``தியேட்டருக்கு வரும் வழியில் பள்ளம் உண்டு" கேரள அரசியலில் புயலைக் கிளப்பிய சினிமா!

குஞ்சக்கோ போபன் கதாநாயகனாக நடித்துள்ள 'ந்நா தான் கேஸ் கொடு' என்ற மலையாள சினிமா இன்று தியேட்டர்களில் ரிலீஸ் ஆகியிருக்கிறது. அதில் சாலையில் உள்ள ஆபத்தான பள்ளங்கள் குறித்து அமைச்சருக்கு எதிராக கோர்ட்டில் வழக்கு தொடருவதுபோன்ற காட்சிகள் இடம்பெற்றுள்ளன. இதற்கிடையே இன்று இந்த சினிமா குறித்த விளம்பரத்தில் "தியேட்டருக்கு போகும் வழியில் பள்ளம் உண்டு, ஆனாலும் வரவேண்டும்" என்ற குறிப்பும் இடம்பெற்றுள்ளது. கடந்த சில வாரங்களாக கேரளாவில் பெய்த மழையால் சாலைகள் குண்டும் குழியுமாக இருப்பது பற்றி புகார்கள் எழுந்துள்ள இந்த சமயத்தில், குஞ்சக்கோ போபன் சினிமா விளம்பரம் அரசியலில் கடும் விவாதத்தைக் கிளப்பியிருக்கிறது. சமூக வலைதளங்களில் சினிமாவுக்கு ஆதரவான கருத்துகளும், குஞ்சக்கோ போபனுக்கு எதிரான கருத்துக்களுமாக அனல் பறக்கும் விவாதங்கள் நடந்துவருகின்றன. ஆளும் CPM கட்சியைச் சேர்ந்தவர்கள் சினிமாவுக்கு எதிராகவும், எதிர்கட்சியினர் ஆதரவாகவும் கருத்துக்களை பகிர்ந்து வருகின்றனர்.'ந்நா தான் கேஸ் கொடு' சினிமா விளம்பரம் இந்த சினிமா குறித்து பேசிய கேரள எதிர்கட்சி தலைவர் சதீசன் "சி.பி.எம் கட்சியின் நாளேடான தேசாபிமானி-யில் முதல் பக்கத்தில் இந்த சினிமா விளம்பரம் வந்துள்ளது. தங்கள் பகுதியில் உள்ள குழிகளின் பொதுமக்கள் போட்டோ எடுத்து சமூக வலைத்தளங்களில் பதிவேற்றம் செய்து வருகின்றனர். பள்ளங்களால் விபத்து ஏற்பட்டு பலருக்கு கைகள் முறிந்த நிலை ஏற்பட்டுள்ளது. சினிமாவை சினிமாவாக பார்க்க வேண்டும்" என்றார். இதுபற்றி கேரளா பொதுப்பணித்துறை அமைச்சர் முகம்மது ரியாஸ் கூறும்போது, "சினிமாவின் விளம்பரத்தையும் சினிமாபோல பார்த்தால் போதும். சாலைகளை மேம்படுத்த பல்வேறு திட்டங்கள் வகுக்கப்பட்டுள்ளன. முதலில் வடிகால் ஓடைகள் அவசியம். அப்போதுதான் சாலைகள் மோசமாவது தடுக்கப்படும். இரண்டாவதாக காலநிலையால் சாலைகள் மோசமடைகின்றன. அதற்காக புதிய டெக்னாலஜி குறித்து ஆலோசித்து வருகிறோம். விமர்சனங்களையும், ஆலோசனைகளையும் வரவேற்கிறோம். ஆலோசனைகளுக்காக பொதுப்பணித்துறை புதிய நடைமுறையை கொண்டுவர உள்ளது" என்றார்.'ந்நா தான் கேஸ் கொடு' சினிமாவில் குஞ்ஞாக்கோ போபன் தனது சினிமா விளம்பரம் சர்ச்சையானதை அடுத்து செய்தியாளர்களைச் சந்தித்த குஞ்சக்கோ போபன், "இந்த சினிமாவில் பள்ளம் கதையின் கருவாக அமைந்துள்ளது. அந்த பள்ளம் எப்படி ஒரு தொழிலாளியை பாதித்தது என்பதை நகைச்சுவையாகச் சொல்லியிருக்கிறோம். இது ஒரு அரசையோ, அரசியல் கட்சியையோ மனதில் வைத்து எடுக்கப்பட்ட சினிமா அல்ல. இந்த சினிமாவின் கரு எத்தனையோ ஆண்டுகளுக்கு முன்பு உருவானது. அதிலும் தமிழ்நாட்டில் நடந்த ஒரு பிரச்னையை மையமாக வைத்தே நாங்கள் சினிமா எடுத்துள்ளோம். அப்படி பார்த்தால் தமிழ்நாடு அரசுக்கு எதிரான சினிமா என விமர்ச்சிப்பார்களோ. இது வரை செய்யாத நல்ல சினிமா செய்துள்ளேன். எனவே அதை நல்லதாகப் பாருங்கள், சர்ச்சையாக்காதீர்கள்" என்றார்.
http://dlvr.it/SWSL7f

