``அகிலேஷ் யாதவ் தேர்தல் முடிவுகளைப் பற்றிச் சிந்திக்க வேண்டாம்!" - சரத் பவார் ஆறுதல்

உத்தரப்பிரதேசத்தில் கடந்த பிப்ரவரி 10-ம் தேதி முதல் மார்ச் 7-ம் தேதிவரை ஏழு கட்டங்களாக நடைபெற்ற சட்டமன்றத் தேர்தலுக்கான வாக்கு எண்ணிக்கை தற்போது நடைபெற்றுவருகிறது. இதில், பா.ஜ.க பெரும்பாலான இடங்களில் முன்னிலை வகித்து மிகப்பெரிய வெற்றியை பெற்றுள்ளது. தேர்தலுக்குப் பிந்தைய கருத்துக்கணிப்பில் பா.ஜ.க-வுக்கான வெற்றிவாய்ப்பு வெளிப்பட்டிருந்தது.உத்தரப்பிரதேச அரசியல் இந்த நிலையில், செய்தியாளர்கள் சந்திப்பில் பேசிய தேசியவாத காங்கிரஸ் கட்சியின் (என்.சி.பி) தலைவர் சரத் பவார், ``சமாஜ்வாடி கட்சியின் தலைவர் அகிலேஷ் யாதவ் எந்த தவறும் செய்யவில்லை. அவர் சொந்தமாகப் போட்டியிட்டு நாட்டில் உயர்ந்த அந்தஸ்தைப் பெற்றுள்ளார். எனவே, அவர் தேர்தல் முடிவுகளைப் பற்றிச் சிந்திக்க வேண்டாம். ஏனென்றால் அவர் முன்பை விட சிறப்பாகப் போராடினார். மேலும், பஞ்சாப் மக்கள் பா.ஜ.க மற்றும் காங்கிரஸைத் தோற்கடித்து ஆம் ஆத்மி கட்சிக்கு ஆளும் அதிகாரத்தை வழங்கியுள்ளனர்.யோகி, மோடி ஏனென்றால் பஞ்சாப் விவசாயிகளின் இதயங்களில் பிரதமர் நரேந்திர மோடிக்கு எதிரான கோபம் இருக்கிறது. மகாராஷ்டிராவில் பா.ஜ.க தேர்தலைச் சந்திக்க இன்னும் இரண்டரை ஆண்டுகள் காத்திருக்க வேண்டும்" என்று கூறினார். கர்ஹால் தொகுதியில் அகிலேஷ் யாதவ் முன்னிலையில் உள்ளார் என்பது குறிப்பிடத்தக்கது.உ.பி தேர்தல்: ``பாஜக பயப்படுகிறது; ஜனநாயகத்தைக் காப்பாற்ற கடைசி வாய்ப்பு!" - அகிலேஷ் யாதவ்
http://dlvr.it/SLRGbZ

Read More

உத்தரப்பிரதேசத்தில் ஆட்சியைத் தக்கவைக்க காரணம் யோகி ஆட்சியா... மோடி அலையா?

