காதலனுடன் செல்ல எதிர்ப்பு; சகோதரியின் வன்கொடுமை புகார்! -2 ஆண்டுகளுக்கு பின் விடுவிக்கப்பட்ட சகோதரர்

மும்பை புறநகர் பகுதியில் வசிக்கும் இளம்பெண் ஒருவர் கடந்த 2018-ம் ஆண்டு தனது சகோதரன், வீட்டில் பெற்றோர் இல்லாத நேரத்தில் தன்னை வன்கொடுமை செய்துவிட்டதாக புகார் செய்தார். புகார் செய்த போது அப்பெண் மைனராக இருந்தார். இதனால் அப்பெண்ணின் அண்ணன் மீது குழந்தைகள் பாலியல் தடுப்பு சட்டத்தின் கீழ் வழக்கு பதிவு செய்யப்பட்டு, கைது செய்யப்பட்டு சிறையில் அடைக்கப்பட்டார். கடந்த இரண்டு ஆண்டுகளாக அப்பெண்ணின் சகோதரருக்கு நீதிமன்றம் ஜாமீன் வழங்கவில்லை. சிறார் வதை அதேசமயம் இது தொடர்பான வழக்கு மும்பையில் உள்ள தீன்தோஷி கோர்ட்டில் விசாரிக்கப்பட்டு வந்தது. விசாரணையின் போது புகார் அளித்தவரும், விசாரணை அதிகாரியும் நேரில் ஆஜராகி வாக்குமூலம் கொடுத்தனர். இதில் வன்கொடுமை செய்யப்பட்டதாக கூறப்படும் பெண், அப்படியே தனது வாக்குமூலத்தை மாற்றிக்கூறினார். `தனது காதலனுடன் வெளியில் செல்வதை தனது சகோதரன் எதிர்த்து தன்னுடன் சண்டையிட்டதோடு தன்னை அடித்ததால் அது போன்ற ஒரு போலியான வன்கொடுமை புகாரை தெரிவித்ததாக’ நீதிமன்றத்தில் தெரிவித்தார். தன்னை தனது சகோதரன் வன்கொடுமை செய்யவில்லை என்றும் குறிப்பிட்டார். Also Read: மைசூரு கூட்டுப் பாலியல் வன்கொடுமை: கொடூரச் சம்பவமும் விசாரணை நிலையும் - ஒரு பார்வை இவ்வழக்கில் கருத்து தெரிவித்த நீதிமன்றம், `புகார் செய்த பிறகு சம்பந்தப்பட்ட பெண்ணுக்கு மருத்துவ பரிசோதனை எதுவும் நடத்தப்படவில்லை. சம்பவம் நடந்ததாக கூறப்படும் போது பாதிக்கப்பட்டதாக கூறப்படும் பெண் மைனர் என்பதை நிரூபிக்கவில்லை. எனவே குழந்தைகள் பாலியல் தடுப்பு சட்டத்தின் கீழ் கைது செய்யப்பட்டதை ரத்து செய்வதாக தெரிவித்தது. தீர்ப்பு மேலும் பெண்ணின் வாக்குமூலம் முன்னுக்குப் பின் முரணாக இருப்பதை சுட்டிக்காட்டிய நீதிமன்றம், சொந்த வாக்குமூலத்தை மனுதாரர் மாற்றிக்கூறுகிறார். அவரது வாக்குமூலம் நம்பும் படியாக இல்லை. அதோடு குற்றச்சாட்டை நிரூபிக்க போதிய ஆதாரமும் இல்லை. எனவே இவ்வழக்கில் இருந்து குற்றம் சாட்டப்பட்ட நபர் விடுவிக்கப்படுவதாக நீதிமன்றம் தெரிவித்தது. இதையடுத்து இரண்டு ஆண்டுகளாக எந்த தவறும் செய்யாமல் சிறையில் இருந்த சகோதரர் விடுதலை செய்யப்பட்டுள்ளார். Also Read: பாலிடிக்ஸ்! பாலியல் பாதுகாப்பு? தொடரும் அவலம்
http://dlvr.it/S6ncCv

Read More

உலக கடித தினம் இன்று : அரசியல் முதல் இலக்கிய உலகம் வரை.. கனலை மூட்டிய கடிதங்கள்!

