மீண்டும் கலவரப் பூமியான இலங்கை - மகிந்தாவை தொடர்ந்து அதிபர் கோட்டாபய தப்பியோட்டம்

இலங்கை அதிபர் கோட்டபய ராஜபக்ச பதவி விலக வலியுறுத்தி கொழும்புவில் மாபெரும் போராட்டம் நடைபெற்று வரும் நிலையில், அவரது மாளிகையில் இருந்து அதிபர் கோட்டாபய தப்பியோடிவிட்டதாக தகவல்கள் வெளியாகியுள்ளன. இலங்கையில் வரலாறு காணாத பொருளாதார நெருக்கடி ஏற்பட்டுள்ளது. இதனால் அங்கு அத்தியாவசிய பொருட்களின் விலை, சாமான்ய மக்களை மட்டுமின்றி அனைத்து தரப்பினரையும் பாதிக்கும் வகையில் கடும் விலையேற்றத்துடன் காணப்படுகிறது. இதையடுத்து ராஜபக்சே சகோதரர்கள் பதவி விலகக் கோரி தினந்தோறும் மக்கள் போராடி வருகின்றனர். இந்தப் போராட்டம் தீவிரமடைந்து கலவரமானதை அடுத்து கடந்த மே மாதம் 9-ம் தேதி பிரதமர் மகிந்த ராஜபக்சே பதவி விலகி, திரிகோணமலையில் தஞ்சமடைந்ததாக கூறப்பட்டது. மகிந்த ராஜபச்கே வீடு உட்பட அவரது சகோதரர்களின் வீடு ம் போராட்டக்காரர்களால் தீக்கிரையாகின. இதன்பிறகு பிரதமராக ரணில் விக்ரமசிங்கே பதவியேற்றார். எனினும், அதிபர் கோட்டபய ராஜபக்சே பதவி விலக வேண்டும் என மக்கள், கிரிக்கெட் பிரபலங்கள், எதிர்க்கட்சியினர் தொடர்ந்து வலியுறுத்தி வந்தனர். இந்நிலையில், இலங்கை அதிபர் கோட்டபய ராஜபக்சே பதவி விலக வலியுறுத்தி கொழும்புவில் மாபெரும் போராட்டம் நடைபெற்று வருகிறது. ஆளும் அரசுக்கு எதிராக எதிர்க்கட்சியினர் மற்றும் கிரிக்கெட் வீரர்கள் நாடு முழுவதும் போராட்டத்தில் ஈடுபட்டு வருகின்றனர். இதையடுத்து மாளிகையில் இருந்து இலங்கை அதிபர் கோட்டாபய ராஜபக்சே தப்பியோடிவிட்டதாக தகவல்கள் வெளியாகியுள்ளனர். மேலும் ஆர்ப்பாட்டக்காரர்கள் தடைகளை தாண்டி அதிபர் மாளிகை அருகே திரண்டுள்ளனர். அத்துடன் ஆயிரக்கணக்கான பொதுமக்கள் கையில் 'கோ கோட்டா' என்ற வாசகங்கள் அடங்கிய பதாகைகளை ஏந்தியபடி கொழும்பு நோக்கி வந்த வண்ணம் உள்ளனர். ‘முழுநாடும் கொழும்புக்கு’ என்ற தலைப்பில் தங்களது பகுதிகளில் இருந்து மக்கள் கொழும்பு நோக்கி பேரணியாக வருவதால் போக்குவரத்து சேவை பாதிக்கப்பட்டுள்ளது. அதிபர், பிரதமர் மற்றும் அவர்களின் அரசு உடனடியாக பதவி விலக வேண்டும் என்று போராட்டத்தில் ஈடுபட்டுள்ளவர்கள் கோரிக்கை விடுத்துள்ளனர். இதன்காரணமாக கொழும்பு கோட்டை பகுதியில் காவல், அதிரடிப்படை மற்றும் ராணுவத்தினரும் குவிக்கப்பட்டுள்ளனர். இதற்கிடையில் கூட்டத்தை கலைக்க காவல்துறையினர் கண்ணீர் புகைக்குண்டுகளை வீசினர். இதில் பொதுமக்கள் 33 பேர் பாதிக்கப்பட்டுள்ளதாக சொல்லப்படுகிறது. இதனால் இலங்கை மீண்டும் கலவரப்பூமியாக மாறியுள்ளது.
http://dlvr.it/STcdbC