உத்தரப்பிரதேசத்தில் நடைபெற்ற சட்டமன்றத் தேர்தலுக்கான வாக்கு எண்ணிக்கை தற்போது நடைபெற்றுவருகிறது. இதில், பா.ஜ.க பெரும்பாலான இடங்களில் முன்னிலை வகிக்கிறது. உத்தரப்பிரதேசத்தில் 2017-ல் நடைபெற்ற சட்டமன்றத் தேர்தலில், மொத்த தொகுதிகளான 403-ல், 312 தொகுதிகளில் பா.ஜ.க வெற்றிபெற்றது. அப்போது முதல்வர் வேட்பாளராக யாரையும் பா.ஜ.க முன்னிறுத்தவில்லை. பிரதமர் நரேந்திர மோடியின் செல்வாக்கு காரணமாகவே அந்த வெற்றியை பா.ஜ.க பெற்றது.யோகி அந்த வெற்றிக்குப் பிறகுதான், கொரக்பூர் தொகுதி நாடாமன்ற உறுப்பினராக இருந்த யோகி ஆதித்யநாத்தை முதல்வர் நாற்காலியில் பா.ஜ.க அமரவைத்தது. ஐந்து ஆண்டு காலம் முதல்வராக இருந்த யோகி ஆதித்யநாத் தலைமையில் அடுத்த சட்டமன்றத் தேர்தலை பா.ஜ.க எதிர்கொண்டது. கடந்த பிப்ரவரி 10-ம் தேதி முதல் மார்ச் 7-ம் தேதிவரை ஏழு கட்டங்களாக நடைபெற்ற தேர்தலில் மிகப்பெரிய வெற்றியை பா.ஜ.க பெற்றுள்ளது. தேர்தலுக்குப் பிந்தைய கருத்துக்கணிப்பில் பா.ஜ.க-வுக்கான வெற்றிவாய்ப்பு வெளிப்பட்டிருந்தது. இது, யோகி ஆதித்யநாத் தலைமையில் கடந்த ஐந்து ஆண்டுகளாக நடைபெற்ற ஆட்சிக்கு கிடைத்த வெற்றியா, அல்லது மோடி அலையா என்கிற விவாதம் அரசியல் ஆர்வலர்களிடையே நடைபெற்றுவருகிறது. இந்த வெற்றிக்கு முக்கியக் காரணங்களில் ஒன்றாக சட்டம் ஒழுங்கு சொல்லப்படுகிறது. யோகியின் ஆட்சியில் உத்தரப்பிரதேச மாநிலத்தில் சட்டம் ஒழுங்கு சிறப்பாக இருந்தது என்று அவரின் ஆதரவாளர்கள் வாதிடுகிறார்கள். அதற்கு முன்பாக, சமாஜ்வாதி ஆட்சியில் குண்டர்களின் ராஜ்ஜியம் நடைபெற்றதாகவும், அந்த நிலையை யோகி ஆதித்யநாத் மாற்றிவிட்டார் என்றும் அவர்கள் சொல்கிறார்கள்.யோகி, மோடி யோகி தலைமையிலான ஆட்சியில் நூற்றுக்கணக்கான என்கவுன்டர் படுகொலைகள் நடைபெற்றதாக விமர்சனம் இருக்கிறது. குண்டர்களின் அட்டகாசங்களை ஒடுக்குவதற்காகவே என்கவுன்டர்களை யோகி நடத்தினார் என்றும், மாநிலத்தில் அமைதியை நிலைநாட்டுவதற்கு என்கவுன்டர்களை செய்வதில் தவறில்லை என்ற வாதத்தை பா.ஜ.க ஆதரவாளர்கள் முன்வைக்கிறார்கள். மேலும், மாநிலத்தின் அமைதிக்காக யோகி முன்னெடுத்த அத்தகைய நடவடிக்கைகளுக்கான மக்கள் அளித்துள்ள அங்கீகாரம்தான் இந்த வெற்றி என்றும் அவர்கள் குறிப்பிடுகிறார்கள். யோகியின் ஆட்சியில் சட்டம் ஒழுங்கு சிறப்பாக இருக்கிறது என்று சொல்வதைப் போல, யோகியின் ஆட்சியில் ஏராளமான வளர்ச்சித் திட்டங்கள் கொண்டுவரப்பட்டுள்ளன என்ற கருத்தையும் அவரின் ஆதரவாளர்கள் முன்வைக்கிறார்கள். மோடி, அமித் ஷா, யோகி உள்ளிட்ட பா.ஜ.