அன்புள்ள அப்பாவுக்கு, அம்மாவுக்கு, மதிப்பிற்குரிய ஆசிரியருக்கு என்பது மாதிரியான முன்னொட்டுடன் கடிதங்கள் எழுதப்பட்டு வருகின்றன. மக்கள் தொடர்பியலூக்கான சேவையில் முன்னோடி இந்த கடிதங்கள்.  இன்று உலக கடித தினம். கையால் எழுதும் முறையை பாராட்டும் விதமாக இந்த நாள் கொண்டாடப்பட்டு வருகிறது.  மனித வாழ்க்கையின் நவரச உணர்வுகளையும் தன்னகத்தே தாங்கி செல்லும் இந்தக் கடுதாசிகள் குறித்து பார்ப்போம்.  ஆதி காலங்களில் மன்னர்களின் எண்ண ஓட்டங்களை இந்த கடிதங்களின் வாயிலாக ஒரு இடத்திலிருந்து மற்றொரு இடத்திற்கு புறாக்கள் கடத்தி சென்றதையும் நாம் கேள்விப்பட்டதுண்டு. தொடர்ந்து அப்படியே தபால் துறை மூலம் கடிதங்கள் கொண்டு சேர்க்கப்பட்டன. இன்றைய டிஜிட்டல் உலகிலும் EMail வடிவில் தொடர்ந்து வெற்றி நடை போட்டு வருகின்றன. கடிதத்தின் வரலாறு! கடிதத்தின் தொடக்கப் புள்ளியாக பண்டைய இந்தியா திகழ்ந்துள்ளதாக சில தகவல்கள் சொல்லப்படுகின்றன. அப்படியே கிரேக்கம், ரோமாபுரி என படிப்படியாக பல்வேறு நாடுகளில் இந்த வழக்கம் தொடர்ந்து உலக முழுவதும் பரவலாகி உள்ளது அதன் பயன்பாடு.  தனிப்பட்ட மக்களின் உணர்வுகளை வெளிப்படுத்தும் கருவியான கடிதங்கள் வணிகம், விடுதலை, அரசியல், மொழி வளர்ச்சி என பல்வேறு விதமான பயன்பாட்டுக்கு உதவி உள்ளது.  பிரபலங்களும் கடிதங்களும்! மகாத்மா காந்தி, நேரு, நேதாஜி, பகத்சிங், மகாகவி பாரதியார், வ.உ. சிதம்பரனார் என பலரும் கடிதங்கள் மூலமாக மக்களிடம் தங்களது எண்ண ஓட்டங்களை வெளிப்படுத்தியுள்ளனர். பெரும்பாலும் அவை அனைத்தும் விடுதலை மற்றும் தேச நலன் சார்ந்தே இருந்துள்ளன. காந்தியின் கடிதங்கள் ‘Famous Letters of Mahatma Gandhi’ என புத்தகமாக வெளியிடப்பட்டுள்ளது. இந்தியாவின் விடுதலை வேட்கைக்கு வித்திட்டதும் காந்தியடிகளின் கடிதங்கள் தான். மக்களிடையே புரட்சியை ஏற்படுத்தின அவை.  இதில் காந்தி, நேதாஜி, அம்பேத்கர் மற்றும் பாரதியார் மாதிரியான பிரபலங்கள் தங்கள் குடும்பம் மற்றும் மனைவிகளை கடிதங்கள் மூலமாக தொடர்பு கொண்ட நிகழ்வுகளும் நடந்துள்ளன. நேரு சிறையில் இருக்கும் போது தன்னுடைய மகளான இந்திரா காந்திக்கு எழுதிய கடிதங்கள் மிகவும் முக்கியத்துவம் வாய்ந்தவை என்று இன்றளவும் கருதப்படுகிறது. தந்தை மகளுக்கு எழுதிய கடிதங்கள் என்ற தலைப்பில் இயற்கை வரலாறு மற்றும் உலக நாகரிகங்களின் தோற்றம் பற்றிய விவரங்களை விளக்கி எழுதிய 30 கடிதங்களை நேரு எழுதியிருந்தார். அவை தொகுக்கப்பட்டு புத்தகமாக உள்ளது. பொதுவுடைமை கருத்தியல் கோட்பாட்டை உருவாக்கிய முன்னவர்களான கார்ல் மார்க்ஸ் - பிரடெரிக் எங்கெல்ஸ் இருவரும் கடிதப் போக்குவரத்து வழியேதான் பல்வேறு தத்துவார்த்த கருத்துக்களை பரிமாறிக் கொண்டனர். அவை புத்தகங்களாக தொகுக்கப்பட்டு இன்றளவும் வாசிக்கப்பட்டு வருகிறது. கார்ல்ஸ் மார்க்ஸ் - ஜென்னி மார்க்ஸ் (மனைவி) இடையேயான கடிதங்களும் மிகவும் பிரபலமானவை. கறுப்பின மக்களின் மீதான நிறவெறிக்கும் இனவாதத்திற்கும் எதிராகப் போராடி, கைது செய்யப்பட்டு, 27 வருட சிறைவாசம் அனுபவித்த நெல்சன் மண்டேலா, தான் கைது செய்யப்பட்ட நாளிலிருந்து அவரது மனைவி மற்றும் ஐந்து குழந்தைகளுக்கு, சிறை அதிகாரிகள், அரசாங்க அமைச்சர்களுக்கு, இறந்த சுதந்திர