Read More

`பழங்குடியின மக்களின் பாடலை உலகின் கவனத்துக்குக் கொண்டுசென்றவர் நஞ்சியம்மா!' - பினராயி விஜயன்

உலக பழங்குடியின தினத்தை முன்னிட்டு, திருவனந்தபுரத்தில் நடந்த நிகழ்ச்சியில் கேரள முதல்வர் பினராயி விஜயன் கலந்துகொண்டார். அந்த நிகழ்ச்சியில் சிறந்த பின்னணி பாடகருக்கான தேசிய சினிமா விருது அறிவிக்கப்பட்ட பழங்குடியின பாடகி நஞ்சியம்மாளுக்கு முதல்வர் பினராயி விஜயன் பரிசு வழங்கினார். இந்த நிகழ்ச்சியில் பேசிய நஞ்சியம்மா, "எனது மனமும், கண்களும் நிறைந்தன. நம் முதல்வருக்கும், மக்களுக்கும் நன்றி. இது மக்கள் எனக்கு அளித்த விருது. நான் கஷ்டப்பட்டு வாங்கியது அல்ல. எனது பாட்டை இனியும் நான் உங்களுக்குத் தருவேன். இன்னும் எங்கள் மக்கள் வெளியே தெரியாமல் உள்ளே இருக்கிறார்கள். அவர்களை அரசு வெளியே கொண்டுவர வேண்டும். என் பாட்டு பிடித்தால் எடுத்துக் கொள்ளுங்கள் என இயக்குநர் சச்சி சாரிடம் சொன்னேன். எனக்கு பேசவும், பாடவும் நிறைய இருக்கிறது. பல நிகழ்ச்சிகளுக்குச் சென்றதால் என் குரல் போய்விட்டது. என்னை மன்னித்துவிடுங்கள்" என்றவர் ’களக்காத்தா சந்தணமேரா...’ பாடலை மேடையில் பாடினார். மேடையில் இருந்த வி.ஐ.பிகளும் அங்கு கூடியிருந்தவர்களும் தாளம்போட்டு பாடலை ரசித்தனர்.நஞ்சியம்மாவுக்கு நினைவு பரிசு வழங்கும் முதல்வர் பினராயி விஜயன்"சினிமாவில் எனது குரலை ஒலிக்க வைத்தது சச்சி சார்தான்!"- தேசிய விருது பெற்ற நஞ்சியம்மா நெகிழ்ச்சி இந்த நிகழ்ச்சியில் பேசிய முதல்வர் பினராயி விஜயன், "உலகத்தில் உள்ள 48 கோடி பழங்குடியின மக்களின் பாரம்பர்யத்தையும், சரித்திர வரலாற்றையும் வரும் தலைமுறைக்குக் கொண்டுசெல்ல வேண்டும். அதன் முக்கியத்துவத்தை கருத்தில் கொண்டே உலகம் இந்த முறை பழங்குடியின தினத்தை கொண்டாடுகிறது. பழங்குடியின பாடகி நஞ்சியம்மாவை நாம் பாராட்டியுள்ளோம். ஒவ்வொரு மக்களுக்கும், ஒவ்வொரு நாட்டுக்கும் அதற்கான இசையும், பாடலும் உண்டு. கேரள பழங்குடியின மக்களின் பாரம்பர்ய பாடலை உலகின் கவனத்துக்கு கொண்டு சென்றவர் நஞ்சியம்மா. பழங்குடியின இசையை நமக்கு அறிமுகம் செய்த அவரை பாராட்டுகிறோம். சுதந்திரத்தின் 75-வது ஆண்டு கொண்டாட்டங்கள் நடக்கும் சமயத்தில், இந்திய அரசியலமைப்பு முன்வைக்கும் சமூக, பொருளாதார சமத்துவத்துவத்தை ஏற்படுத்த எவ்வளவு முடிந்தது என்பதை ஆய்வு செய்ய வேண்டும். சுதந்திர இந்தியாவில் பழங்குடியின மக்களின் வாழ்க்கை எவ்வளவு முன்னேற்றத்தை கண்டுள்ளது என்பதை மனதில் வைத்து ஆய்வு செய்ய வேண்டும். தரமான கல்வி, உயர்ந்த ஆரோக்கியம் என்ற வாசகத்தை கேரளா முன்வைக்கிறது. இந்த இரண்டு விஷயங்களில இந்தியாவில் மற்ற மாநிலங்களை விட கேரளா மிகவும் முன்னிலையில் உள்ளது. அதில் உலகத்தின் கவனத்தை ஈர்க்கும் பல செயல்பாடுகளும் உள்ளன.முதல்வர் பினராயி விஜயன், நஞ்சியம்மா பழங்குடியின மக்களின் எதிர்காலத்தை கருத்தில் கொண்டுள்ள நடவடிக்கைகளை அரசு செயல்படுத்தி வருகிறது. நம் நாட்டின் சரித்திரத்தைப் போன்று பழங்குடியின மக்களும், மக்களின் கலாசாரமும், பண்பாடும் பழமையானவை. நாடு சுதந்திரத்தின் 75-வது ஆண்டு விழாவை கொண்டாடும் இந்த சமயத்தில் பழங்குடியினத்தைச் சேர்ந்த சுதந்திர போராட்ட வீரர்களின் நினைவுகளை நிலைநிறுத்தும் விதமாக வயநாடு சுகந்தகிரியில் 20 ஏக்கரில் ஒரு டிரைபல் மியூசியம் அமைக்க நடவடிக்கை எடுத்துள்ளோம்" என்றார்.
http://dlvr.it/SWRpM4