Read More

'குலசேகரபட்டினத்தில் நவீன வசதிகளுடன் ராக்கெட் ஏவுதளம்' - மயில்சாமி அண்ணாதுரை

உலக அளவில் நவீன வசதிகளுடன் குலசேகர பட்டினத்தில் அமைய உள்ள ராக்கெட் ஏவுதளம் மூலம் உருவாகும் வேலை வாய்ப்பை தமிழக இளைஞர்கள் பயன்படுத்தி கொள்ள வேண்டும் என மயில்சாமி அண்ணாதுரை பேசினார். கலைஞர் கணினி கல்வியகத்தின் சான்றிதழ் வழங்கும் விழா மற்றும் சைதாப்பேட்டை தொகுதியில் 12 ஆம் வகுப்பில் 500-க்கு மேல் மதிப்பெண் பெற்ற சுமார் 200 மாணவ, மாணவிகளுக்கு 2000 ரூபாய் ஊக்கத் தொகை வழங்கும் விழா சென்னை மேற்கு மாம்பலத்தில் உள்ள திருமண மண்டபத்தில் நடைபெற்றது. இந்நிகழ்ச்சியில் மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்ரமணியன், இந்திய விஞ்ஞானி மயில்சாமி அண்ணாதுரை, மற்றும் நடிகர் ராகவா லாரன்ஸ் உள்ளிட்டோர் பங்கேற்று சான்றிதழ் மற்றும் உதவித் தொகையை வழங்கினர். இந்த நிகழ்ச்சி அமைச்சர் மா.சுப்ரமணியன் பேசும்போது... சைதாப்பேட்டை தொகுதியில் 102 தேர்வில் 500 மதிப்பெண்களுக்கு மேல் எடுத்து பொறியியல், மருத்துவம், கலை மற்றும் அறிவியல் கல்லூரிகளில் சேரும் வாய்ப்பு கிடைத்து கல்வி கட்டணம் செலுத்த முடியாத சூழலில் மாணவர்கள் யாரேனும் இருந்தால் கலைஞர் கணினி கல்வியகத்திடம் தகவல் தெரிவிக்கலாம். அவர்களுக்கான கல்வி கட்டணம் செலவை ஏற்று மாணவர்கள் கல்வி தொடர உறுதுணையாக இருப்போம் என தெரிவித்தார். இதைத் தொடர்ந்து பேசிய நடிகர் ராகவா லாரன்ஸ்... அறிவில் வளர்ச்சிக்கு மயில்சாமி அண்ணாதுரை சிறப்பு பங்கு வகித்திருக்கிறார். கல்விக்கான சமூக பணியை அனைவரும் தொடர வேண்டும் என்றார். இதையடுத்து விஞ்ஞானி மயில்சாமி அண்ணாதுரை பேசும் போது... இந்தியாவில் அறிவியலை காண்பிக்க ஒரே காரணம் கல்விதான். கல்வி என்பது இப்போது பல பரிணாமம் அடைந்து வருகிறது. எழுத படிக்கத் தெரிந்தால் கல்வி என்று முன்னர் இருந்தது ஆனால், இப்போது கணினி கல்வி எல்லா துறையிலும் முக்கிய தேவையாக இருக்கிறது. உலகத்தரமான ராக்கெட் ஏவுதளம் தூத்துக்குடி மாவட்டம் குலசேகப்பட்டிணத்தில் வர இருக்கிறது. கணினி, அறிவியல் படித்த இளைஞர்களுக்கு இதன் மூலம் அதிக வேலை வாய்ப்பு வரும். நம் இளைஞர்கள் இதனை பயன்படுத்தி கொள்ள வேண்டும். செவ்வாய் கிரகத்தை அடைய அமெரிக்கா, ரஷ்யா பல முறை முயற்சித்து தான் ஜெயிச்சது. சைனா, ஜப்பானால் ஜெயிக்க முடியல, ஆனால், இந்தியா முதல் முயற்சியிலேயே செவ்வாய் கிரகத்தை அடைந்தோம். அதற்கு காரணம் நமது அறிவியல் மற்றும் கிரக அமைப்புகளின் முயற்சியே, இப்போது கல்வி திறன் மேம்பாடு நல்ல வளர்ச்சி அடைந்து வருகிறது. இதனை நம் இளைஞர்கள் பயன்படுத்திக் கொள்ள வேண்டும். வேடிக்கை பார்ப்பவர்களாக இல்லாமல் சாதிப்பவர்களாக நம் இளைஞர்கள் இருக்க வேண்டும் என்றார்.
http://dlvr.it/STcdPV

