சாமியார்போல வந்து முன்னாள் எம்.பி-யை அரிவாளால் தாக்கிய நபர்; போலீஸ் விசாரணை | அதிர்ச்சி வீடியோ

ஆந்திராவில், தெலுங்கு தேசம் கட்சியைச் சேர்ந்த தலைவரும், முன்னாள் எம்.பி-யுமான போல்னாட்டி சேஷகிரி ராவை, சாமியார்போல வேடமிட்டு வந்த ஒரு நபர் அரிவாளால் தாக்கிவிட்டுத் தப்பியோடிய சம்பவம் அதிர்ச்சியை ஏற்படுத்தியிருக்கிறது. காக்கிநாடா மாவட்டம், துனி நகரிலுள்ள போல்னாட்டி சேஷகிரி ராவ் வீட்டில் இன்று காலை 6:30 மணியளவில் இந்தச் சம்பவம் நடந்திருக்கிறது.முன்னாள் எம்.பி போல்னாட்டி சேஷகிரி ராவ் மீது தாக்குதல் இதில், முகத்தைத் துணியால் சுற்றிக்கொண்டு சாமியார் வேடமிட்டு வந்திருந்த நபர் ஒருவர், சேஷகிரி ராவுக்கு ஆசீர்வாதம் வழங்குவதுபோல் அருகில் வந்து திடீரென மறைத்துவைத்திருந்த அரிவாளால் அவரைத் தாக்கிவிட்டுத் தப்பியோடும் காட்சி அங்கிருந்த சிசிடிவி கேமராவில் பதிவாகியிருக்கிறது. மேலும், இந்தத் தாக்குதலில் கையில் பலத்த காயமடைந்த சேஷகிரி ராவ் மருத்துவமனையில் அனுமதிக்கப்பட்டிருக்கிறார். இந்த நிலையில், சம்பவம் தொடர்பான சிசிடிவி காட்சிகள் சமூக வலைதளங்களில் வேகமாகப் பரவிவருகின்றன. ♦తుని: కాకినాడ జిల్లా తునిలో @JaiTDP , మాజీ ఎంపీపీ పొల్నాటి శేషగిరిరావుపై హత్యాయత్నం. ♦భవాని మాల వేషంలో వచ్చిన దుండగుడు భిక్ష తీసుకుంటున్నట్లుగా నటించి తన వద్దనున్న కత్తితో ఒక్కసారిగా శేషగిరిరావుపై దాడి చేశాడు. pic.twitter.com/07GMWCh80j— DD News Andhra (అధికారిక ఖాతా) (@DDNewsAndhra) November 17, 2022 அதேசமயம் சாமியார்போல வேடமிட்டு வந்து தாக்குதல் நடத்தியவரின் அடையாளத்தை போலீஸார் இன்னும் கண்டுபிடிக்கவில்லை. இருப்பினும் போலீஸார் தரப்பில், தாக்குதல் நடத்தியவர் மீது வழக்கு பதிவுசெய்யப்பட்டிருப்பதாகவும், தலைமறைவாகிவிட்ட அந்த நபரைக் கண்டுபிடிப்பதற்கு மேற்கொண்டு விசாரணை நடைபெறுவதாகவும் கூறப்பட்டிருக்கிறது.தாம்பரம்: காவலருக்கு அரிவாள் வெட்டு; இன்ஸ்பெக்டர் சுட்டதில் சுருண்டு விழுந்த ரௌடி! - என்ன நடந்தது?
http://dlvr.it/Scz0Fv

Read More

``ஆளுநர்கள் ரப்பர் ஸ்டாம்புகள் அல்ல..!" - லோக் ஆயுக்தா நிகழ்ச்சியில் தமிழக ஆளுநர் ஆர்.என்.ரவி பேச்சு