Read More

``இந்த உணவை விலங்குகள்கூட சாப்பிடாது!" - அழுது புலம்பிய காவலர்... வைரலான வீடியோ

உத்தரப்பிரதேச மாநில காவல்துறையைச் சேர்ந்த காவலர் ஒருவர் காவல்துறை உணவகத்தில் வழங்கும் உணவு தரமில்லாமல் இருப்பதாக அழுது புலம்பும் வீடியோ சமூக வலைதளங்களில் வைரலாகி வருகிறது. உத்தரப்பிரதேசத்தின் அலிகார் பகுதியைச் சேர்ந்த மனோஜ் குமார் என்பவர் 2018-ம் ஆண்டு பேட்ச் காவலர். இவர் தற்போது ஃபிரோசாபாத் பகுதியில் பணியாற்றிவருகிறார். இந்த நிலையில், நேற்று, மனோஜ் குமார் உத்தரப்பிரதேசத்தின் ஃபிரோசாபாத்தில் காவலர்களுக்கு தரமற்ற உணவு வழங்கப்படுவதாக, காவல்துறை துணை ஆணையருக்கு (டிசிபி) எதிராகச் சாலையில் உணவுத் தட்டுடன் ஆர்ப்பாட்டத்தில் ஈடுபட்டிருக்கிறார். A UP police constable posted in Firozabad district protests against the quality of food served at the mess in police lines. He was later whisked away. A probe has been ordered. pic.twitter.com/nxspEONdNN— Piyush Rai (@Benarasiyaa) August 10, 2022 இதை அங்கிருந்த சிலர் தங்கள் மொபைலில் வீடியோ பதிவு செய்திருக்கின்றனர். இணையத்தில் வைரலாகி வரும் அந்த வீடியோவில், ``உணவுத் தரம் மிகவும் மோசமாக இருக்கிறது. விலங்குகள்கூட சாப்பிட முடியாது. இது தொடர்பாகக் காவல்துறையில் யாரும் எங்கள் புகாரைக் கேட்கத் தயாராக இல்லை. இது குறித்துப் பேசினால் எனக்கு அழுத்தம் கொடுக்கப்படுகிறது. இந்த விவகாரம் குறித்து டி.ஜி.பி-யிடம் புகார் செய்ய முயன்றபோது, ​​தொலைபேசி இணைப்பைத் துண்டிக்குமாறு கடிந்துகொள்கிறார். பணிநீக்கம் செய்துவிடுவோம் என்றும் மிரட்டுகிறார்கள். இது மாதிரியான அழுத்தங்கள் காரணமாகத்தான் காவலர்கள் பலர் தற்கொலை செய்துகொள்கிறாரகள்" எனக் குமுறுகிறார் அந்தக் காவலர் மான்ஜோ குமார். Up Police Constable Crying & Protests Against Quality Of Food Served At d Mess In Police Line – #firozabad #UPPolice . . . . . . .#Shameful #YogiAdityanath #ModiGovt #HarGharTiranga2022 #GharGharTiranga #IndiaAt75 #Congress #USA #India #Delhi #government pic.twitter.com/if7oihnGBc— Bunty.Sw (@SwBunty) August 10, 2022 இந்த வீடியோ மாநிலக் காவல்துறையில் சலசலப்பை ஏற்படுத்தியதை அடுத்து, உயரதிகாரிகள் உடனடியாக தலையிட்டு காவலர்களுக்கு வழங்கப்படும் உணவின் தரம் குறித்து விசாரணை நடத்த உத்தரவிட்டிருக்கின்றனர். அதனடிப்படையில் மாவட்ட காவல்துறையினர் விசாரித்து வருகின்றனர். தற்போது உணவின் தரம் குறித்து குற்றம்சாட்டியிருக்கும் காவலர் மனோஜ்மீது இதுவரை 15 முறை துறை ரீதியான ஒழுங்கு நடவடிக்கை மேற்கொள்ளப்பட்டிருப்பதாகக் கூறப்படுகிறது.போலீஸாரிடமே அபராதம் வசூலித்த போலி போலீஸ்... கைதுசெய்த காவல்துறை! - நடந்தது என்ன?
http://dlvr.it/SWRKdF

Read More

வீடு புகுந்து கொல்லப்பட்ட Dyfi பெண் நிர்வாகி... கைதான காதலன் - கேரளாவில் அதிர்ச்சி!