Read More

சொந்த மாவட்டத்திலேயே காலியாகும் ஓபிஎஸ் கூடாரம் - மேலும் 9 பேர் ஈபிஎஸ்க்கு ஆதரவு

ஓ.பி.எஸ். ஆதரவு பொதுக்குழு உறுப்பினர்கள் 9 பேர் இன்று, ஈ.பி.எஸ்.-க்கு ஆதரவு தெரிவித்தனர். இதன்மூலம், ஈ.பி.எஸ். ஆதரவு பொதுக்குழு உறுப்பினர்களின் எண்ணிக்கை 2452 ஆக உயர்ந்துள்ளது. ஓபிஎஸ் ஆதரவு பொதுகுழு உறுப்பினர்கள் எண்ணிக்கை மேலும் குறைந்துள்ளது. அ.தி.மு.க. ஒற்றைத்தலைமை விவகாரம் உச்சம் பெற்றிருக்கக் கூடிய நிலையில், கடந்த 23-ம் தேதி நடைபெற்ற பொதுக்குழுவின் பொழுது, ஈ.பி.எஸ்.-க்கு 2,190 பொதுக்குழு உறுப்பினர்கள் ஆதரவு தெரிவித்திருந்தனர். இதனைத் தொடர்ந்து, ஓ.பி.எஸ். ஆதரவு நிலைபாட்டில் இருந்த உறுப்பினர்கள் படிப்படியாக ஈ.பி.எஸ். ஆதரவு நிலைக்கு திரும்பினர். நேற்று வரை ஈ.பி.எஸ்.-க்கு, 2,443 பேர் ஆதரவு தெரிவித்திருந்தனர். இதனைத் தொடர்ந்து, இன்று ஓ.பி.எஸ்.ஸின் சொந்த மாவட்டமான தேனியில் இருந்து மேலும் 9 பொதுக்குழு உறுப்பினர்கள் எடப்பாடி பழனிச்சாமியை சந்தித்து ஆதரவு தெரிவித்தனர். இதன்மூலம் ஈ.பி.எஸ். ஆதரவு எண்ணிக்கை 2,452 ஆக அதிகரித்தது. இதனால் ஓ.பி.எஸ். ஆதரவு எண்ணிக்கை மேலும் குறைந்தது. தேனி மாவட்ட பொருளாளர் சோலை ராஜா, மகளிர் அணி செயலாளர் தனலட்சுமி, கம்பம் முன்னாள் ஒன்றிய செயலாளர் இளையநம்பி உள்ளிட்டோர் முன்னாள் எம்ல்ஏ எஸ்.டி.கே.ஜக்கையன் தலைமையில் ஆதரவு தெரிவித்தனர். இதுவரை தேனி மாவட்டத்தில் மொத்தமுள்ள 62 பொதுக்குழு உறுப்பினர்களில் 42 பேர் எடப்பாடி பழனிச்சாமிக்கு ஆதரவு தெரிவித்துள்ளனர். 
http://dlvr.it/STcdPT

Read More

”இதுக்கு எங்க அம்மாதான் சரிப்பட்டு வருவாங்க” -சம்பள பேரம் குறித்த டெக்கியின் வைரல் போஸ்ட்!