தமிழ்நாடு, கேரளா, டெல்லி, மேற்கு வங்கம் ஆகிய மாநிலங்களில் ஆளுநர்களுக்கும், மாநில அரசுகளுக்கும் தொடர்ச்சியாக அசாதாரணசூழல் நிலவிவருகிறது. தமிழ்நாட்டில் கடந்த பல மாதங்களாகவே ஆளுநர் ஆர்.என்.ரவிக்கும், தி.மு.க அரசுக்கும் மோதல்போக்கு தொடர்கிறது. முக்கியமாகத் தமிழ்நாட்டில் ஆளுங்கட்சி மற்றும் அதன் கூட்டணி கட்சிகள், ஆளுநர் ஆர்.என்.ரவியை திரும்பப் பெற வலியுறுத்தி குடியரசுத் தலைவர் திரௌபதி முர்முவுக்கு கடிதம் அனுப்பியிருக்கின்றன. முதல்வர் ஸ்டாலின் - ஆளுநர் ரவி இந்த நிலையில் ஆளுநர் ஆர்.என்.ரவி, `ஆளுநர்கள் ரப்பர் ஸ்டாம்புகள் அல்ல' என்று தெரிவித்திருக்கிறார். லோக் ஆயுக்தா தினத்தையொட்டி கேரள மாநிலம், திருவனந்தபுரத்தில் நேற்று நடைபெற்ற நிகழ்ச்சியில் கலந்துகொண்டு பேசிய ஆர்.என்.ரவி, ``ஆளுநர் என்ன செய்யவேண்டும். என்ன செய்யக்கூடாது என்று அனைத்து வகையான குரல்களும் ஒலிக்கப்படுகின்றன. அந்த ஒலிகள் முக்கியமில்லை. முக்கியமானது எதுவென்றால், அது இந்திய அரசியலமைப்பு. உச்ச நீதிமன்றமும், உயர் நீதிமன்றங்களும் அரசியலமைப்பை வெளிப்படுத்தும் அமைப்புகள். ஆளுநரின் நடவடிக்கைகள் சரியானதா... இல்லையா... என்பதை நீதித்துறை முடிவு செய்யும். ஆளுநர் பதவி அமைப்புமுறை முக்கியமானது.தமிழக ஆளுநர் ஆர்.என்.ரவி லோக் ஆயுக்தா போன்ற அமைப்புகளை வலுவிழக்கச்செய்யும் வகையில் திருத்தங்கள் மேற்கொண்டு வரப்படும்போது பங்காற்றுவதற்கு ஆளுநர்களுக்குப் பொறுப்பு இருக்கிறது. ஆளுநர்கள் அதில் முடிவெடுக்கவேண்டும். ஏனென்றால் ஆளுநர்கள் ரப்பர் ஸ்டாம்புகள் அல்ல. அரசியலமைப்பு விதி 200-ன் கீழ் மசோதாவுக்கு ஒப்புதல் அளித்ததாகவோ அல்லது மசோதாவைத் தடுத்து நிறுத்துவதாகவோ அல்லது குடியரசுத் தலைவரின் பரிசீலனைக்காக வைத்திருப்பதாகவோ ஆளுநர் அறிவிக்கலாம். அது அரசியலமைப்புக்கு உட்பட்டது என்று உச்ச நீதிமன்றம் தெளிவுபடுத்தியிருக்கிறது" என்று கூறினார்.தமிழ்நாடு, கேரளா ஆளுநர்கள் Vs முதல்வர்கள்... ஆளுநர் எதிர்ப்பில் தீவிரம் காட்டுவது யார்?!
http://dlvr.it/Scvvzr

Read More

உருவகேலிக்கு பதில் அளித்த கேரள கல்வித்துறை அமைச்சர்; பாடங்களில் விழிப்புணர்வு ஏற்படுத்த ஆலோசனை!

