்டு வருகின்றன. எதன் அடிப்படையில் மக்கள் மனதை வெல்வார்கள் என்று அரசியல் கட்சியினர், வட்டமேசை விவாதத்தில் பகிர்ந்து கொண்டனர். அந்த கருத்துகளை இந்த வீடியோவில் காணலாம்.
http://dlvr.it/RvFzjx

Read More

மும்பை: கொரோனா தடுப்பூசி போட்ட பின் மருத்துவமனையிலேயே உயிரிழந்த முதியவர்... காரணம் என்ன?

நாடு முழுவதும் தற்போது இரண்டாம் கட்ட கொரோனா தடுப்பூசி போடப்பட்டு வருகிறது. இதில் முதியவர்களுக்கு முக்கியத்துவம் கொடுக்கப்பட்டுள்ளது. தனியார் மருத்துவமனைகளிலும் இத்தடுப்பூசி போடப்பட்டு வருகிறது. இந்நிலையில், மும்பையில் ஒருவர் தடுப்பூசி போட்டுக்கொண்ட சில நிமிடங்களில் சுருண்டு விழுந்து உயிரிழந்திருப்பது அனைவரையும் அதிர்ச்சியடைய செய்துள்ளது. ஜோகேஷ்வரியில் உள்ள மில்லத் நர்சிங் ஹோமில் தடுப்பூசி போடப்பட்டு வருகிறது. இங்கு 65 வயது முதியவர் ஒருவர் கொரோனா தடுப்பூசி போட்டுக்கொள்ள வந்தார். அவருக்குத் தடுப்பூசி போட்ட பிறகு அங்குள்ள ஒரு சேரில் அமர்ந்திருந்தார். ஆனால் தடுப்பூசி போட்ட சில நிமிடங்களில், சம்பவ இடத்திலேயே அவர் சுருண்டு விழுந்தார். உடனே அவர் அவசர சிகிச்சை பிரிவில் சேர்க்கப்பட்டு தீவிர சிகிச்சையளிக்கப்பட்டது. ஒன்றரை மணி நேரத்தில் அவர் சிகிச்சை பலனளிக்காமல் உயிரிழந்தார்.Corona Vaccine அவரது உடல் கூப்பர் மருத்துவமனைக்கு பிரேத பரிசோதனைக்கு அனுப்பப்பட்டுள்ளது. ஆனால், அவரது மரணத்திற்கு கொரோனா தடுப்பூசி காரணம் இல்லை என்று மருத்துவமனை நிர்வாகம் தெரிவித்துள்ளது. உயிரிழந்த முதியவருக்கு ஏற்கெனவே இருதய பிரச்னை, நீரிழிவு போன்ற பிரச்னைகள் இருந்தன. இந்த மரணம் குறித்து அதிகாரிகள் விசாரித்து வருகின்றனர். இது குறித்து சுகாதாரத்துறை நிர்வாக அதிகாரி டாக்டர் மங்களா கூறுகையில், 'கொரோனா தடுப்பூசியால்தான் முதியவர் இறந்தாரா என்பது குறித்து விசாரிக்கப்பட்டு வருகிறது. இதற்காக கமிட்டி அமைக்கப்பட்டுள்ளது. அக்கமிட்டி அனைத்து அம்சங்கள் குறித்தும் விசாரிக்கும்' என்று தெரிவித்தார்.Corona Vaccine மகாராஷ்டிராவில் இதுவரை 4 லட்சம் பேருக்கு கொரோனா தடுப்பூசி போடப்பட்டுள்ளது. இதில் கொரோனா தடுப்பூசி போட்டுக்கொண்ட 400 பேருக்கு உடல்நலக்கோளாறு ஏற்பட்டது. சமீபத்தில் மகாராஷ்டிரா மாநிலம் தானே மாவட்டத்தில் உள்ள பிவண்டி என்ற இடத்தில் கொரோனா தடுப்பூசி போட்டுக்கொண்ட 40 வயது நபர் உயிரிழந்தார். நாடு முழுவதும் கொரோனா தடுப்பூசி போட்டுக்கொண்ட 40 பேர் இது வரை உயிரிழந்துள்ளனர் என்பது குறிப்பிடத்தக்கது. ஆனால் அவர்களின் மரணத்திற்கு கொரோனா தடுப்பூசி காரணம் இல்லை என்று அரசு தெரிவித்துள்ளது.
http://dlvr.it/RvFzh6

Read More

ஒன்றிரெண்டு பாஜக எம்.எல்.ஏ.க்கள் கூட சட்டப்பேரவையில் நுழைந்துவிடக் கூடாது: மார்க்சிஸ்ட்

”234 தொகுதிகளிலும் திமுக தலைமையிலான கூட்டணி மகத்தான வெற்றி பெறுவதற்கு நாங்கள் பாடுபடுவோம்” என்று மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் கூறியுள்ளார். திமுக கூட்டணியில் மார்க்சிஸ்ட் கம்யூனிஸ்ட் கட்சிக்கு 6 தொகுதிகள் ஒதுக்கீடு செய்யப்பட்டு, அதற்கான ஒப்பந்தம் கையெழுத்தாகியுள்ள நிலையில், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் செய்தியாளர்களை சந்தித்துப் பேசினார். அப்போது அவர் கூறுகையில், ‘’ தமிழகத்தில் மாற்று ஆட்சி அமைய வேண்டும். அதிமுக – பாஜக கூட்டணியை முறியடிக்க வேண்டும் என்பதே எங்களது பிரதானமான நோக்கம். தெரிந்தோ தெரியாமாலோ தமிழகத்தில் பாஜக காலூன்ற அனுமதித்து விடக்கூடாது என்பதில் உறுதியுடன் இருக்கிறோம்.  அதிமுக ஆட்சியை படுதோல்வியை அடையச் செய்ய வேண்டும்; சட்டப்பேரவையில் கம்யூனிஸ்ட் கட்சியின் பிரதிநிதிகளின் பங்களிப்பு இருக்க வேண்டும் என்கிற கடமைகளை நிறைவேற்ற வேண்டிய சூழலில், 6 தொகுதிகளில் போட்டியிடுவது என்பதை ஏற்றுக்கொண்டு உடன்பாட்டில் கையெழுத்திட்டு இருக்கிறோம். புதுச்சேரியில் நியமன எம்.எல்.ஏ.க்களை கொண்டு பாஜக அரசு, மக்களால் தேர்ந்தெடுக்கப்பட்ட அரசை கலைத்தது. அப்படியொரு சூழலில் தமிழக சட்டப்பேரவையில் ஒன்றிரெண்டு பாஜக எம்.எல்.ஏ.க்கள் நுழைந்தால் கூட அது ஜனநாயகத்திற்கு ஆபத்தாக முடியும். எனவே, கூடுதல் தொகுதிகள் எதிர்பார்க்கப்பட்ட நிலையில் நம்முடைய அரசியல் கடமைகளை நிறைவேற்ற வேண்டும் என்கிற காரணத்திற்காக இந்த உடன்பாட்டுக்கு சம்மதித்துள்ளோம். 234 தொகுதிகளிலும் திமுக தலைமையிலான கூட்டணி மகத்தான வெற்றி பெறுவதற்கு நாங்கள் பாடுபடுவோம். போட்டியிடும் உத்தேசப் பட்டியலை இன்னும் அளிக்கவில்லை. இனிதான் அளிக்கப் போகிறோம்'' என்றார்.
http://dlvr.it/RvCNJW

Read More