க தலைவர்களின் தேர்தல் பிரசாரத்தில் இது பிரதானமாக முன்வைக்கப்பட்டது. கல்வி, வேலைவாய்ப்பு, தொழில் வளர்ச்சி ஆகியவற்றில் மிகவும் பின்தங்கிய மாநிலமாக உத்தரப்பிரதேசம் இருந்துவரும் நிலையில், கடந்த ஐந்து ஆண்டுகளில் பல திட்டங்கள் அங்கு தொடங்கப்பட்டுள்ளன. நெடுஞ்சாலைத் திட்டங்கள், மெட்ரோ ரயில் திட்டம், எய்ம்ஸ் மருத்துவமனை ஆகியவை குறிப்பிடத்தக்கவை. வளர்ச்சித் திட்டங்களிலும் கவனம் செலுத்துகிறார் என்கிற இமேஜை யோகிக்கு இது கொடுத்தது. அந்த இமேஜ், தேர்தலின் வெற்றிக்கு பயன்பட்டுள்ளது என்பதை தேர்தல் முடிவுகளில் பார்க்க முடிகிறது.அமித்ஷா, யோகி, மோடி 2017 சட்டமன்றத் தேர்தலில் உத்தரப்பிரதேசத்தில் பா.ஜ.க பெற்ற மிகப்பெரிய வெற்றிக்கு மோடி அலைதான் காரணம் என்று பார்க்கப்பட்டது. தற்போதைய வெற்றியிலும் மோடிக்கு மிகப்பெரிய பங்கு உண்டு என்பது மறுக்க முடியாதது. உத்தரப்பிரதேச மாநிலத்தில் பா.ஜ.க ஆதரவு மனநிலை கொண்ட மக்கள் மத்தியில் இப்போதும் மோடி தான் கதாநாயகன். இந்த நிலையில், மோடிக்கும் யோகிக்கும் இடையே பனிப்போர் நடப்பதாக கடந்த பல மாதங்களாக அரசியல் வட்டாரத்தில் பேசப்படுகிறது. தனக்கு போட்டியாக வருவார் என்பதால் யோகிக்கு எதிரான நிலைப்பாட்டில் பிரதமர் மோடி இருப்பதாகச் சொல்லப்பட்டது. கடந்த ஆண்டு யோகியின் பிறந்த நாளுக்கு மோடி வாழ்த்துச் சொல்லாததற்கு இதுதான் காரணம் என்றெல்லாம்கூட கூறப்பட்டது. அது உண்மையல்ல என்று பா.ஜ.க தரப்பில் விளக்கம்கூட கொடுக்கப்பட்டது.டாஸ்மாக்: `குறைந்தபட்சம் லேபிளை மாற்ற அவகாசம் தரப்பட்டிருக்க வேண்டும்!’ - குமுறும் விற்பனையாளர்கள் ஆனாலும் யோகி, மோடி இடையிலான பனிப்போர் தொடர்பான செய்திகள் வந்துகொண்டுதான் இருந்தன. மோடியின் செல்வாக்கு குறையுமானால், அடுத்த நாடாளுமன்றத் தேர்தலில் யோகியை பிரதமர் வேட்பாளராக முன்னிறுத்த ஆர்.எஸ்.எஸ் முடிவெடுக்கும் என்றெல்லாம்கூட அரசியல் வட்டாரத்தில் கிசுகிசுக்கப்பட்டது. இதற்கு மத்தியில், உத்தரப்பிரதேச சட்டமன்றத் தேர்தலில் யோகியும் மோடியும் கைகோத்து பிரசாரக் களத்தில் குதித்தனர். கடந்த ஐந்தாண்டுகளில் சிறப்பான ஆட்சியை யோகி வழங்கியிருக்கிறார் என்று மோடி நற்சான்றிதழ் வழங்கினார்.யோகி உத்தரப்பிரதேசத்துக்கு வளர்ச்சித் திட்டங்களைக் கொண்டுவருவதில் பிரதமர் மோடிக்கு முக்கியப் பங்கு உண்டு என்பதை மக்கள் பார்க்கத் தவறவில்லை. அதே நேரத்தில், முதல்வராக இருந்து மாநிலத்தில் ஆட்சி செய்கிற யோகியை தங்களுக்கு நெருக்கமானவராகப் பார்க்கும் உத்தரப்பிரதேச மக்கள், யோகியின் செயல்பாடுகளை பிரதானமாகப் பார்க்கிறார்கள் என்பதே அரசியல் பார்வையாளர்களின் கருத்தாக இருக்கிறது. 2017-ல் வீசியது மோடி அலையாக இருக்கலாம். அந்த அலை 2022-ல் குறைவாகவே வீசியிருக்கிறது என்றும், யோகியின் ஆட்சியே வாக்குகளை அள்ளிக்குவித்திருக்கிறது என்பதும் அரசியல் விமர்சகர்களின் வாதமாக இருக்கிறது.
http://dlvr.it/SLQjyk