உருவ கேலிக்கு எதிரான விழிப்புணர்வை பள்ளி மாணவர் களிடையே ஏற்படுத்தும் நோக்கில், பள்ளிப் பாடத்திட்டத்தில் சேர்ப்பது குறித்து அரசு பரிசீலிக்கும் என்று கேரள மாநில கல்வித்துறை அமைச்சர் சிவன்குட்டி தெரிவித்துள்ளார். கடந்த சில தினங்களுக்கு முன், கேரள கல்வித்துறை அமைச்சர் சிவன்குட்டி, தனது முகநூல் பக்கத்தில் புகைப்படம் ஒன்றைப் பதிவிட்டிருந்தார். அந்தப் புகைப்படத்தைப் பார்த்த நெட்டிசன் ஒருவர், `அமைச்சரே உங்கள் வயிற்றைக் குறையுங்கள்’ என கமென்ட் செய்திருந்தார். Representational Image இதற்குப் பதிலளித்த அமைச்சர் சிவன்குட்டி, `உருவ கேலி என்பது கேவலமான செயல். உருவ கேலி செய்த பின்னர் என்ன விளக்கம் அளித்தாலும், அது ஏற்க முடியாத ஒன்று. சிலரால் தொடரப்படும் உருவ கேலியால் நம்மில் பலர் பாதிப்படைந்து வருகிறோம்’ என்று குறிப்பிட்டார். பின்னர் செய்தியாளர்களிடம் பேசிய அமைச்சர் சிவன்குட்டி, `ஒருவர் மீதான உருவ கேலிகளை நாம் நிறுத்த வேண்டும். நவீன மனிதர்களாக இருக்க நாம் கற்றுக்கொள்வோம். உருவ கேலிக்கு எதிரான விழிப்புணர்வை பள்ளிப் பாடத்திட்டத்தில் சேர்ப்பது குறித்தும், ஆசிரியர் திறன் பயிற்சி வகுப்புகளின்போது, இது போன்ற கடினமான சூழ்நிலைகளை சமாளிப்பது குறித்து கற்பிக்கவும் ஆலோசிக்கப்படும்’ என்றார்.கேரள கல்வித்துறை அமைச்சர் சிவன்குட்டிஉருக்குலைக்கும் உருவகேலி... ‘வலிமை’காட்டும் சரண்யா மேலும், சக மாணவர்களால் உருவ கேலிக்கு உள்ளான மாணவனிடமும், பெற்றோரிடமும் பேச உள்ளதாகவும், அவர்களை தன்னம்பிக்கையுடன் இருக்கும்படியும் அமைச்சர் கேட்டுக்கொண்டார். `ஒருவரின் நிறமோ செல்வமோ முக்கியமல்ல, அவர்களின் கனிவான குணமே அவர்களுக்கான தனித்துவத்தைப் பெற்றுத் தரும்’ எனவும் கேரள கல்வித்துறை அமைச்சர் சிவன் குட்டி தெரிவித்துள்ளார். இந்த விவகாரம் தற்போது கேரளாவில் பேசப்பட்டு வருகிறது.
http://dlvr.it/Scrqdv

Read More

கர்நாடகா: `மசூதி வடிவில் பேருந்து நிலையம்; புல்டோசர் கொண்டு தரைமட்டமாக்குவேன்!' - பாஜக எம்.பி

கர்நாடகாவைச் சேர்ந்த பா.ஜ.க எம்.பி பிரதாப் சிம்ஹா என்பவர், `மசூதி வடிவில் அமைக்கப்பட்டிருக்கும் பேருந்து நிலையத்தை, புல்டோசர்கொண்டு தரைமட்டமாக்கிவிடுவேன்' என்று எச்சரிக்கை விடுத்திருக்கிறார். சமூக வலைதளங்களில் வெளியான புகைப்படங்களை வைத்துப் பார்க்கையில், மைசூர்-ஊட்டி சாலையில் மசூதி வடிவில் பேருந்து நிலையம் ஒன்று அமைக்கப்பட்டிருப்பது தெரியவருகிறது.மசூதி வடிவில் பேருந்து நிலையம் இது தொடர்பாகப் பேசிய பா.ஜ.க எம்.பி பிரதாப் சிம்ஹா, ``சமூக வலைதளங்களில் அதை நான் பார்த்தேன். அதில், பேருந்து நிலையம் ஒன்றின் மேல், பெரிய குவிமாடமும் அதன் இருபக்கமும் சிறிய அளவிலான குவிமாடங்களும் இருக்கின்றன. அதுவொரு மசூதி மட்டுமே. இன்னும் மூன்று, நான்கு நாள்களில் அந்தக் கட்டடத்தை இடிக்குமாறு பொறியாளர்களிடம் கூறியிருக்கிறேன். பா.ஜ.க எம்.பி பிரதாப் சிம்ஹா - கர்நாடகா அப்படி அவர்கள் செய்யவில்லையென்றால், நானே அதை புல்டோசர்கொண்டு தரைமட்டமாக்குவேன்" என்று கூறினார். பிரதாப் சிம்ஹா-வின் இத்தகைய பேச்சு சர்ச்சையைக் கிளப்பியிருக்கும் நிலையில், கர்நாடக காங்கிரஸ் தலைவர் சலீம் அகமது, ``இது மைசூரு எம்.பி-யின் முட்டாள்தனமான கருத்து. அப்படியென்றால் குவிமாடம் இருக்கும் அரசு அலுவலகங்களையும் அவர் இடிப்பாரா?" என விமர்சனம் செய்திருக்கிறார். ``முஸ்லிம் நபர் எனக்கு உணவு டெலிவரி செய்யக் கூடாது..!" - இணையத்தில் விவாதப்பொருளான ஸ்க்ரீன்ஷாட்
http://dlvr.it/Scnk0M