போராளிகளின் குடும்பங்களுக்கு இரங்கல் எனப் பல கடிதங்களை எழுதினார். சிறையில் இருந்தபடியே அந்த கடிதங்கள் மூலம் புரட்சி வேட்கையை குறையாமல் பார்த்துக்கொண்டார். இந்திய விடுதலைப் போராட்டம் என்றாலே நம்முடைய நினைவுக்கு முதலில் வரும் இளைஞர் பகத்சிங் தான். சிறைக்குள்ளிருந்தும், சிறைக்கு வெளியில் இருந்தும் பகத்சிங் எழுதிய கடிதங்கள் பல. சிறையில் இருக்கும் போது பஞ்சாப் ஆளுநருக்கு எழுதிய கடிதம் ஒன்றில், “இந்திய விடுதலைப் போராட்டம் இந்திய மக்களுக்கும் இங்கிலாந்திற்கும் இடையிலான போர். நாங்கள் போர்க்கைதிகள். எங்களுக்கு மரண தண்டனை கொடுக்கப்பட்ட காரணமும் நாங்கள் அரசுக்கு எதிராக போர் தொடுத்ததாகத் தான் கூறுகிறது. எங்களை போர்க்கைதிகளுக்கு தண்டனை கொடுப்பது போல துப்பாக்கியால் சுட்டுக் கொல்லுங்கள்” என்று பகத்சிங் எழுதியிருந்தார். இந்தக் கடிதம் மிகவும் புரட்சி கனலை மூட்டியது. தமிழகத்தில் திராவிட அரசியலுக்கு வித்திட்ட முக்கியமான தலைவர்களில் ஒருவர் அறிஞர் அண்ணா. தம்பிகளுக்கு கடிதம் என அவர் எழுதிய கடிதங்கள் தற்போது தொகுப்புகளாக உள்ளன. தன்னுடைய அரசியல் கருத்துக்களை தொண்டர்களிடம் எடுத்துக் கொண்டு போக கடிதங்களை பயன்படுத்தினர். தமிழ் இலக்கியம் மற்றும் அரசியலில் முக்கிய இடம் பிடித்துள்ளன கடிதங்கள்! டி.கே. சிதம்பரநாதன் எழுதிய கடிதங்கள், கி.ராஜநாராயணனுக்கு சக எழுத்தாளர்கள் எழுதிய கடிதங்கள் புத்தகங்களாக தொகுக்கப்பட்டுள்ளன. முன்னாள் முதல்வர்கள் அண்ணா மற்றும் கருணாநிதியும் கடிதங்கள் மூலமாக மக்களை தொடர்பு கொண்டனர்.  தமிழ் நவீன இலக்கிய உலகில் பிதாமகனாக திகழ்ந்தவர் புதுமைப்பித்தன். புதுமைப் பித்தன் தனது மனைவி கமலாவிற்கு தன் கைப்பட எழுதிய 88 கடிதங்கள் தொகுப்பாக வெளியாகி இருக்கிறது. புதுமைப்பித்தனின் எழுத்துக்கள் மூலம் எப்படி அவரது இலக்கிய சிந்தனைகளை நாம் தெரிந்து கொள்ள முடியுமோ, அந்த அளவில் மனைவி கமலாவுக்கு எழுதிய கடிதங்கள் மூலம் அவர் எப்படி தான் விரும்பிய இலக்கியங்களுக்கு நேர்மையாகவும் உண்மையாகவும் இருந்தார் என்பதை புரிந்து கொள்ளலாம். தற்போதும் பல்வேறு அரசியல் கட்சிகளை சேர்ந்த தலைவர்கள் கடிதம் எழுதும் வழக்கத்தை தவறாமல் கடைபிடித்து வருகின்றனர். தமிழ்நாடு முதல்வராக பொறுப்பேற்றுக் கொண்டதும் முதல்வர் மு.க.ஸ்டாலின் தன் கட்சியினருக்கு கடிதம் எழுதி இருந்தது குறிப்பிடத்தக்கது.  டிஜிட்டல் யுகத்திலும் தொடரும் பயன்பாடு! இன்றைய டிஜிட்டல் உலகில் மின்னஞ்சல் மூலமாக கடிதம் எழுதும் வழக்கம் தொடர்ந்து வருகிறது. பெரும்பாலும் இப்போது எழுதப்படும் கடிதங்கள் அலுவல் பணி சார்ந்து இருக்கின்றன. வலைத்தளங்கள் கூட நியூஸ் லெட்டர் மூலமாக பயனர்களை கவர்வதற்கான பணிகளை செய்கின்றன.  இருந்தாலும் ‘நலம் நலமறிய ஆவல்’, ‘நான் இங்கு சுகம்! நீ அங்கு சுகமா?’, ‘யாவரும் நலம்’ மாதிரியான உணர்ச்சி வெளிப்பாடுகள் எல்லாம் எமோஜிக்கள் வழியே கடத்தப்படுகின்றன.  முகம் கூட பார்க்காமல் கடிதம் மூலம் வளர்ந்த ஆத்மார்த்தமான காதல் எல்லாம் இப்போது டிஜிட்டல் சாதனங்கள் வழியே கடக்கப்பட்டு வருகிறது.  இதையும் படிக்காலமே : "தடயங்கள் அழிப்பு" - ஜாலியன் வாலாபாக் நினைவிடம் புனரமைப்புக்கு எதிர்ப்பும் பின்னணியும்
http://dlvr.it/S6l3pL