Read More

முதலமைச்சர் மு.க.ஸ்டாலின் தலைமையில் இன்று முதல் மாவட்ட ஆட்சியர்கள் மாநாடு

முதலமைச்சர் மு.க.ஸ்டாலின் தலைமையில் மாவட்ட ஆட்சியர்கள், காவல் மற்றும் வனத்துறை அலுவலர்கள் மாநாடு சென்னையில் இன்று தொடங்குகிறது.தலைமைச் செயலகத்தில் இன்று முதல் 3 நாட்கள் நடைபெறும் இந்த மாநாட்டில், மாவட்ட நிர்வாகம், சட்டம் - ஒழுங்கு, மாவட்ட வளர்ச்சிப் பணிகள் உள்ளிட்ட அம்சங்கள் குறித்து முதலமைச்சர் விரிவாக ஆய்வு செய்ய உள்ளார். கடந்த 10 மாதங்களில் அரசு வெளியிட்டு அமல்படுத்திய திட்டங்களின் செயல்பாட்டை அறிந்து கொள்ளும் முதலமைச்சர், அவற்றை மேலும் சிறப்பாக செயல்படுத்திடுவதற்கான ஆலோசனை வழங்க உள்ளார். வரும் ஆண்டுகளில் மக்களின் தேவைகளை ஆட்சியர் வாயிலாக அறிந்து, அவற்றின் அடிப்படையில் சிறப்பான திட்டங்களைக் கொண்டு வருவதற்கான நடவடிக்கைகளை எடுப்பது குறித்தும் இந்த மாநாட்டில் ஆலோசிக்கப்பட உள்ளது.இதையும் படிக்க: 30 வருட சிறைவாசத்தில் முதன்முறையாக பேரறிவாளனுக்கு ஜாமீன் - உச்சநீதிமன்றம் உத்தரவு
http://dlvr.it/SLQGpl

Read More

Uttar Pradesh State Election Result: லக்கிம்பூர் தொகுதியில் பாஜக முன்னிலை! | Live Updates