கேரள மாநிலம், பாலக்காடு சித்திலஞ்சேரி பகுதியைச் சேர்ந்தவர் சூர்யப்ரியா (24). இவர் ஆளும் கம்யூனிஸ்ட் கட்சியின் இளைஞரணி பிரிவான, இந்திய ஜனநாயக வாலிபர் சங்கத்தின் கொத்தநல்லூர் பகுதி செயலாளராக இருந்து வந்தார். கொலைசெய்யப்பட்ட சூர்யப்ரியாதிருத்தணி: திமுக பிரமுகர் வெட்டிக் கொலை - வீட்டுக்குச் சென்று கொண்டிருந்தபோது நடந்த கொடூரம் மேலும் அந்தப் பிரிவின் சார்பாக சித்திலஞ்சேரி பகுதியில சில முக்கிய குழுக்களில் உறுப்பினராகவும் இருந்தார். மேலர்கோடு பஞ்சாயத்து உறுப்பினராகவும் பொறுப்பு வகித்து வந்தார். இந்த நிலையில், இன்று காலை சூர்யப்ரியா வீட்டில் தனியாக இருந்துள்ளார். அப்போது சுஜீஸ் என்ற 27 வயது இளைஞர் வீட்டுக்குள் நுழைந்து, சூர்யப்பிரியாவை கொலைசெய்திருக்கிறார். இதையடுத்து, அவராகவே காவல் நிலையம் சென்று கொலைசெய்ததை ஒப்புக்கொண்டு சரணடைந்திருக்கிறார். கொலை அதன் பிறகுதான் கொலை சம்பவம் வெளியில் தெரிந்துள்ளது. சம்பவ இடத்துக்கு விரைந்த போலீஸார் சூர்யப்ரியாவின் உடலை மீட்டு பிரேத பரிசோதனைக்காக பாலக்காடு அரசு மருத்துவமனைக்கு அனுப்பி வைத்துள்ளனர். சூர்யப்ரியாவை கொலைசெய்ததற்கான காரணம் இன்னும் வெளியாகவில்லை. முதற்கட்ட விசாரணையில் சூர்யப்ரியா, சுஜீஸ் இருவரும் காதலித்து வந்தது தெரியவந்துள்ளது.சூர்யப்ரியா காதலித்த பெண்ணையே காதலன் கொலைசெய்திருப்பது கேரளாவில் அதிர்ச்சியை ஏற்படுத்தியுள்ளது. இதுகுறித்து போலீஸார் சுஜீஸிடம் தொடர்ந்து விசாரணை நடத்தி வருகின்றனர்.கர்நாடகா: 3 பெண்கள் மர்மக் கொலை; 4-வது கொலைக்கும் ஸ்கெட்ச்... கொலையாளி சிக்கியது எப்படி?!
http://dlvr.it/SWQcGC

Read More

அரசு தேர்வில் வெற்றி பெற்று தாய் - மகன் சாதனை!

கேரளாவில் தாயும் மகனும் அரசு பணிக்கான தேர்வில் தேர்ச்சி பெற்றிருப்பது அனைவரையும் வியப்பில் ஆழ்த்தியுள்ளது. கேரள மாநிலம், மலப்புரத்தை அடுத்த அரிகோடு என்னும் பகுதியை சேர்ந்தவர் பிந்து (42 ). இவரது மகன் பெயர் விவேக் (24). இவர்கள் இருவரும் சமீபத்தில், அரசு பணியாளர் தேர்வை எழுதி ஒன்றாக எழுதி உள்ளனர். எழுதியதுடன் மட்டுமில்லாமல், இருவரும் தேர்ச்சி பெற்றுள்ள நிலையில், தற்போது அரசு பணியிலும் அவர்கள் சேர உள்ளனர். கடந்த 10 ஆண்டுகளாக, அங்கன்வாடி ஊழியராக பணிபுரிந்து வரும் பிந்து, மகன் விவேக் பத்தாம் வகுப்பு படிக்கும் போது, அவரது புத்தகங்களை மகனுடன் சேர்ந்து வாசித்து வந்துள்ளார். அப்படி மகனின் புத்தகங்களை படித்ததே பிந்துவை அரசு தேர்வுக்கு தயாராக தூண்டி உள்ளது. இதன் பின்னர் பயிற்சி மையம் ஒன்றில் சேர்ந்து பிந்து படிக்க ஆரம்பித்துள்ள நிலையில், மகனின் கல்லூரி படிப்பிற்கு பின்னர் அவரையும் சேர்த்துள்ளார். 4 முறை அரசு பணியாளர் தேர்வு எழுதி தேர்ச்சி பெறாமல் இருந்து வந்த பிந்து, தற்போது தேர்ச்சி பெற்றுள்ளார்.இதுகுறித்து பிந்துவின் மகன் கூறுகையில், "நான் தனியாக படிப்பதையே விரும்புகிறேன். மேலும், என் அம்மா எப்போதும் படிப்பதில்லை. நேரம் கிடைக்கும்போதும், அங்கன்வாடிப் பணிகளுக்குப் பிறகும் படிப்பார். நான் முன்பு ஒரு போலீஸ் தேர்வை எழுதியிருந்தேன். துணைப் பட்டியலிலும் எனது பெயர் வந்தது. இம்முறை பப்ளிக் சர்வீஸ் தேர்வுக்கு அதிகம் படித்தேன்" என்றார்.இதையும் படிக்க: மாறிமாறி புகாரளிக்கும் கவிஞர் சினேகன்- நடிகை ஜெயலட்சுமி: என்னதான் பிரச்னை?
http://dlvr.it/SWP1x7

Read More

42 வயது அம்மாவும், 24 வயது மகனும் ஒரே நேரத்தில் அரசுத் தேர்வில் வெற்றி; வெற்றிக்கதை சொல்லும் பிந்து!