Read More

மகாராஷ்டிரா: கொட்டித் தீர்த்த கனமழை; வெள்ளத்தில் அடித்துச்செல்லப்பட்ட 800 கால்நடைகள்!

மகாராஷ்டிரா மாநிலம் ஜல்காவ், மும்பை, தானே, பால்கர், ராய்கட் போன்ற பகுதியில் இரண்டு நாள்களாக கனமழை பெய்து வருகிறது. ஜல்காவில் பெய்த கனமழை காரணமாக மாவட்டத்தின் பெரும்பாலான பகுதியில் வெள்ளப்பெருக்கு ஏற்பட்டது. சாலைகளில் ஏற்பட்ட வெள்ளப்பெருக்கு காரணமாக ஆயிரக்கணக்கான வாகனங்கள் ஆங்காங்கே நிறுத்தி வைக்கப்பட்டது. அதிகமான இடங்களில் மழை நீர் வீடுகளுக்குள் புகுந்தது. இதனால் மக்களின் இயல்பு வாழ்க்கை முடங்கியுள்ளது. ஆற்றில் திடீரென நீர்மட்டம் அபாயக் கட்டத்தைத் தாண்டி ஓடுவதால் மழை நீர் குடியிருப்புகளுக்குள் புகுந்துள்ளது. வெள்ளத்தில் 15 பேர் அடித்துச் செல்லப்பட்டனர். அவர்களை தேடும் பணியைத் தீயணைப்புத் துறையினர் தீவிரப்படுத்தியுள்ளனர். Also Read: பூமிக்கு அடியில் கான்கிரீட் குளங்கள்... மழை வெள்ளத்தில் இருந்து விடுபடுமா மும்பை?மழைநீரால் சூழப்பட்ட ஜல்காவ் இது தவிர அதிகாரப்பூர்வமாக மழைக்கு ஒருவர் இறந்துவிட்டார். மழை வெள்ளத்தில் 800-க்கும் அதிகமான ஆடு, மாடுகள் அடித்து செல்லப்பட்டுவிட்டதாக மாவட்ட நிர்வாகம் தெரிவித்துள்ளது. கன்னாட் தாலுகாவில் உள்ள ஜலிஸ்காவ் என்ற இடத்தில் மலைப்பகுதியில் நிலச்சரிவு ஏற்பட்டு போக்குவரத்து கடுமையாக பாதிக்கப்பட்டது. இதனால் அவுரங்காபாத் நெடுஞ்சாலையில் போக்குவரத்து வேறு வழியாக திருப்பி விடப்பட்டுள்ளது. மஹாராஷ்டிராவில் அடுத்த இரண்டு நாள்களுக்குக் கனமழை நீடிக்கும் என்று வானிலை ஆய்வு மையம் தெரிவித்துள்ளது. வங்காள விரிகுடாவின் வடமேற்கு பகுதியில் குறைந்த காற்றழுத்தத் தாழ்வு மண்டலம் உருவாகியிருப்பதாகவும் வானிலை ஆய்வு மையம் தெரிவித்துள்ளது. மும்பையில் பெய்த கனமழை காரணமாக காட்கோபர் பகுதியில் நிலச்சரிவு ஏற்பட்டது. இதனால் அப்பகுதியில் வசித்த நூற்றுக்கணக்கானோர் வேறு பாதுகாப்பான இடத்துக்கு மாற்றப்பட்டனர். பல பகுதிகளில் தாழ்வான இடங்களில் மழை நீர் தேங்கி போக்குவரத்து பாதிக்கப்பட்டது. அதேசமயம் அக்டோபர் மாதம் மிகவும் குறைவான அளவு பருவ மழை பெய்துள்ளது.
http://dlvr.it/S6kRxG