Read More

`சகாவே வயிற்றைக் கொஞ்சம் குறையுங்கள்' ஃபேஸ்புக்கில் அமைச்சரிடம் வம்பிழுத்த நபர்!

கேரள மாநில கல்வித்துறை அமைச்சராக இருப்பவர் சிவன்குட்டி. இவர் ஃபேஸ்புக் பேஜில் தனது புரொபைல் போட்டோவை நேற்று மாற்றி அமைத்தார். அந்த போட்டோவில் அமைச்சர் சிவன்குட்டி காரில் இருப்பது போன்றும், காருக்கு வெளியிலிருந்து சில மாணவிகள் செல்ஃபி எடுப்பது போன்றும் இருந்தது. அந்த போட்டோவில் அமைச்சரின் வயிற்றுப்பகுதி சற்று பெரிதாக தெரிந்திருக்கிறது. அமைச்சரின் புரொபைல் போட்டோவிற்கு பலர் கமென்ட்டை பதிவிட்டிருந்தனர். சிலர் அவரை "ஹாய் மந்திரி அப்புப்பா" (அமைச்சர் தாத்தா) என கிண்டலடித்திருந்தனர். அப்போது கமென்ட்டில் ஒருவர் "சகாவே வயிற்றைக் கொஞ்சம் குறைக்க வேண்டும் கேட்டீர்களா..." எனத் தெரிவித்திருந்தார்.கேரள கல்வித்துறை அமைச்சர் சிவன்குட்டி அதற்கு பதிலளித்த அமைச்சர் சிவன்குட்டி, "பாடி ஷேமிங் இந்த காலத்தில் மிகவும் கேவலமான விஷயங்களில் ஒன்றாகப் பார்க்கப்படுகிறது."இந்த உலகம் அனைவருக்கும் சொந்தமானது. யாரையும் உடலைக் குறிப்பிட்டோ அல்லது வேறு எதற்காகவோ கேலி செய்யாதீர்கள்" என காட்டமாகியிருந்தார் அமைச்சர் சிவன்குட்டி." என காட்டமாகியிருந்தார். இதையடுத்து அமைச்சரின் கருத்துக்கு பின்னூட்டமிட்ட அந்த ஐ.டி, "வயிற்றை குறைப்பது பற்றி நான் கூறியது பாடி ஷேமிங் என்றால் நான் மன்னிப்பு கேட்டுக்கொள்கிறேன். சர்க்கரை நோயாளிகள் உடல் ஆரோக்கியத்தில் அக்கறை எடுத்துக்கொள்ள வேண்டும். உடற்பயிற்சி செய்வதை நிறுத்திவிடாதீர்கள். உங்கள் எடையைக் கட்டுக்குள் வைத்தால் போதும். சமீபகாலமாக உங்கள் உடல்நிலையில் அக்கறை காட்டாததால்தான் இப்படிக் கருத்து சொல்ல நேர்ந்தது. உங்கள் தொகுதியின் உறுப்பினராக இது என்னுடைய கடமையும் கூட" என கூறியிருந்தார்.
http://dlvr.it/Sckf3c

Read More

லஞ்சம் கேட்ட அரசு அதிகாரிகள்... `கருணை கொலை’க்கு அனுமதி கோரி ஜனாதிபதிக்கு தம்பதியர் கடிதம்!