வேலைக்காக நேர்காணல் சென்ற அலுவலகங்களில் வைத்த எல்லா டெஸ்ட்டிலும் பாஸ் ஆனாலும், சம்பளம் விஷயமாக பேசும் போதும் எல்லாருக்குமே திக் திக் என்றே இருக்கும். அப்படியான சூழலில் நம் வீடுகளில் உள்ள அம்மாக்கள் போன்றோர் சம்பளம் குறித்து பேரம் பேசினால் எப்படி இருக்கும் என நினைத்து பார்த்திருக்கிறீர்களா? இயல்பாகவே அம்மாக்கள் வியாபாரிகளிடம் பேரம் பேசி பொருட்களை வாங்குவதில் கெட்டிக்காரர்களாகவே இருப்பார்கள். அவர்களது அந்த திறமைக்கு பிசினஸ் மேனேஜ்மெண்ட் படித்தவர்களோடவே போட்டியிடலாம் போலவே என எண்ண வைக்கும். அந்த வகையில், LinkedIn தளத்தில் நிதேஷ் என்ற டெக்கி ஒருவரின் பதிவு இணையவாசிகளிடையே படு வைரலாகியிருக்கிறது. அம்மாக்களின் திறமை டெக் உலகின் குறைத்து மதிப்பிடப்பட்ட திறன் என்பதை குறிக்கும் வகையில், #underrated_skill_in_tech என்ற ஹேஷ்டேக்கை இட்டு, அவரது பதிவில், “சம்பளம் குறித்த பேச்சுவார்த்தைக்கு என்னுடைய அம்மாவை அழைத்து வரட்டுமா? இந்த மாதிரியான விவகாரங்களை அவங்கதான் நல்லா டீல் பன்னுவாங்க” எனக் குறிப்பிட்டிருக்கிறார். LinkedIn தளத்திலேயே இந்த பதிவு 1600க்கும் அதிகமானோரால் ஷேர் செய்யப்பட்டுள்ளதோடு, பலரும் நிதேஷின் இந்த பதிவுக்கு கமெண்ட் செய்து வருகிறார்கள். அதில், “அம்மாக்கள் மட்டும் சம்பள பேச்சுவார்த்தைக்கு வந்தா HR மயங்கி விழுந்துடுவாரு” , “அம்மாக்கள் நிச்சயமாக சிறப்பாக பேரம் பேசி முடிக்கக் கூடியவர்கள்” என நெட்டிசன்கள் பதிவிட்டிருக்கிறார்கள்.
http://dlvr.it/STcJf8

Read More

அமர்நாத் புனித யாத்திரை: மேக வெடிப்பு... திடீர் வெள்ளப்பெருக்கு - 13 பேர் பலி, 48 பேர் படுகாயம்

ஜம்மு காஷ்மீர் மாநிலத்தின் பிரசித்திபெற்ற அமர்நாத் குகை பனிலிங்கத்தை தரிசிக்க ஆண்டுதோறும் பொதுமக்கள் புனித யாத்திரை மேற்கொள்வது வழக்கம். இதில், இந்த ஆண்டுக்கான புனித யாத்திரை கடந்த மாதம் 30-ம் தேதி தொடங்கியது. மேலும், இந்தப் புனித யாத்திரை அடுத்த மாதம் 11-ம் தேதி வரை இருக்கும் எனவும் தெரிவிக்கப்பட்டிருந்தது. அதைத் தொடர்ந்து, அமர்நாத் பனிலிங்கத்தை தரிசிக்க ஏராளமான எண்ணிக்கையில் மக்கள் நாளும் வந்துகொண்டிருந்தனர். இதில் மோசமான வானிலை காரணமாக நேற்று முன்தினம் வரை இரண்டு நாள்களாகப் புனித யாத்திரை நிறுத்திவைக்கப்பட்டிருந்தது. பின்னர் வானிலை சரியானதையடுத்து புனித யாத்திரை நேற்று தொடங்கியிருந்த நிலையில், அமர்நாத் குகை அருகே மாலை 5:30 மணியளவில் மேக வெடிப்பு காரணமாக கொட்டிய கனமழையால் வெள்ளப்பெருக்கு ஏற்பட்டது. Situation near Amarnath cave after yesterday cloud burst. 16 feared dead till now... #AmarnathYatra pic.twitter.com/zgUU4rgD7P— snehanshu shekhar (@snehanshus) July 9, 2022 இந்த வெள்ளப்பெருக்கில், அந்தப் பகுதியில் அமைக்கப்பட்டிருந்த பக்தர்கள் முகாம்கள் பல அடித்துச்செல்லப்பட்டன. இதில், எதிர்பாராதவிதமாக 13 பேர் பரிதாபமாக உயிரிழந்தனர். மேலும், 48 பேர் படுகாயமடைந்த நிலையில் சிகிச்சை பெற்றுவருகின்றனர். இந்திய ராணுவத்தின் மீட்புக்குழுவால் தொடர்ந்து அங்கு மீட்புப் பணிகள் நடந்துவருகின்றன. இது குறித்து இந்திய ராணுவம், `இதுவரையில் ஆறு குழுக்கள் மீட்புப்பணியில் ஈடுபட்டன. மேலும் சம்பவ இடத்துக்குக் கூடுதலாக இரண்டு மருத்துவக்குழுக்களும் அனுப்பப்பட்டிருக்கின்றன. அதுமட்டுமல்லாமல், பட்டான், ஷரிபாபாத் ஆகிய இடங்களிலிருந்து இரண்டு தேடுதல் மற்றும் மீட்பு நாய்ப் படைகள் விமானம் மூலம் பஞ்சதர்னி மற்றும் புனித குகைக்கு அனுப்பப்பட்டிருக்கின்றன’ எனத் தெரிவித்திருக்கிறது.அஸ்ஸாம்: தொடரும் கனமழை; மிதக்கும் 30 மாவட்டங்கள்; தவிக்கும் 45 லட்சம் மக்கள் - வெள்ள பாதிப்புகள்
http://dlvr.it/STcJbl