யோகிக்கு டஃப் கொடுக்கும் அகிலேஷ்! அகிலேஷ் யாதவ் உத்தரப்பிரதேச சட்டமன்றத் தேர்தலுக்கான வாக்கு எண்ணிக்கையில் ஆரம்பம் முதலே பா.ஜ.க முன்னிலை வகித்து வருகிறது. என்றாலும் பல இடங்களில் அகிலேஷ் யாதவ்-ன் சமாஜ்வாதி கட்சி பாஜகவுக்கு கடு போட்டி அளித்து வருகிறது. 403 இடங்களை கொண்ட உத்தரப்பிரதேச சட்டமன்றத் தேர்தலில் பாஜக தற்போது 120 இடங்களிலும், சமாஜ்வாடி 97 இடங்களிலும் முன்னிலையில் இருக்கிறது. உத்திர பிரதேச தேர்தல் வாக்கு எண்ணிக்கை நிலவரம் லக்னோவிலிருந்து நேரலையில்! உ.பி-யில் பாஜக முன்னிலை! உத்தரப்பிரதேச சட்டமன்றத் தேர்தலுக்கான வாக்கு எண்ணிக்கையில் ஆரம்பம் முதலே பா.ஜ.க முன்னிலை வகித்து வருகிறது. உபி லக்கிம்பூர் தொகுதியில் பாஜக முன்னிலை! லக்கிம்பூர் கேரி சம்பவம் விவசாயிகள் கார் ஏற்றிக் கொல்லப்பட்ட லக்கிம்பூர் தொகுதியில் பா.ஜ.க முன்னிலை வகித்து வருகிறது. Uttar Pradesh Election Result 2022: தொடங்கியது விறுவிறு வாக்கு எண்ணிக்கை! உத்தரப்பிரதேச மாநிலத்தில் மொத்தம் உள்ள 403 சட்டமன்றத் தொகுதிகளில் பதிவான வாக்குகளுக்கான வாக்கு எண்ணிக்கையானது தற்போது தொடங்கியிருக்கிறது. இன்னும் சற்று நேரத்தில் சுற்றுகள் வாரியாக முன்னணி நிலவரம் தெரியவரும்... 5 மாநில சட்டமன்றத் தேர்தல் முடிவுகள்... முன்னணி நிலவரம்! உத்தரப்பிரதேச தேர்தல்: இந்தியாவின் மிகப்பெரிய மாநிலம் உத்தரப்பிரதேசம். இந்த மாநிலத்தில் மட்டும் 403 தொகுதிகள் உள்ளன. கடந்த 2017-ம் ஆண்டு நடைபெற்ற தேர்தலில் பா.ஜ.க கூட்டணி 312 இடங்களிலும், சமாஜ்வாடி கட்சி 47 இடங்களிலும், பகுஜன் சமாஜ் கட்சி 17 இடங்களிலும், அப்னா தளம் (சோனேலால்) ஒன்பது இடங்களிலும், இந்திய தேசிய காங்கிரஸ் ஏழு இடங்களிலும் வெற்றிபெற்றிருந்தது. உத்தரப்பிரதேச சட்டமன்றத்தின் பதவிக்காலம் வரும் மே 14-ம் தேதியுடன் முடிவடைகிறது. இதனை அடுத்து இந்த மாநிலத்துக்கான தேர்தல் பிப்ரவரி மாதம் 10-ம் தேதி தொடங்கி மார்ச் 7-ம் தேதி வரை ஏழு கட்டங்களாக நடந்து முடிந்தது.உத்தரப்பிரதேச தேர்தல் முடிவுகள் இந்தத் தேர்தலில், தேசிய ஜனநாயகக் கூட்டணியில், பா.ஜ.க 376 இடங்களிலும், நிசாத் கட்சி 15 இடங்களிலும், அப்னா தளம் (சோனேலால்) 12 இடங்களிலும் தேர்தலைச் சந்தித்துள்ளது. இந்தக் கூட்டணியில் முதல்வர் வேட்பாளராக யோகி ஆதித்யாநாத் அறிவிக்கப்பட்டுள்ளார். பகுஜன் சமாஜ் கட்சி 403 இடங்களிலும் தனித்துத் தேர்தலைச் சந்தித்திருக்கிறது. சமாஜ்வாடி கட்சிக் கூட்டணியில், சமாஜ்வாடி உட்பட மொத்தம் எட்டு கட்சிகள் ஒன்றிணைந்து இந்தத் தேர்தலைச் சந்தித்துள்ளது. இந்திய தேசிய காங்கிரஸ் கட்சி தனித்துக் களம் காண்கிறது. இடதுசாரிகள் தொடங்கி, ஆம் ஆத்மி கட்சி வரை பலரும் தேர்தலில் போட்டியிடுகிறார்கள். அதிக சட்டமன்றத் தொகுதி மட்டுமின்றி அதிக மக்களவைத் தொகுதிகளைக்கொண்ட மாநிலம் என்பதால் இந்த மாநிலத் தேர்தல் தேசிய அளவில் பெரும் எதிர்பார்ப்பை ஏற்படுத்தியுள்ளது. தேர்தல் முடிவுகள்: உத்தரப்பிரதேசத்தில் ஏழு கட்ட வாக்குப்பதிவு முடிவடைந்துள்ள நிலையில், இன்று வாக்கு எண்ணிக்கை நடைபெற்றுவருகிறது. இந்த முடிவு விவரங்கள் இன்றே அறிவிக்கப்படும். தேர்தலில் முன்னணியில் இருக்கும் கட்சிகளின் விவரங்களைப் பின்வருமாறு காணலாம்...
http://dlvr.it/SLPwkV