கர்நாடகாவைச் சேர்ந்த தம்பதி தங்களை "கருணை கொலை" செய்யும் படி ஜனாதிபதி திரௌபதி முர்முவுக்கு கடிதம் எழுதியிருக்கின்றனர். கர்நாடகா, சிவ்மோகா மாவட்டம் சாகர் அருகே உள்ள குக்வே கிராமத்தைச் சேர்ந்தவர்கள் ஸ்ரீகாந்த் நாயக், சுஜாதா நாயக் தம்பதியர். இவர்களுக்கு கண்டிகா கிராம பஞ்சாயத்து எல்லையில் நிலம் இருக்குறது. அதில் கட்டடவேலை மேற்கொள்ள அதிகாரிகளிடம் அப்ரூவல் பெறவேண்டும். இந்த நிலையில் அதிகாரிகள் லேஅவுட்டுக்கு அப்ரூவல் கொடுக்காமல், லஞ்சம் கேட்டதாக தெரிகிறது. இதனால் மனவேதனைக்கு உள்ளான இந்த தம்பதியர் , இது குறித்து கடந்த நவம்பர் 9 -ம் தேதி சாகர் உதவி ஆணையரிடம் தங்களின் கோரிக்கை மனுவை அளித்தனர். மேலும் தங்கள் புகாரை சாகர் உதவி ஆணையர் மூலம் ஜனாதிபதிக்கு அனுப்பியுருக்கின்றனர். இந்த சம்பவம் தொடர்பாக ஸ்ரீகாந்த் நாயக், ``நாங்கள் ஏழைக் குடும்பத்தைச் சேர்ந்தவர்கள். எங்களுக்கு கண்டிகா கிராம பஞ்சாயத்து எல்லையில் நிலம் இருக்குறது. இது தொடர்பான ஆவணங்களைச் சரி செய்ய பஞ்சாயத்து வளர்ச்சித் துறை அதிகாரிகள் லஞ்சம் கேட்கின்றனர். பஞ்சாயத்து அலுவலகத்தில் ரூ.5 லட்சம் லஞ்சம் கேட்கிறார்கள். தாலுக்கா அலுவலகத்தில் ரூ.10 லட்சம் லஞ்சம் கேட்கிறார்கள்.எங்களை பிச்சைக்காரர்கள் போல நடத்துகிறார்கள்.திரௌபதி முர்மு நாங்கள் சாவதை தவிர எங்களுக்கு வேறு வழி தெரியவில்லை. எங்கள் நிலம் தொடர்பான பத்திர வேலைகளுக்காகக் லஞ்சம் கொடுத்துக் கொடுத்து களைத்துப் போனோம். அந்த அரசு அதிகாரிகள் லஞ்சம் கேட்பதோடு, துன்புறுத்தவும் செய்கிறார்கள். எங்கள் நிலத்தை அரசே கையகப்படுத்திவிட்டு,. எங்களைச் சாக அனுமதிக்க வேண்டும்", என்று அந்த மனுவில் தெரிவித்திருப்பதாக கூறப்படுகிறது. இதைத்தொடர்ந்து, உயர் அதிகாரி ஒருவர், ``அந்த தம்பதியர் கொடுத்த, புகாரின் உண்மைத்தன்மைகளை ஆராய்ந்து பின்பு உரிய நடவடிக்கை எடுக்கப்படும்’’ என்று உத்தரவாதம் அளித்திருக்கிறார் .``நிலநீர் எடுப்பு சான்று வேணும்னா ரூ.50,000 லஞ்சம் கொடு!’’ - நீர்வளத்துறை அதிகாரி சிறையிலடைப்பு
http://dlvr.it/SchPqM

Read More

மும்பை: வெடிகுண்டு அச்சுறுத்தல்; ஒரு மாதத்துக்கு டிரோன்கள், ஹெலிகாப்டர்களுக்குத் தடை!