Read More

’Corona Be Like: என்ன கொஞ்சம் திரும்பி பாருங்க’ : ஆஃபருக்காக மாலில் குவிந்த கேரளாட்டீஸ்!

முன்பெல்லாம் தள்ளுபடி என்றாலே ஆடி தள்ளுபடிதான் நினைவுக்கு வரும். ஆனால் தற்போது மாதத்திற்கு ஒரு தள்ளுபடி, சீசனுக்கு ஒரு தள்ளுபடி என காணும் இடமெல்லாம் தள்ளுபடியாய் அறிவிப்பதால் கொரோனா உட்பட எந்த நோய் பரவல் குறித்த அச்சமும், தெளிவும் இல்லாமல் மக்கள் கூட்டமும் அதிகரித்து கொண்டே போகிறது. அந்த வகையில் கேரளாவின் பிரபல லுலு மாலில் Midnight sale என்ற பெயரில் கிட்டத்தட்ட மாலில் உள்ள அனைத்து கடைகளிலும் 50 சதவிகிதம் தள்ளுபடி என அறிவிக்கப்பட்டிருக்கிறது. Midnight sale at Lulu, Trivandrum. Kerala Govt declared 3310 positive cases today. pic.twitter.com/605RKJS36E —  Sreenivas || ஸ்ரீநிவாஸ் (@i_sreenivas) July 7, 2022 இதனை அறிந்த ஆயிரக்கணக்கான மக்கள் பலரும் ஆஃபரில் பொருட்களை வாங்குவதற்காக லுலு மாலுக்கு படையெடுத்திருக்கிறார்கள். அது தொடர்பான வீடியோக்கள் பலவும் இன்ஸ்டாகிராம், ட்விட்டர் என அனைத்து சமூக வலைதளங்களிலும் பகிரப்பட்டு பலரது கண்டனத்திற்கும் ஆளாகியுள்ளது. ஏனெனில், அண்மை நாட்களாக இந்தியாவில் கொரோனாவால் பாதிக்கப்படுவோரின் எண்ணிக்கையும், அதனால் உயிரிழப்போரின் எண்ணிக்கையும் தினந்தோறும் அதிகரித்து வருவதால், மத்திய மாநில அரசுகள் சார்பில் மீண்டும் கட்டுப்பாடுகளை விதிப்பது தொடர்பான ஆலோசனைகள் மேற்கொள்ளப்பட்டு வருகிறது. குறிப்பாக கேரளாவில் நாள் ஒன்றுக்கு மூன்றாயிரத்துக்கும் அதிகமானோர் கொரோனாவால் பாதிக்கப்பட்டு வரும் நேரத்தில் லுலு மால் நிர்வாகம் மிட்நைட் சேல் என்ற பெயரில் எண்ணிலடங்கா மக்கள் கூட்டத்தை சேர்த்திருந்தது பலரையும் முகம் சுழிக்கச் செய்திருக்கிறது. Irresponsible from @LuLuGroup_India to arrange such a 50% off promotion with such large crowds with no safety protocols when #COVID19 still at large in Kerala & India .God knows what's going to happen in the coming weeks #Lulumall #midnightsale @AsianetNewsML @manoramanews pic.twitter.com/sVtdbdnHZJ — STG (@suvin64) July 7, 2022 இதனை கண்ட இணையவாசிகள் பலரும் கேரளாவின் கருப்பு நாள் இது என்றும், கொரோனா பரவல் முற்றுப்பெறாத நிலையில் லுலு மால் நிர்வாகம் இத்தகைய அறிவிப்பை விடுத்தது பொறுப்பற்ற நிலையையே காட்டுகிறது எனவும் காட்டமாக குறிப்பிட்டிருக்கிறார்கள். இதனிடையே “எந்த ஒரு டிராஃபிக் கெடுபிடிகளும் இல்லாமல் இரவு நேர ஷாப்பிங்கில் மக்களுக்கு நிம்மதியாக இருக்கும் என்ற எண்ணத்தோடுதான் இந்த மிட்நைட் ஷாப்பிங் திட்டத்தை முன்னெடுத்தோம்” என லுலு மால் நிர்வாகத்தின் மண்டல இயக்குநர் ஜோய் ஷந்தானன்ந்தன் கூறியிருக்கிறார்.
http://dlvr.it/STYcgH