Read More

ஹிஜாப்: `முஸ்லிம் பெண்களின் கவனத்தை திசைதிருப்பும் முயற்சி!' - கேரள ஆளுநர்

கர்நாடகாவில் தொடங்கிய ஹிஜாப் பிரச்னை இன்று சர்வதேச அளவில் பேசுபொருளாகியிருக்கிறது. ஹிஜாப் விவகாரம் குறித்து பல்வேறு தரப்பினரும் மாறுபட்ட கருத்துகளைக் கூறிவருகின்றனர். இந்த நிலையில், தி நியூ இந்தியன் எக்ஸ்பிரஸ் குழுமத்தின் சார்பில் நடைபெற்ற நிகழ்ச்சியில் கேரள ஆளுநர் ஆரிஃப் முகமது கான் பேசினார். அப்போது பேசிய அவர், ```கர்நாடகாவில் எழுந்துள்ள ஹிஜாப் விவகாரம் முஸ்லிம் பெண்களை அவர்களுடைய வீட்டில் அடைக்கும் முயற்சி.ஹிஜாப் சர்ச்சை கல்வி நிறுவனங்கள் சீருடை தொடர்பான விதிகளை கடைப்பிடிக்கலாம். இது நீண்ட காலமாக நடைமுறையிலிருந்து வருகிறது. ஆனால், ஹிஜாப் விவகாரம் சர்ச்சை ஒரு சதி என்பதுதான் என்னுடைய கருத்து. இது போன்ற பிரச்னைகள் முஸ்லிம் பெண்களின் கவனத்தைத் திசை திருப்பும் முயற்சி. மேலும் பெண்களுக்குக் கல்வியின் மீதுள்ள ஆர்வத்தைக் குறைக்கும் முயற்சி'' என்றார். குஜராத்: ஹிஜாப் அணிந்து பள்ளிக்குத் தேர்வெழுத வந்த பெண்களுக்கு எதிர்ப்பு - இந்து அமைப்பினர் கைது!
http://dlvr.it/SLNJHw

Read More

இந்தியாவில் 5 - 12 வயதுக்குட்பட்ட குழந்தைகளுக்கும் விரைவில் கொரோனா தடுப்பூசி?

ஹைதராபாத்தில் செயல்படும் `பயாலஜிக்கல் - இ’ என்ற மருந்து நிறுவனம், இந்தியாவில் 5 - 12 வயதுக்குட்பட்ட குழந்தைகளுக்கும் கோர்பேவேக்ஸ் தடுப்பூசியை அவசர செயல்பாட்டுக்கு அனுமதிக்க கோரியிருப்பதாக தகவல் வெளியாகியுள்ளன. இதற்கு தேவையான தரவுகளை, அந்நிறுவன அதிகாரிகள் சம்பந்தப்பட்ட நிபுணர் குழுவிடம் வழங்கியிருப்பதாக ஏ.என்.ஐ. செய்தி நிறுவனத்துக்கு தகவல் கிடைத்திருப்பாத ஏ.என்.ஐ. தெரிவித்துள்ளது. சமீபத்தில்தான் நிபுணர் குழு சார்பில் 12 - 18 வயதுக்குட்பட்டோருக்கான பயாலஜிக்கல் - இ கொரோனா தடுப்பூசியை, அவசரகால அனுமதியாக சில கட்டுப்பாடுகளுடன் அங்கீகரிக்கப்பட்டிருந்தது குறிப்பிடத்தக்கது. விரைவில் தேசிய மருந்து தலைமை கட்டுப்பாட்டாளர் 5 - 12 வயதுக்குட்பட்டோருக்கான தடுப்பூசியை அங்கீகரிப்பார் என எதிர்ப்பார்க்கப்படுகிறது. எஸ்.இ.சி. எனும் நிபுணர் குழு, அவசர கால பயன்பாட்டுக்கு இதை பரிந்துரைத்திருப்பதாக கூறப்படுகிறது. இந்த தடுப்பூசி வரித்தொகை சேர்க்காமல் ரூ.145 -க்கு விற்பனைக்கு வருமென எதிர்ப்பார்க்கப்படுகிறது. இரு டோஸ்களாக இந்தத் தடுப்பூசியை எடுத்துக்கொள்ள வேண்டியிருக்கும். தற்போதைக்கு, மத்திய அரசு 5 கோடி பயாலஜிக்கல் இ தடுப்பூசியான கோர்பேவேக்ஸை பெற்று, மாநிலங்களுக்கு அதை விநியோகித்திருப்பதாக ஏ.என்.ஐ. செய்திநிறுவனத்துக்கு தகவல் கிடைத்திருப்பதாக அந்நிறுவனம் தெரிவித்திருக்கிறது. Biological E seeks EUA for COVID vaccine Corbevax for children in 5-12 age group: Official sourcesRead @ANI Story | https://t.co/XdjP4Vlitk#Corbevax #BiologicalE #Covid19 pic.twitter.com/NAR3abK5Y0 — ANI Digital (@ani_digital) March 9, 2022 இந்த பயாலஜிக்கல் இ நிறுவனம், தங்களின் 2 மற்றும் 3-ம் கட்ட ஆய்வுகளை கடந்த செப்டம்பர் 2021-லேயே முடித்திருந்தன. சமீபத்திய செய்தி: ’கேஜிஎஃப்’ பிரஷாந்த் நீலின் ‘சலார்’: பிரபாஸுக்கு வில்லனாக மிரட்ட வரும் பிரித்விராஜ்
http://dlvr.it/SLMl8P