தமிழகத்தில் அரசு வேலைக்கு டி.என்.பி.எஸ்.சி தேர்வு நடத்துவது போன்று கேரளத்தில் பி.எஸ்.சி தேர்வு நடத்தி அரசு பணி வழங்கப்படுகிறது. இந்த நிலையில் சமீபத்தில் வெளியான பி.எஸ்.சி தேர்வு முடிவுகளில் 42 வயது அம்மாவும், 24 வயது மகனும் தேர்வாகி, இருவருக்கும் அரசு வேலை கிடைத்துள்ள சம்பவம் ஆச்சர்யத்தை ஏற்படுத்தி உள்ளது. கேரள மாநிலம் மலப்புறம் மாவட்டம் அரிக்கோடு பகுதியைச் சேர்ந்த பிந்து(42)-வும், அவரின் மகன் விவேக்கும்(24) பி.எஸ்.சி தேர்வு எழுதியிருந்தனர். இரண்டு வாரங்களுக்கு முன் வெளியான லாஸ்ட் கிரேட் அசிஸ்டன்ட் (எல்.ஜி.எஸ்) ரேங்க் பட்டியலில் 92-ம் ரேங்க் பெற்று அரசு வேலைக்குத் தகுதி பெற்றுள்ளார் பிந்து. சில நாள்களுக்கு முன்பு வெளியான எல்.டி.சி ரேங்க் பட்டியலில் பிந்துவின் மகன் விவேக் 38-ம் ரேங்க் பெற்று அரசு பணிக்கு தகுதிபெற்றுள்ளார். பிந்து 11 ஆண்டுகளாக அங்கன்வாடி ஆசிரியராகப் பணிபுரிந்து வருகிறார். இந்த நிலையில் பிந்துவுக்கும், அவரின் மகனுக்கும் அரசு வேலை கிடைக்க உள்ளது.குடும்பத்துடன் பிந்துகேட்கும் திறனை இழந்த பெண்: ஐ.ஏ.எஸ் அதிகாரியான மோட்டிவேஷனல் கதை! யார் தெரியுமா? இதுபற்றி பிந்து கூறுகையில், "என் மகன் 10-ம் வகுப்புப் படித்துக் கொண்டிருந்த சமயத்தில் 2014-ம் ஆண்டு என் மகனுக்கு உதவுவதற்காக நானும் படிக்கத் தொடங்கினேன். அப்போது நான் அன்றைய எல்.டி.சி தேர்வு எழுதினேன். பின்னர் 2017-ல் எல்.ஜி.எஸ்-ல் 684-வது ரேங்க் பெற்றேன். வேலை கிடைக்கும் என நான் நினைத்திருந்தேன். ஆனால் ரேங்க் லிஸ்ட் கட்டானதால் எனக்கு வேலை கிடைக்கவில்லை. மிகவும் வருத்தமாக இருந்தது. அதன் பிறகு என்னை படிக்கச் சொல்லி மகன் வலியுறுத்தி அழைத்து வந்தான். மகனின் பைக் பின்னால் அமர்ந்து கோச்சிங் சென்டருக்கு படிக்க வந்தேன். அம்மாவும் பையனும் ஒன்றாக பைக்கில் கோச்சிங் சென்டருக்கு