Read More

கொரோனா தடுப்பு வழிகாட்டு நெறிமுறைகளுடன் தமிழகத்தில் இன்று கல்லூரிகள் திறப்பு

தமிழ்நாடு அரசின் உத்தரவுப்படி, மாநிலம் முழுவதும் கொரோனா தடுப்பு வழிகாட்டு நெறிமுறைகளுடன் இன்று கல்லூரிகள் திறக்கப்படுகின்றன. தமிழ்நாட்டில் கொரோனா பாதிப்பு படிப்படியாக குறைந்து வரும் நிலையில், நோய்த்தொற்று தடுப்பு வழிகாட்டு நெறிமுறைகளுடன் கல்லூரிகளை திறக்க தமிழ்நாடு அரசு உத்தரவிட்டுள்ளது. அரசு - தனியார் கல்லூரிகளையும் மாணாக்கர் மற்றும் ஊழியர்களின் விடுதிகளையும் திறக்க அனுமதித்துள்ளது. மாணவ - மாணவியர், பேராசிரியர்கள், பணியாளர்கள் அனைவரும் தடுப்பூசி செலுத்தியிருக்க வேண்டும் என்றும், கல்லூரி நிர்வாகம் இதை உறுதிபடுத்த வேண்டும் என்றும் தமிழ்நாடு அரசு அறிவுறுத்தியுள்ளது. தடுப்பூசி போட தவறிய கல்லூரி மாணவ - மாணவியர் கொரோனா பரிசோதனை செய்த சான்றிதழ் வைத்திருக்க வேண்டும், மாணவ - மாணவியர் உள்ளிட்ட அனைவரும் முகக்கவசம் அணிந்திருக்க வேண்டும், தனிமனித இடைவெளியை பின்பற்ற வேண்டும் என்பன உள்ளிட்ட கட்டுப்பாடுகளை கடைபிடிக்க அறிவுறுத்தப்பட்டுள்ளது. மேலும், பள்ளி - கல்லூரி மாணாக்கர் அரசுப் பேருந்துகளில் பாஸ் இல்லாமல் பயணிக்கலாம் என்று தமிழ்நாடு அரசு அறிவித்துள்ளது. இதையும் படிக்கலாம்: கொரோனா தடுப்பு: பள்ளிகளில் மாணாக்கர்கள் செய்யக்கூடியவையும் கூடாதவையும்!
http://dlvr.it/S6jvpl

Read More

தமிழில் பெயரெழுதும்போது முன்எழுத்தையும் தமிழில் எழுதுக: பேரவையில் அமைச்சர் தங்கம் தென்னரசு