Read More

`கொறடா நியமனத்தில் கொஞ்சம் கவனமாக இருந்திருந்தா' -போரிஸ் ஜான்சன் பதவி விலகலுக்கு இதானா?

பிரிட்டன் பிரதமர் பதவியிலிருந்து போரிஸ் ஜான்சன் விலகியுள்ளார். இந்த பதவி விலகலின் பின்னணி நாம் அறியவேண்டிய வரலாறென்றே சொல்லலாம். ஏனென்பதற்கான விடையே, இந்த கட்டுரை உங்களுக்கு சொல்லும்!  அமெரிக்காவின் நியூயார்க் நகரில் வசித்த பிரிட்டன் பெற்றோர்களுக்கு பிறந்தவர் அலெக்சாண்டர் போரிஸ் ஜான்சன். ஆரம்பத்தில் பத்திரிகையாளராக வாழ்க்கையைத் தொடங்கிய போரிஸ் ஜான்சன், தி டைம்ஸ், டெலிகிராஃப், தி ஸ்பெக்டேடர் உள்ளிட்ட பத்திரிகைகளில் முக்கிய பொறுப்புகளை வகித்தார். இதன் பின் 2001ஆம் ஆண்டு போரிஸ் ஜான்சனின் அரசியல் பாதைக்கு தடம் மாறினார். 2001 முதல் 2008 வரை நாடாளுமன்ற உறுப்பினராக இருந்த போரிஸ் ஜான்சன் சிறிது இடைவெளிக்கு பின் 2015ஆம் ஆண்டிலிருந்து அப்பதவியில் தொடர்கிறார். இக்கால கட்டத்தில் லண்டன் மேயராகவும் 8 ஆண்டு காலம் பதவி வகித்தார் போரிஸ் ஜான்சன். ஐரோப்பிய யூனியனிலிருந்து பிரிட்டன் வெளியேறுவதற்கு ஆதரவாக தீவிர பரப்புரையையும் அவர் முன்னெடுத்தார். இதன் பலனாக மக்கள் மத்தியில் மிகவும் பிரபலமான ஜான்சன் 2019ஆம் ஆண்டு பிரிட்டன் பிரதமராக உயர்ந்தார். ஆனால் இவரது பதவிக்காலம் சர்ச்சைகள் நிறைந்ததாகவே இருந்தது. கொரோனா கட்டுப்பாடுகளை மீறியதற்காக பிரதமர் போரிஸ் ஜான்சனுக்கு நோட்டீஸ் அனுப்பப்பட்டது. பிரிட்டன் பிரதமர் ஒருவர் இதுபோன்ற அவமதிப்புக்கு ஆளானது அதுவே முதல்முறை. இதன் பின் அடுத்தடுத்து அரசியல் சுழல்களில் சிக்கிய இவர் கடந்த ஜூன் மாதம் நம்பிக்கையில்லா தீர்மானத்தில் தப்பிப் பிழைத்தார். இந்நிலையில் பல்வேறு குற்றச்சாட்டுகளில் சிக்கிய கிறிஸ் பிஞ்ச்சர் என்பவரை துணை தலைமை கொறடாவாக நியமித்ததால் போரிஸ் ஜான்சனுக்கு எதிராக அமைச்சர்களும் அதிகாரிகள் கொதித்தெழுந்தனர். ரிஷி சுனாக், சஜித் ஜாவித் என அமைச்சர்கள் வரிசையாக விலகிய நிலையில் மூத்த அதிகாரிகள் ராஜினாமா செய்தனர். இதனால் போரிஸ் ஜான்சன் பதவி விலக பல்வேறு தரப்புகளில் இருந்து நெருக்கடி அதிகரித்தது. இதைத் தொடர்ந்து வேறு வழியின்றி பிரதமர் நாற்காலியிலிருந்து இறங்கியுள்ளார் போரிஸ் ஜான்சன்.
http://dlvr.it/STYcHg

Read More