மும்பை அருகிலுள்ள ராய்கட் மாவட்டத்தின் பென் நகரத்தில் ஆற்றுப்பகுதியில் இன்று வெடிகுண்டுகள் கண்டுபிடிக்கப்பட்டிருக்கின்றன. அவற்றில் ஜெலட்டின் குச்சிகளுடன் எலெக்ட்ரிக் சர்கியூட், கடிகாரம் இணைக்கப்பட்டிருந்தன. டெட்டனேட்டரும் சம்பவ இடத்தில் கண்டுபிடிக்கப்பட்டிருக்கிறது. இதைப் பார்த்த பொதுமக்கள் உடனே போலீஸாருக்குத் தகவல் கொடுத்தனர். அவை பாலத்துக்குக் கீழே கிடந்தன. பாலத்தைத் தகர்க்கும் நோக்கில் அவை வைக்கப்பட்டிருந்தனவா என்ற கோணத்தில் போலீஸார் விசாரித்துவருகின்றனர். ஜெலட்டின் குச்சிகளை போலீஸார் பறிமுதல் செய்து அவற்றைச் செயலிழக்கச் செய்தனர். இது குறித்து மாவட்ட எஸ்.பி சோம்நாத், ``பென் பாலத்துக்குக் கீழே கண்டுபிடிக்கப்பட்டவை டம்மி வெடிகுண்டுகள். இவற்றை யார் வைத்தார்கள் என்று விசாரித்துவருகிறோம். அந்தப் பகுதியில் நாளை மீண்டும் சோதனை நடத்தவிருக்கிறோம்" என்று தெரிவித்தார். கடந்த இரண்டு மாதங்களுக்கு முன்பு வெடிகுண்டுகள் நிரப்பிய படகு ஒன்று ராய்கட் மாவட்டத்தில் கண்டுபிடிக்கப்பட்டது குறிப்பிடத்தக்கது. இந்தச் சம்பவங்களைத் தொடர்ந்து மும்பையில் தீவிரவாத அச்சுறுத்தல் எச்சரிக்கை விடுக்கப்பட்டிருக்கிறது. இதையடுத்து மும்பையில் இந்த மாதம் 13-ம் தேதியிலிருந்து டிசம்பர் 12-ம் தேதி வரை டிரோன்கள் பறக்கத் தடைவிதித்து போலீஸார் உத்தரவிட்டிருக்கின்றனர். டிரோன்கள் மட்டுமல்லாது , தனியார் ஹெலிகாப்டர்கள், சிறிய ரக விமானங்கள் பறக்கவும் தடைவிதிக்கப்பட்டிருப்பதாக போலீஸார் வெளியிட்டிருக்கும் உத்தரவில் குறிப்பிட்டிருக்கின்றனர். 144 தடை உத்தரவும் மும்பையில் பிறப்பிக்கப்பட்டிருக்கிறது. மும்பையில் தீவிரவாதத் தாக்குதலைத் தடுக்கும் நோக்கில் இந்த நடவடிக்கை எடுக்கப்பட்டிருப்பதாக போலீஸார் தெரிவித்திருக்கின்றனர். தீவிரவாதிகள் டிரோன்கள், சிறிய தானியங்கி விமானங்கள், ஹெலிகாப்டர்களைப் பயன்படுத்தி வி.ஐ.பி-க்கள் மற்றும் முக்கிய இலக்குகளைத் தாக்கும் அபாயம் இருக்கிறது. மும்பை அதோடு மும்பையின் சட்டம்-ஒழுங்கைக் கெடுக்கும் வகையில் பொதுச்சொத்துகள் மீது தாக்குதல் நடத்தும் அபாயமும் இருக்கிறது. இது போன்ற நாசவேலைகளைத் தடுக்க இந்தக் கட்டுப்பாடுகள் அவசியம் என்று போலீஸார் தெரிவித்திருக்கின்றனர். பாராசூட், பலூன்களும் மும்பை மாநகராட்சிக்குட்பட்ட இடங்களில் 30 நாள்களுக்குப் பறக்க தடைவிதிக்கப்பட்டிருக்கிறது. தேவைப்படும்பட்சத்தில் மும்பை துணை போலீஸ் கமிஷனரிடம் அனுமதி வாங்கி இவற்றைப் பறக்கவிடலாம் என்றும் போலீஸார் தெரிவித்தனர். மும்பை: தீவிரவாதச் செயல்களுக்கு ரூ.13 கோடி அனுப்பிவைத்த தாவூத் இப்ராஹிம்; என்.ஐ.ஏ விசாரணையில் தகவல்!
http://dlvr.it/ScfG5W

Read More