தமிழில் பெயர் எழுதினால், முன் எழுத்தையும் தமிழில் எழுதும் நடைமுறையை அனைவரும் பின்பற்றுமாறு அமைச்சர் தங்கம் தென்னரசு இன்று பேரவையில் அறிவுறுத்தியுள்ளார். இந்த நடைமுறை பள்ளி, கல்லூரி, அரசு ஆவணங்களில் கொண்டுவரப்படவும் நடவடிக்கை எடுக்கப்படுமென்றும்; பொதுமக்களும் பொதுப் பயன்பாடுகளில் இம்முறையை பின்பற்ற ஊக்குவிக்கப்படும் என்றும் அமைச்சர் தெரிவித்துள்ளார். மேலும், , இந்தியாவிலேயே முதன்மையான வருங்கால நகர் திறன் பூங்கா திறப்பது பற்றிய அறிவிப்பை வெளியிட்டார். பூங்கா அமைப்பது குறித்து பேசுகையில், ‘கிருஷ்ணகிரி சூளகிரி சிப்காட் தொழிற்பூங்காவில், இந்தியாவிலேயே முதன்முறையாக ரூ.300 கோடியில் வருங்கால நகர் திறன் பூங்கா அமைக்கப்படும். விருதுநகர் குமாரலிங்கபுரத்தில் 250 ஏக்கர் பரப்பளவில் உலகத்தரம் வாய்ந்த வசதிகளுடன் ரூ.400 கோடியில் ஒருங்கிணைந்த ஆடைப் பூங்கா அமைக்கப்படும். திருவள்ளூர் செங்காத்தாகுளத்தில் ரூ.250 கோடியில் புதிய சிப்காட் தொழிற் பூங்கா உருவாக்கப்படும். ரூ.150 கோடியில் 10 சிப்காட் தொழிற்பூங்காக்கள் மேம்படுத்தப்படும்’ போன்ற அறிவிப்புகளையும் அமைச்சர் தங்கம் தென்னரசு பேரவையில் அறிவித்துள்ளார். தொடர்புடைய செய்தி: வேளாண் சட்டங்கள் ஏன் எதிரானவை? - பேரவையில் விளக்கமளித்த ஸ்டாலின் இதேபோல மழைக்கால தொழில் பாதிப்பு நிதியுதவியாக, உப்பளத் தொழிலாளர்களுக்கு ஆண்டுக்கு ரூ.5,000 தரப்படுமென்றும் பேரவையில் அறிவிக்கப்பட்டுள்ளது. மேலும் செங்கல்பட்டு மாவட்டம் திருப்போரூரில் 500 ஏக்கர் பரப்பளவில் ரூ. 5.90 கோடியில் உப்பு உற்பத்தி தொடங்கப்படும் என்றும் அமைச்சர் தெரிவித்துள்ளார்.
http://dlvr.it/S6gQy7

Read More

நடைபாதை கடைகள் அகற்றம்; பெண் உதவி கமிஷனரின் விரல்களை வெட்டிய வியாபாரி!

மும்பையையொட்டி இரட்டை நகரமாக அமைந்திருக்கும் தானேயில் மாநகராட்சி உதவி கமிஷனராக இருப்பவர் கல்பிதா பிம்பிளே. கல்பிதா மாலையில் போக்குவரத்து நெருக்கடி மிகுந்த நேரத்தில் ரோந்துப்பணிக்கு சென்றார். சாலையோரம் இருக்கும் நடைபாதை கடைகளை அகற்றும்படி கூறிக்கொண்டே சென்றார்.அமர்ஜித் யாதவ் Also Read: ``ஊசிகூட போடாமல் என் மகனின் விரல்களை வெட்டினார்கள்!” - பரிதவிக்கும் பஞ்சாலை தொழிலாளி தம்பதி அதில் அமர்ஜித் யாதவ் என்ற வியாபாரி மட்டும் நடைபாதை கடையை அகற்ற மறுத்து கல்பிதாவுடன் வாக்குவாதத்தில் ஈடுபட்டார். கொரோனா பொதுமுடக்கத்தால் வருமானம் இல்லை என்றும், எனவே தனது கடையை அகற்றக்கூடாது என்று கேட்டுக்கொண்டார். ஆனால் ஒருவருக்காக மட்டும் விலக்கு கொடுக்க முடியாது என்று திட்டவட்டமாக தெரிவித்த கல்பிதா அவருடன் வந்த மாநகராட்சி ஊழியர்களிடம் யாதவ் கடையை அங்கிருந்து அப்புறப்படுத்தும்படி கேட்டுக்கொண்டார். இதனால் ஆத்திரம் அடைந்த யாதவ் தன்னிடமிருந்த கத்தியால் கல்பிதாவை தாக்க முயன்றார். கல்பிதா தன்னைக் காப்பாற்றிக்கொள்ள கையால் கத்தியைத் தடுக்க முயன்றார். இதில் அவர் இடது கையில் இருந்த இரண்டு விரல்கள் துண்டானது. பாதுகாப்புக்கு நின்றவர்கள் ஓடி வந்து கல்பிதாவைக் காப்பாற்ற முயன்றனர். ஆனால் அவர்களையும் யாதவ் தாக்கினார். இதில் பாதுகாவலர் ஒருவரின் விரலும் துண்டானது. ஒரு கட்டத்தில் யாதவ் கத்தியை தனது கழுத்தில் வைத்துக்கொண்டு தற்கொலை செய்து கொள்வேன் என்று மிரட்டினார். இதுகுறித்து பாதுகாப்பு பணியில் ஈடுபட்டிருந்த போலீஸ்காரர் ஒருவர் கூறுகையில், "அமர்ஜித் யாதவின் நடைபாதை அகற்றியபோது மிகவும் மூர்க்கத்தனமாக நடந்துகொண்டார். மாநகராட்சி அதிகாரி கல்பிதாவைத் தாக்கியதோடு அவரை மீட்க சென்றவரையும் தாக்கினார். மிகவும் போராடி அவரை மடக்கிப் பிடித்தோம் என்றார். காவல் நிலையத்திற்குக் கொண்டு செல்லப்பட்ட அவர்மீது கொலை முயற்சி வழக்கு பதிவு செய்யப்பட்டுள்ளது. கைவிரல்களை இழந்த கல்பிதா உடனே மருத்துவமனைக்கு அழைத்து செல்லப்பட்டு விரல்களை ஒட்டவைக்க ஆப்ரேஷன் செய்யப்பட்டது. இப்போது அவரது விரலுக்கு எந்தப் பிரச்னையும் இல்லை என்று டாக்டர்கள் தெரிவித்தனர்" என்றார்.
http://dlvr.it/S6fqSp