Read More

Assembly Election Result 2022: எந்த மாநிலத்தில் யாருக்கு பெரும்பான்மை! - ஐந்து மாநில தேர்தல் முடிவுகள் | Live Updates

ஐந்து மாநில தேர்தல் முடிவுகள்:  ஐந்து மாநிலங்களுக்கான சட்டப்பேரவை தேர்தல் கடந்த இரண்டு மாதங்களாக நடந்து முடிந்தது. உத்தரகாண்ட் மாநிலத்தில் 70 தொகுதிகளுக்கும், கோவாவில் 40 தொகுதிகளுக்கும், பஞ்சாபில் 117 தொகுதிகளுக்கும், உத்தரப் பிரதேசத்தில் 403 தொகுதிகளுக்கும், மணிப்பூரில் 60 தொகுதிகளுக்கும் தேர்தல் நடைபெற்றது. உத்தரப் பிரதேசத்திற்கு ஏழு கட்டங்களாகவும், பஞ்சாப், கோவா மற்றும் உத்தரகாண்ட் ஆகிய மாநிலங்களுக்கு ஒரே கட்டமாகவும் மணிப்பூர் மாநிலத்திற்கு இரு கட்டமாகவும் தேர்தல் நடைபெற்றது.வாக்கு எண்ணிக்கை இந்த தேர்தலில் பதிவான வாக்குகள் அனைத்தும் மார்ச் 10-ந்தேதி, எண்ணப்படுகின்றன. நாளை காலை 8 மணிக்கு வாக்கு எண்ணிக்கை தொடங்கும். வாக்கு இயந்திரங்கள் ஸ்ட்ராங் ரூம் என்று அழைக்கப்படும் அறையில் வைக்கப்பட்டுள்ளது. மார்ச் 10 - தேதி மதியத்துக்குள் எந்த மாநிலத்தில் எந்த கட்சிக்கு பெரும்பான்மை கிடைக்கும் என்பது தெரிந்து விடும்! Exit Polls: மணிப்பூரில் முந்தும் பா.ஜ.க... தேர்தலுக்கு பிந்தைய கருத்துக்கணிப்பு முடிவுகள்!Exit Polls: மணிப்பூரில் முந்தும் பா.ஜ.க... தேர்தலுக்குப் பிந்தைய கருத்துக்கணிப்பு முடிவுகள்! Exit Polls: உ.பி-யில் முந்தும் பாஜக; தேர்தலுக்கு பிந்தைய கருத்துக்கணிப்பு முடிவுகள் சொல்வதென்ன?!Exit Polls: உ.பி-யில் முந்தும் பாஜக; தேர்தலுக்குப் பிந்தைய கருத்துக்கணிப்பு முடிவுகள் சொல்வதென்ன?! Exit Polls: பஞ்சாபில் முந்தும் ஆம் ஆத்மி; தேர்தலுக்கு பிந்தைய கருத்துக்கணிப்பு முடிவுகள் சொல்வதென்ன!Exit Polls: பஞ்சாப்பில் முந்தும் ஆம் ஆத்மி; தேர்தலுக்குப் பிந்தைய கருத்துக்கணிப்பு முடிவுகள்! Exit Polls: உத்தரகாண்ட் தேர்தலுக்கு பிந்தைய கருத்துக்கணிப்பு முடிவுகள் சொல்வதென்ன!Exit Polls: உத்தரகாண்ட்; பாஜக - காங்., இடையே கடும் போட்டி! கருத்துக்கணிப்பு முடிவுகள் Exit Polls: பாஜக VS காங்., இழுபறியில் கோவா - தேர்தலுக்கு பிந்தைய கருத்துக்கணிப்பு முடிவுகள்!Exit Polls: பாஜக VS காங்., இழுபறியில் கோவா - தேர்தலுக்கு பிந்தைய கருத்துக்கணிப்பு முடிவுகள்!
http://dlvr.it/SLMC3K

Read More