வருவதை ஆச்சர்யத்துடன் பார்த்தார்கள். நான் ஹார்ட்வொர்க் செய்வேன், என் மகன் ஸ்மார்ட் ஒர்க் செய்வான். நான் ஏற்கெனவே அங்கன்வாடி ஆசிரியர் பணி செய்து வருகிறேன். அங்கன்வாடி ஆசிரியராக மாநில விருதும் பெற்றுள்ளேன். தினமும் காலை 9.30 மணி முதல் 4 மணி வரை எனக்கு வேலை உண்டு. அங்கன்வாடிக்கு நடந்து செல்லும்போது முந்தைய நாள் படித்ததை சிறு குறிப்பு எடுத்த பேப்பரை கையில் வைத்திருப்பேன். அதை படித்தபடி செல்வேன். அங்கன்வாடி சென்று சேரும் முன் அது மனப்பாடம் ஆகிவிடும். நான் பி.எஸ்.சி எழுத தொடங்கும்போது 10-ம் வகுப்புதான் படித்திருந்தேன். அதன் பிறகுதான் 12-ம் வகுப்பு தேர்வு எழுதினேன். எனவே படிப்போ, வயதோ வெற்றிக்கு தடை இல்லை. நாம் மனது வைத்தால் எல்லாம் நடக்கும். நாம் எவ்வளவு முயற்சி எடுக்கிறோமோ அவ்வளவு சீக்கிரம் வெற்றி கிடைக்கும். முயற்சி செய்யுங்கள், முயன்றால் எப்படியும் வெற்றி கிடைக்கும்" என்றார்.ஒரே சமயத்தில் அரசு வேலை கிடைத்த அம்மாவும், மகனும்பெண்கள் மீதான வன்முறைகளைப் பேசும் `கோமாளிகள்' - அனுபவங்களை பகிரும் இயக்குனர் வெற்றி!   அம்மாவுடன் தேர்வுக்குத் தயாராகி வெற்றியும் பெற்ற விவேக் கூறுகையில், "எனது முதல் முயற்சியிலேயே வெற்றிபெற்றுவிட்டேன். நன் டிகிரி படித்து முடித்துவிட்டு பி.எஸ்.சி தேர்வு எழுத வந்தேன். தேர்வுக்குத் தயாராகும்போது எனக்கு சந்தேகம் ஏற்பட்டால் அம்மாவிடம் கேட்பேன். அம்மாவுக்கு சந்தேகம் வந்தால் என்னிடம் கேட்பார். மற்றபடி தனித்தனியாக அமர்ந்துதான் படிப்போம். வேலைக்குச் சேர்ந்த பிறகு எங்கள் நண்பர்களிடம் சொல்லலாம் என நினைத்தோம். சமூக வலைதளங்களில் எங்கள் போட்டோ வைரலானதால் அனைவரும் அழைத்து வாழ்த்துத் தெரிவித்து வருகின்றனர்" என்றார். அரசு அலுவலர்களாக விருக்கும் அம்மா - பையன் ஜோடிக்கு வாழ்த்துகள்!
http://dlvr.it/SWP1Rl