Read More

”சீமான் பாஜகவின் பி டீம் என்பது உறுதியாகியுள்ளது” - காங். எம்.பி. ஜோதிமணி கண்டனம்

நாம் தமிழர் கட்சியின் ஒருங்கிணைப்பாளர் சீமான் பா.ஜ.கவின் பி டீம் என்பது உறுதியாகியுள்ளது என காங்கிரஸ் எம்.பி.ஜோதிமணி தெரிவித்துள்ளார்.  இது தொடர்பாக ஜோதிமணி வெளியிட்டுள்ள அறிக்கையில், ''பெண்களுக்கு எதிரான பாலியல்‌ குற்றங்களை,சுரண்டலை கேள்வி கேட்கும்‌ சமூகம்‌ சரியாகத்தான்‌ இருக்கிறது. பாஜக ராகவனின்‌ பாலியல்‌ குற்றத்தை, சுரண்டலை சிறிதும்‌ வெட்கம்‌ இல்லாமல்‌ அப்பட்டமாக ஆதரிக்கும்,‌ சீமானின்‌ செயல்பாடுதான்‌ வெட்கக்கேடானது. சீமான்‌ ஒரு அரசியல்‌ கட்சியின்‌ தலைவர்‌ இவர்‌ இப்படிப்‌ பொறுப்பில்லாமல்‌, பெண்களுக்கு எதிரான பாலியல்‌ குற்றங்களை, சுரண்டலை ஆதரிப்பது அதிர்ச்சியளிக்கிறது. நாம்‌ தமிழர்‌ கட்சியில்‌ இருக்கும்‌ கள்ளமில்லாத இளைஞர்களின்‌ மனதில்‌, பெண்களுக்கு எதிரான பாலியல்‌ குற்றங்கள்‌ சரியென்ற மனநிலையை சீமான்‌ உருவாக்குகிறார்‌. இது ஒட்டுமொத்த பெண்களுக்கும்‌, தமிழ்‌ சமூகத்திற்கும்‌ ஆபத்தாகிவிடக்கூடிய அபாயம் இருக்கிறது.   பாஜகவிடமிருந்து மட்டுமல்ல இப்படிப்பட்ட ஆபாசமான, அறுவெறுக்கத்தக்க, ஆபத்தான செயல்பாடுகளை ஆதரிக்கும்‌ சீமான்‌ போன்றவர்களிடமும்‌ பெண்களும்‌, தமிழ்ச் சமூகமும்‌ விழிப்புடன்‌ இருக்கவேண்டும்‌. இவர்கள்‌ எல்லாம்‌ பெண்களின்‌ பாதுகாப்பு, மரியாதை, கண்ணியம்‌ பற்றி துளிகூட கவலைப்படாதவர்கள்‌, பெண்களை பாலியல் ரீதியான வன்முறைக்கு, ஒடுக்குமுறைக்கு உள்ளாக்குவதை ஆதரிப்பவர்கள்‌. காலம்‌ காலமாக பெண்களுக்கு எதிரான பாலியல்‌ வன்முறைகள்‌, குற்றங்கள்‌, ஒடுக்குமுறைகள்‌, சுரண்டல்கள்‌ நடந்துகொண்டுதான்‌ இருக்கின்றன. அதற்காக அவையெல்லாம்‌. சரியென்று ஆகிவிடுமா? பாலியல்‌ குற்றவாளிகள்‌ எல்லாம்‌ நிரபராதிகள்‌ ஆகிவிடுவார்களா? எப்படி காலங்காலமாக பெண்களுக்கு எதிரான பாலியல்‌ வன்முறைகள்‌ நடக்கினற்றனவோ அதேபோல அதற்கு எதிரான போராட்டங்களும்‌ நடந்துகொண்டுதானிருக்கிறன என்பதை சீமான்‌ நினைவில்‌ கொள்ளவேண்டும்‌. அந்த போராட்டங்களின்‌ பயனாகவே இன்று பெண்கள்‌ அரசியல்‌ உள்ளிட்ட பல்வேறு துறைகளில்‌ தங்களது வெற்றிகரமான பங்களிப்பை செலுத்தி வருகிறார்கள்‌. பல்வேறு உளவியல்‌, சமூக, பொருளாதாரத்‌ தடைகளைத்தாண்டி பொதுவாழ்விற்கு வரும்‌ பெண்கள்‌ கண்ணியத்துடனும்‌, மரியாதையுடனும்‌, பாதுகாப்புடனும்‌ நடத்தப்படவேண்டும்.‌ அப்படியில்லாமல்‌ பெண்களிடம்‌ முறைகேடாக நடந்துகொள்பவர்கள்‌ கண்டிக்கப்படவேண்டும்‌. தண்டிக்கப்படவேண்டும்‌. இதுதான்‌ ஒரு நாகரிகமான சமூகத்தின்‌ கடமை. அந்த கடமையைத்‌ தான்‌ தமிழ்சமூகம்‌ சரிவர செய்துவருகிறது. பெண்களிடம்‌ முறைகேடாக நடந்துகொள்ளும்‌ அயோக்கியர்களையும்‌, அவர்களை அப்பட்டமாக ஆதரிப்பவர்களையும்‌ தமிழ்‌ சமூகம்‌ ஒருபோதும்‌ ஏற்றுக்கொள்ளாது. இதுதான்‌ சீமான்‌ போன்றவர்களுக்கு உறுத்துகிறது. சீமான்‌ மீதும்‌ கடந்த காலத்தில்‌ இதுபோன்ற பாலியல்‌ குற்றச்சாட்டுகள்‌ எழுந்திருக்கின்றன. பாதிக்கப்பட்ட பெண்‌ காவல்‌ நிலையத்தில்‌ புகார்‌ அளித்துள்ளார்‌. தனது குற்றத்தை மறைக்கவே சீமான்‌ ராகவனின்‌ பாலியல்‌ குற்றத்தை வெளிப்படையாக ஆதரிக்கிறாரோ என்கிற சந்தேகம்‌ எழுகிறது. மேலும்‌ சீமான்‌ பாஜகவின்‌ B டீம் என்பதை மீண்டும்‌, ஒருமுறை உறுதிப்படுத்தியிருக்கிறார்‌. எப்படியிருந்தாலும்‌ சீமானின்‌ இந்த செயல்‌ வெட்கக்கேடானது. சீமான்‌, கேடி. ராகவன்‌ போன்றவர்களின்‌ வளர்ச்சி தமிழ்நாட்டு பெண்களுக்கு பேராபத்தை விளைவிக்கும்‌. தமிழகம்‌ குறிப்பாக தமிழகத்தின்‌ எதிர்காலமான இளைஞர்களும்‌,மாணவர்களும்‌ இப்போதாவது சீமானின்‌ பொய்‌ முகத்தைப்‌ புரிந்து கொண்டு அவரைப்‌ புறக்கணிக்க வேண்டும்‌. அதுவே நாம்‌ தமிழ்ச்‌ சமூகத்திற்கு செய்யும்‌ பெருந்தொண்டு'' என்று தெரிவித்துள்ளார். இதையும் படிக்கலாமே: "உலகில் நடக்காத ஒன்றையா கே.டி.ராகவன் செய்துவிட்டார்?" - சீமான் ஆவேசம்
http://dlvr.it/S6fHwt

Read More