Read More

`கூட்டம் அலைமோதுகிறது... பக்தர்கள் யாத்திரையை ஒத்திவைக்கவும்’- திருப்பதி தேவஸ்தானம்

திருப்பதியில் பக்தர்கள் கூட்டம் அலைமோதுவதால், மூத்த குடிமக்கள், மாற்றுத்திறனாளிகள் தங்களின் யாத்திரையை ஒத்திவைக்க தேவஸ்தானம் அறிவுறுத்தியுள்ளது. திருப்பதி கோவிலில் புரட்டாசி மாதம் பெருந்திரளான பக்தர்கள் வருவார்கள் என்பதால் மூத்த குடிமக்கள், மாற்றுத்திறனாளிகள் உள்ளிட்டோர் யாத்திரையை ஒத்திவைக்குமாறு தேவஸ்தானம் கேட்டுக் கொண்டுள்ளது. திருப்பதியில் செப்டம்பர் 18 முதல் அக்டோபர் 17 வரை வழக்கத்தை விட கூடுதலாக பக்தர்கள் வருவார்கள். எனவே மூத்த குடிமக்கள், மாற்றுத்திறனாளிகள் மற்றும் கைக்குழந்தையுடன் வருவோர் அக்டோபர் 17க்கு பிறகு வருமாறு தேவஸ்தானம் அறிவுறுத்தியுள்ளது.
http://dlvr.it/SWNTkZ

Read More